ಮೊಹಮ್ಮದ್ ಹಸ್ನೈನ್ ಹ್ಯಾಟ್ರಿಕ್ ವ್ಯರ್ಥ; ಪಾಕ್ ವಿರುದ್ಧ ಲಂಕಾ ಜಯಭೇರಿ

ಲಾಹೋರ್: ಏಕದಿನ ಸರಣಿಯಲ್ಲಿ ಸೋಲು ಅನುಭವಿಸಿದರೂ ಟ್ವೆಂಟಿ-20 ಸರಣಿಯಲ್ಲಿ ಭರ್ಜರಿ ಕಮ್‌ಬ್ಯಾಕ್ ಮಾಡಿರುವ ಶ್ರೀಲಂಕಾ, ಆತಿಥೇಯ ಪಾಕಿಸ್ತಾನ ವಿರುದ್ಧ ನಡೆದ ಮೊದಲ ಟಿ20 ಪಂದ್ಯದಲ್ಲಿ 64 ರನ್ ಅಂತರದ ಅರ್ಹ ಗೆಲುವು ದಾಖಲಿಸಿದೆ.

ಇದರೊಂದಿಗೆ ಪಾಕಿಸ್ತಾನದ ಉದಯೋನ್ಮುಖ ವೇಗದ ಬೌಲರ್ ಮೊಹಮ್ಮದ್ ಹಸ್ನೈನ್ ಹ್ಯಾಟ್ರಿಕ್ ಸಾಧನೆಯು ವ್ಯರ್ಥವೆನಿಸಿದೆ.

ಗಂಭೀರ್ ಕೆರಿಯರ್ ಮುಗಿಸಿದ್ದೇ ನಾನು; ತಗಾದೆ ಎತ್ತಿದ ಪಾಕಿಸ್ತಾನ ವೇಗಿ

ಈ ಮೊದಲು ಟ್ವೆಂಟಿ-20 ಕ್ರಿಕೆಟ್‌ನಲ್ಲಿ ಹ್ಯಾಟ್ರಿಕ್ ವಿಕೆಟ್ ಪಡೆದ ಅತಿ ಕಿರಿಯ ಬೌಲರ್ ಎಂಬ ವಿಶ್ವ ದಾಖಲೆಗೆ ಹಸ್ನೈನ್ ಪಾತ್ರವಾಗಿದ್ದರು. 19 ವರ್ಷ 183ನೇ ದಿನದಲ್ಲಿ ಹಸ್ನೈನ್ ಈ ವಿಶಿಷ್ಟ ಸಾಧನೆ ಮೆರೆದಿದ್ದಾರೆ.

ಈ ಮೂಲಕ ಅಫಘಾನಿಸ್ತಾನದ ರಶೀದ್ ಖಾನ್ ದಾಖಲೆಯನ್ನು ಮುರಿದಿದ್ದಾರೆ. ಪ್ರಸಕ್ತ ಸಾಲಿನಲ್ಲೇ ತಮ್ಮ 20ರ ಹರೆಯದಲ್ಲಿ ರಶೀದ್ ಹ್ಯಾಟ್ರಿಕ್ ಸಾಧನೆ ಮಾಡಿದ್ದರು.

ಶ್ರೀಲಂಕಾದ ಭಾನುಕಾ ರಾಜಪಕ್ಸ (32), ದಸುನ್ ಶನಕ (17) ಹಾಗೂ ಶೆಹನ್ ಜಯಸೂರ್ಯ (2) ವಿಕೆಟುಗಳನ್ನು ಹಸ್ನೈನ್ ಕಬಳಿಸಿದರು. ಇದರ ಹೊರತಾಗಿಯೂ ದಿಟ್ಟ ಹೋರಾಟ ನೀಡಿದ ಲಂಕಾ, ದನುಷ್ಕ ಗುಣತಿಲಕ (57) ಆಕರ್ಷಕ ಅರ್ಧಶತಕದ ನೆರವಿನಿಂದ ಐದು ವಿಕೆಟ್ ನಷ್ಟಕ್ಕೆ 165 ರನ್‌ಗಳ ಸ್ಪರ್ಧಾತ್ಮಕ ಮೊತ್ತ ಪೇರಿಸಿತ್ತು.

ಕಪಿಲ್, ಶ್ರೀನಾಥ್, ಬುಮ್ರಾ, ಸಾಲಿಗೆ ಸೇರಿದ ಮೊಹಮ್ಮದ್ ಶಮಿ ವಿಶಿಷ್ಟ ದಾಖಲೆ

ಪಾಕ್ ಪರ ತಮ್ಮ ನಾಲ್ಕು ಓವರ್‌ಗಳ ಕೋಟಾದಲ್ಲಿ 37 ರನ್ ಬಿಟ್ಟುಕೊಟ್ಟಿರುವ ಹಸ್ನೈನ್ ಮೂರು ವಿಕೆಟ್ ಕಬಳಿಸಿದರು.

ಬಳಿಕ ಗುರಿ ಬೆನ್ನಟ್ಟಿದ ಪಾಕ್, ನುವಾನ್ ಪ್ರದೀಪ್ ಹಾಗೂ ಇಸುರು ಉದಾನ ದಾಳಿಗೆ ಸಿಲುಕಿ 17.4 ಓವರ್‌ಗಳಲ್ಲೇ 101 ರನ್‌ಗಳಿಗೆ ತನ್ನೆಲ್ಲ ವಿಕೆಟುಗಳನ್ನು ಕಳೆದುಕೊಂಡಿತು. ಲಂಕಾ ಪರ ಪ್ರದೀಪ್ ಹಾಗೂ ಉದಾನ ತಲಾ ಮೂರು ವಿಕೆಟುಗಳನ್ನು ಕಿತ್ತು ಮಿಂಚಿದರು.

ಭಾರತ ದಕ್ಷಿಣ ಆಫ್ರಿಕಾ ಪಂದ್ಯದಲ್ಲಿ ಮೂಡಿ ಬಂದ ಅತ್ಯಧಿಕ ಸಿಕ್ಸರ್‌ಗಳ ದಾಖಲೆ!

ಪ್ರಸ್ತುತ ಮೂರು ಪಂದ್ಯಗಳ ಟ್ವೆಂಟಿ-20 ಸರಣಿಯಲ್ಲಿ ಲಂಕಾ 1-0 ಅಂತರದ ಮುನ್ನಡೆ ಕಾಯ್ದುಕೊಂಡಿದೆ. ಸರಣಿಯ ಕೊನೆಯ ಎರಡು ಪಂದ್ಯಗಳು ಲಾಹೋರ್‌ನಲ್ಲೇ ಸೋಮವಾರ ಹಾಗೂ ಬುಧವಾರದಂದು ನಡೆಯಲಿದೆ.

ಭದ್ರತಾ ಭೀತಿಯ ಹಿನ್ನಲೆಯಲ್ಲಿ 10 ಪ್ರಮುಖ ಆಟಗಾರರ ಅನುಪಸ್ಥಿತಿಯಲ್ಲಿ ಶ್ರೀಲಂಕಾ ತಂಡವು ಪಾಕಿಸ್ತಾನ ಪ್ರವಾಸವನ್ನು ಕೈಗೊಂಡಿದೆ. ಅಲ್ಲದೆ ಟಿ20 ಸರಣಿಯಲ್ಲಿ ಲಂಕಾ ತಂಡವನ್ನು ದಸುನ್ ಶನಕ ಮುನ್ನಡೆಸುತ್ತಿದ್ದಾರೆ.