ವಿರಾಟ್‌ ಕೊಹ್ಲಿ, ಸ್ಟೀವ್‌ ಸ್ಮಿತ್‌ ಜೊತೆಗೆ ಪಾಕಿಸ್ತಾನ ಕ್ರಿಕೆಟಿಗನನ್ನು ಹೋಲಿಸಿದ ಮೈಕ್‌ ಹಸ್ಸಿ!

ಪರ್ತ್: ಇತ್ತೀಚೆಗಷ್ಟೇ ಅಂತ್ಯಗೊಂಡ ಆತಿಥೇಯ ಆಸ್ಟ್ರೇಲಿಯಾ ವಿರುದ್ಧದ ಟಿ20 ಕ್ರಿಕೆಟ್‌ ಸರಣಿಯಲ್ಲಿ ಪಾಕಿಸ್ತಾನ ತಂಡ ಹೀನಾಯ ಸೋಲುಂಡರೂ, ಸ್ಟಾರ್‌ ಬ್ಯಾಟ್ಸ್‌ಮನ್‌ ಬಾಬರ್‌ ಆಝಮ್‌ ತಂಡದ ಪರ ಗರಿಷ್ಠ ರನ್‌ ಸ್ಕೋರರ್‌ ಎನಿಸಿಕೊಂಡರು. ಈ ಮೂಲಕ ಟಿ20-ಐನಲ್ಲಿ ತಾವೇಕೆ ನಂ.1 ಬ್ಯಾಟ್ಸ್‌ಮನ್‌ ಎಂಬುದನ್ನೂ ಸಾಬೀತು ಪಡಿಸಿದರು.

ಇದೀಗ ಐಸಿಸಿ ಟೆಸ್ಟ್‌ ಚಾಂಪಿಯನ್‌ಷಿಪ್‌ ಭಾಗವಾಗಿ ಪಾಕಿಸ್ತಾನ ಮತ್ತು ಆಸ್ಟ್ರೇಲಿಯಾ ತಂಡಗಳು 2 ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ ಪೈಪೋಟಿ ನಡೆಸಲಿವೆ. ಇದರಲ್ಲಿ ಅಡಿಲೇಡ್‌ನಲ್ಲಿ ನಡೆಯಲಿರುವ ಪಂದ್ಯದಲ್ಲಿ ಇತ್ತಂಡಗಳು ಡೇ-ನೈಟ್‌ ಟೆಸ್ಟ್‌ ಆಡಲಿವೆ.

ವಿಡಿಯೊದಲ್ಲಿ ಸೆರೆ ಸಿಕ್ಕ ವಿಂಡೀಸ್‌ ಆಟಗಾರನ 'ಬಾಲ್‌ ಟ್ಯಾಂಪರಿಂಗ್' ಮೋಸದಾಟ!

ಈ ಬಗ್ಗೆ ಮಾತಿಗಿಳಿದ ಆಸ್ಟ್ರೇಲಿಯಾ ಕ್ರಿಕೆಟ್‌ ತಂಡ ಮೆಂಟರ್‌ ಮಾಜಿ ಎಡಗೈ ಬ್ಯಾಟ್ಸ್‌ಮನ್‌ ಮೈಕ್‌ ಹಸ್ಸಿ, ಸದ್ಯ ವಿಶ್ವದ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳ ಕುರಿತಾಗಿ ಚರ್ಚಿಸಿದ್ದಾರೆ. ಅಷ್ಟೇ ಅಲ್ಲದೆ ಪಾಕಿಸ್ತಾನ ತಂಡದ ಬ್ಯಾಟ್ಸ್‌ಮನ್‌ ಬಾಬರ್‌ ಆಝಮ್‌, ಮತ್ತಷ್ಟು ಶ್ರಮ ವಹಿಸಿದರೆ ಕ್ರಿಕೆಟ್‌ ಜಗತ್ತಿನ ದಿಗ್ಗಜರಾದ ವಿರಾಟ್‌ ಕೊಹ್ಲಿ, ಸ್ಟೀವ್‌ ಸ್ಮಿತ್‌ ಮತ್ತು ಕೇನ್‌ ವಿಲಿಯಮ್ಸನಮ್‌ ಅವರ ಸಾಲಿನಲ್ಲಿ ನಿಲ್ಲಬಲ್ಲರು ಎಂದಿದ್ದಾರೆ.

2020ರ ಟಿ20 ವಿಶ್ವಕಪ್‌ಗೆ ಟೀಮ್‌ ಇಂಡಿಯಾದ ಭವಿಷ್ಯ ನುಡಿದ ಶೊಯೇಬ್‌ ಅಖ್ತರ್‌!

"ನಿಜ ಹೇಳುವುದಾದರೆ ವಿಶ್ವ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳ ಕುರಿತಾಗಿ ಚರ್ಚಿಸುವುದಾದರೆ ಬಾಬರ್‌ ಕೂಡ ಆ ಸಾಲಿನಲ್ಲಿ ಕಾಣಿಸಿಕೊಳ್ಳುತ್ತಾರೆ. ನಾವೆಲ್ಲಾ ಕೊಹ್ಲಿ, ಸ್ಮಿತ್‌, ಕೇನ್‌ ಹಾಗೂ ಜೋ ರೂಟ್‌ ಕುರಿತಾಗಿ ಮಾತನಾಡುತ್ತೇವೆ. ಅಂತೆಯೇ ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಬಾಬರ್‌ ದೊಡ್ಡ ಶತಕಗಳನ್ನು ಗಳಿಸಿದರೆ ಅವರು ಕೂಡ ಈ ಸಾಲಿನಲ್ಲಿ ಗುರುತಿಸಿಕೊಳ್ಳಬಲ್ಲರು. ಅವರಲ್ಲಿ ಆ ಸಾಮರ್ಥ್ಯವಿದೆ. ಅದ್ಭುತ ಆಟಗಾರ," ಎಂದು ಪಾಕಿಸ್ತಾನ ತಂಡದ ಬ್ಯಾಟ್ಸ್‌ಮನ್‌ ಬಗ್ಗೆ ಹಸ್ಸಿ ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.

ಟೀನೇಜರ್‌ ಶಫಾಲಿ ಬ್ಯಾಟಿಂಗ್‌ಗೆ ಬೆಚ್ಚಿದ ವೆಸ್ಟ್‌ ಇಂಡೀಸ್‌!

ಇನ್ನು ಟೆಸ್ಟ್‌ ಕ್ರಿಕೆಟ್‌ಗೆ ಪೂರ್ವ ಸಿದ್ದತೆಯಲ್ಲಿರುವ ಪಾಕಿಸ್ತಾನ ತಂಡ ಆಸ್ಟ್ರೇಲಿಯಾ 'ಎ' ತಂಡವಿರುದ್ಧ ಅಭ್ಯಾಸ ಪಂದ್ಯವನ್ನಾಡುತ್ತಿದ್ದು, ಈ ಪಂದ್ಯದಲ್ಲಿ ಬಾಬರ್‌ ಭರ್ಜರಿ ಆಟವಾಡಿ 157 ರನ್‌ಗಳನ್ನು ಬಾರಿಸಿದ್ದಾರೆ. ಟಿ20 ಸರಣಿಯಲ್ಲೂ ಬಾಬರ್‌ 2 ಅರ್ಧಶತಕ ಗಳಿಸಿದ್ದರಾದರೂ ಸರಣಿಯಲ್ಲಿ ಪಾಕಿಸ್ತಾನ 0-2 ಅಂತರದ ಸೋಲುಂಡಿತ್ತು. ಮೊದಲ ಪಂದ್ಯ ಮಳೆಯಿಂದಾಗಿ ರದ್ದಾಗಿತ್ತು.