ವೀರು ದಾಖಲೆ ಸರಿಗಟ್ಟಿದ ಹಿಟ್‌ಮ್ಯಾನ್ ರೋಹಿತ್

ಕಾನ್ಪುರ: ಆರಂಭಿಕ ಬ್ಯಾಟ್ಸ್‌ಮನ್ ಆಗಿ ಬಡ್ತಿ ಹೊಂದಿದ ಬಳಿಕ ಏಕದಿನದಲ್ಲಿ ರೋಹಿತ್ ಶರ್ಮಾ ಗಳಿಸಿರುವ ಯಶಸ್ಸು ಅಷ್ಟಿಷ್ಟಲ್ಲ.

ತಮ್ಮ ವೃತ್ತಿ ಜೀವನದ ಆರಂಭಿಕ ಕೆಲವು ವರ್ಷಗಳಲ್ಲಿ ಕಳಪೆ ಫಾರ್ಮ್‌ನಿಂದ ನರಳುತ್ತಿದ್ದ ರೋಹಿತ್ ಮೇಲೆ ಸಾಕಷ್ಟು ಟೀಕೆಗಳು ಎದುರಾಗಿದ್ದವು.

ಆದರೆ ರೋಹಿತ್ ಮೇಲೆ ಅಪಾರ ನಂಬಿಕೆಯನ್ನಿಟ್ಟಿದ್ದ ಅಂದಿನ ನಾಯಕ ಮಹೇಂದ್ರ ಸಿಂಗ್ ಧೋನಿ ಆರಂಭಿಕನಾಗಿ ಕ್ರೀಸಿಗಿಳಿಸುವ ನಿರ್ಧಾರ ಮಾಡಿದ್ದರು.

A combination of elegance, timing and placement for Hitman as he brings up his 15th ODI Century #INDvNZ @ImRo45 pic.twitter.com/ezqxD8CmSQ — BCCI (@BCCI) October 29, 2017 ಅಲ್ಲಿಂದ ಬಳಿಕ ಮುಟ್ಟಿದ್ದೆಲ್ಲ ಚಿನ್ನ ಮಾಡಿರುವ ರೋಹಿತ್ ಏಕದಿನ ದ್ವಿಶತಕ (264) ಸೇರಿದಂತೆ ವೈಯಕ್ತಿಕ ಗರಿಷ್ಟ ಮೊತ್ತವನ್ನು ಬಾರಿಸಿದ್ದರು.

ಇದೀಗ ಕಾನ್ಪುರದಲ್ಲಿ ತಮ್ಮ ಏಕದಿನ ವೃತ್ತಿ ಜೀವನದ 15ನೇ ಶತಕ ಸಾಧನೆ ಮಾಡಿದ್ದಾರೆ.

ಮೊದಲೆರಡು ಪಂದ್ಯಗಳಲ್ಲಿ ವೈಫಲ್ಯ ಅನುಭವಿಸಿದ್ದ ರೋಹಿತ್ ಅಮೋಘ ಶತಕದೊಂದಿಗೆ ತಮ್ಮ ಉಪನಾಯಕನ ಸ್ಥಾನವನ್ನು ಸಮರ್ಥಿಸಿಕೊಂಡಿದ್ದರು.

FIFTY for the Vice-Captain @ImRo45 #INDvNZ pic.twitter.com/mb7qnGlPZ0 — BCCI (@BCCI) October 29, 2017 ಇದೀಗ ಭಾರತದ ಪರ ಅತಿ ಹೆಚ್ಚು ಶತಕ ಗಳಿಸಿದವರ ಪೈಕಿ ಐದನೇ ಸ್ಥಾನದಲ್ಲಿದ್ದಾರೆ.

ಭಾರತದ ಪರ ಗರಿಷ್ಠ ಶತಕ ಬಾರಿಸಿದ ಬ್ಯಾಟ್ಸ್‌ಮನ್‌ಗಳು

ಸಚಿನ್ ತೆಂಡೂಲ್ಕರ್ - 49
ವಿರಾಟ್ ಕೋಹ್ಲಿ - 31
ಸೌರವ್ ಗಂಗೂಲಿ - 22
ವೀರೇಂದ್ರ ಸೆಹ್ವಾಗ್ - 15
ರೋಹಿತ್ ಶರ್ಮಾ - 15

15 ಶತಕಗಳನ್ನು ಬಾರಿಸಲು ತೆಗೆದುಕೊಂಡ ಇನ್ನಿಂಗ್ಸ್‌ಗಳು

ಸಚಿನ್ ತೆಂಡೂಲ್ಕರ್ - 182
ವಿರಾಟ್ ಕೋಹ್ಲಿ - 106
ಸೌರವ್ ಗಂಗೂಲಿ - 144
ವೀರೇಂದ್ರ ಸೆಹ್ವಾಗ್ - 230
ರೋಹಿತ್ ಶರ್ಮಾ - 165