ಇದೇ ನೋಡಿ ಕ್ಯಾಚ್ ಆಫ್ ದಿ ಇಯರ್

ಹೊಸದಿಲ್ಲಿ: ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಫೈನಲ್ ಪಂದ್ಯದಲ್ಲಿ ಮಹಾರಾಷ್ಟ್ರ ಮಣಿಸಿರುವ ಕರ್ನಾಟಕ ತಂಡವು ಕಿರೀಟವನ್ನು ಎತ್ತಿ ಹಿಡಿದಿದೆ.

ಈ ಮೊದಲು ಮಹಾರಾಷ್ಟ್ರದ ರಾಹುಲ್ ತ್ರಿಪಾಠಿ ಅದ್ಭುತ ಕ್ಯಾಚ್ ಹಿಡಿಯಲು ನೆರವಾಗುವ ಮೂಲಕ ಇಡೀ ಕ್ರಿಕೆಟ್ ಲೋಕವನ್ನೇ ನಿಬ್ಬೇರಾಗಿಸಿದ್ದಾರೆ.

ರೈಲ್ವೇಸ್ ವಿರುದ್ಧದ ಪಂದ್ಯದಲ್ಲಿ 28 ಹರೆಯದ ತ್ರಿಪಾಠಿ, ಬೌಂಡರಿ ಲೈನ್‌ನಲ್ಲಿ ಅಸಾಧ್ಯವೆನಿಸಿದ ಕ್ಯಾಚ್ ಹಿಡಿಯಲು ನೆರವಾಗಿದ್ದರು.

ಚೆಂಡು ಇನ್ನೇನು ಸಿಕ್ಸರ್ ಗೆರೆ ದಾಟುತ್ತಿದೆ ಅನ್ನುವಷ್ಟರಲ್ಲಿ ಚೆಂಡು ಹಿಡಿದ ತ್ರಿಪಾಠಿ, ಸಮತೋಲನ ತಪ್ಪುತ್ತಿದೆ ಅನ್ನುವಷ್ಟರಲ್ಲಿ ಮೈದಾನದಲ್ಲಿದ್ದ ಸಹ ಆಟಗಾರನತ್ತ ಚೆಂಡನ್ನು ಎಸೆದರು. ಈ ಮೂಲಕ ಅಮೋಘ ಸಮಯ ಪ್ರಜ್ಞೆಯನ್ನು ಮೆರೆದರು.

ಪ್ರಸ್ತುತ ಕ್ಯಾಚ್ ಅನ್ನು ವರ್ಷದ ಅತ್ಯುತ್ತಮ ಕ್ಯಾಚ್ ಎಂದೇ ಬಿಂಬಿಸಲಾಗಿದೆ. ಬಳಿಕ ರಿಪ್ಲೇ ಪರಿಶೀಲಿಸಿದ ಮೂರನೇ ಅಂಪೈರ್ ಔಟ್ ಎಂದು ಘೋಷಿಸಿದ್ದರು.