ಸ್ಟಂಪಿಂಗ್‌ನಲ್ಲಿ ಧೋನಿ ಮಿಂಚು

ಹ್ಯಾಮಿಲ್ಟನ್‌: ಟೀಮ್‌ ಇಂಡಿಯಾದ ಅನುಭವಿ ವಿಕೆಟ್‌ಕೀಪರ್‌ ಎಂ.ಎಸ್‌ ಧೋನಿ ವಿಕೆಟ್‌ ಹಿಂಬದಿಯಲ್ಲಿ ಮತ್ತೊಮ್ಮೆ ಮಿಂಚಿನ ಕೈಚಳಕ ಪ್ರದರ್ಶಿಸಿದ್ದಾರೆ.

ನ್ಯೂಜಿಲೆಂಡ್‌ ವಿರುದ್ಧದ ಐ-ಟಿ20 ಸರಣಿಯ 3ನೇ ಹಾಗೂ ಅಂತಿಮ ಪಂದ್ಯದಲ್ಲಿ ಕಿವೀಸ್‌ ಬ್ಯಾಟ್ಸ್‌ಮನ್‌ ಟಿಮ್‌ ಸೀಫರ್ಟ್‌ ಅವರನ್ನು ಸ್ಟಂಪ್‌ ಔಟ್‌ ಮಾಡುವಲ್ಲಿ ಧೋನಿ ತೆಗೆದುಕೊಂಡ ಸಮಯ 0.099 ಸೆಕೆಂಡ್‌ಗಳು.

ಕುಲ್ದೀಪ್‌ ಯಾದವ್‌ ಅವರ ದೂಸ್ರಾ ಎಸೆತದಲ್ಲಿ ಸೀಫರ್ಟ್‌ ಬೀಟ್‌ ಆಗುತ್ತಿದ್ದಂತೆಯೇ ವಿಕೆಟ್‌ ಹಿಂಬದಿಯಲ್ಲಿ ಧೋನಿ ಮಿಂಚಿನಂತೆ ಬೇಲ್ಸ್‌ ಎಗರಿಸಿದ್ದರು. ಸರಣಿಯಲ್ಲಿ ಈ ಮೊದಲು ರಾಸ್‌ ಟೇಲರ್‌ ಅವರನ್ನೂ ಧೋನಿ ಇದೇ ರೀತಿ ಸ್ಟಂಪ್‌ ಔಟ್‌ ಮಾಡಿದ್ದರು.

ಧೋನಿ ಐ-20ಯಲ್ಲಿ ಅತಿಹೆಚ್ಚು (34) ಸ್ಟಂಪ್‌ ಔಟ್‌ಗಳ ದಾಖಲೆ ಹೊಂದಿದ್ದಾರೆ.