ಗ್ರೇಟ್ ಕಮ್‌ಬ್ಯಾಕ್; ಮಾಲಿಂಗ ಲಂಕಾ ತಂಡದ ಕಪ್ತಾನ

ಕೊಲಂಬೊ: ದೀರ್ಘ ಸಮಯದ ಬಳಿಕ ಶ್ರೀಲಂಕಾದ ಅನುಭವಿ ವೇಗಿ ಲಸಿತ್ ಮಾಲಿಂಗ ಭರ್ಜರಿ ಕಮ್‌ಬ್ಯಾಕ್ ಮಾಡಿಕೊಂಡಿದ್ದಾರೆ.

ಶ್ರೀಲಂಕಾ ಕ್ರಿಕೆಟ್ ಮಂಡಳಿ ಗುರುವಾರ ನ್ಯೂಜಿಲೆಂಡ್ ವಿರುದ್ಧ ನಡೆಯಲಿರುವ ಸೀಮಿತ ಓವರ್‌ಗಳ ಸರಣಿಗಾಗಿ ತಂಡವನ್ನು ಪ್ರಕಟಿಸಿದ್ದು, ಲಸಿತ್ ಮಾಲಿಂಗ ಅವರನ್ನು ನಾಯಕನಾಗಿ ಘೋಷಿಸಿದೆ.

17 ಸದಸ್ಯ ಬಳಗದ ತಂಡವನ್ನು 35ರ ಹರೆಯದ ಮಾಲಿಂಗ ಮುನ್ನಡೆಸಲಿದ್ದಾರೆ.

ಕಿವೀಸ್ ವಿರುದ್ಧ ಲಂಕಾ ಮೂರು ಪಂದ್ಯಗಳ ಏಕದಿನ ಸರಣಿ ಹಾಗೂ ಏಕೈಕ ಟ್ವೆಂಟಿ-20 ಪಂದ್ಯಗಳಲ್ಲಿ ಭಾಗವಹಿಸಲಿದೆ.

ಕಳೆದೆರಡು ವರ್ಷಗಳಿಂದ ಲಂಕಾ ತೀರಾ ಕೆಟ್ಟ ಪ್ರದರ್ಶನ ನೀಡುತ್ತದ್ದು, ಅನೇಕ ಬಾರಿ ನಾಯಕತ್ವದ ಬದಲಾವಣೆ ಕಂಡುಬಂದಿದೆ. ಈ ಹಿಂದೆ 2014ರ ಟ್ವೆಂಟಿ-20 ವಿಶ್ವಕಪ್‌ನಲ್ಲೂ ಲಂಕಾ ತಂಡವನ್ನು ಮುನ್ನಡೆಸಿದ್ದರು.

ಆದರೆ ಸತತ ಗಾಯದ ಸಮಸ್ಯೆಯಿಂದಾಗಿ ತಂಡದಿಂದಿಂದ ಹೊರಗುಳಿಯಬೇಕಾಯಿತು. ಕಳೆದ ವರ್ಷ ಆಗಸ್ಟ್ ತಿಂಗಳಲ್ಲಿ ಭಾರತ ವಿರುದ್ಧ ನಡೆದ ಏಕದಿನ ಪಂದ್ಯದಲ್ಲಿ ಮಾಲಿಂಗ ಕೊನೆಯದಾಗಿ ಲಂಕಾ ತಂಡವನ್ನು ಮುನ್ನಡೆಸಿದ್ದರು.