ನಾಗ್ಸ್ ದಾಳಿಗೆ ಚಹಲ್ ಕ್ಲೀನ್ ಬೌಲ್ಡ್!

ಬೆಂಗಳೂರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡದ ಆಂತರಿಕ ವಿಷಯಗಳನ್ನು ಬಹಳ ಹಾಸ್ಯ ಮಿಶ್ರಿತವಾಗಿ ಅಭಿಮಾನಿಗಳಿಗೆ ಪರಿಚಯಿಸಿರುವ ಮಿಸ್ಟರ್ ನಾಗ್ಸ್, ಬಹುನಿರೀಕ್ಷಿತ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2018ನೇ ಆವೃತ್ತಿಗೂ ಮುನ್ನವೇ ತಮ್ಮ ಗೂಗ್ಲಿ ದಾಳಿಗಳನ್ನು ಆರಂಭಿಸಿದ್ದಾರೆ.

ನಾಗ್ಸ್ ದಾಳಿಗೆ ಮೊದಲ ಬಲಿಯಾದವರು ಆರ್‌ಸಿಬಿ ತಂಡದ ಜನಪ್ರಿಯ ಬೌಲರ್ ಲೆಗ್ ಸ್ಪಿನ್ನರ್ ಯುಜ್ವೇಂದ್ರ ಚಹಲ್. ಮೈದಾನದಲ್ಲಿ ಬ್ಯಾಟ್ಸ್‌ಮನ್‌ಗಳಿಗೆ ಕಂಟಕವಾಗಿರುವ ಚಹಲ್ ಅವರಿಗೆ ನಾಗ್ಸ್ ಗೂಗ್ಲಿ ಮುಂದೆ ಚಡಪಡಿಸಿದ್ದಾರೆ.

ಇತರೆಲ್ಲ ಐಪಿಎಲ್ ಫ್ರಾಂಚೈಸಿಗಳಿಗೆ ಹೋಲಿಸಿದರೆ ಆರ್‌ಸಿಬಿ ಜತೆಗಿನ ಮಿ. ನಾಗ್ಸ್ ಒಡನಾಟವು ಅಭಿಮಾನಿಗಳಲ್ಲಿ ಹೆಚ್ಚಿನ ಅಭಿನಂದನೆಗೆ ಪಾತ್ರವಾಗಿದೆ.

ನಾಗ್ಸ್ ಅವರ ಜೋಕ್ಸ್ ಮಿಶ್ರಿತ ಗಂಭೀರವಾದ ಮಾತುಗಳನ್ನು ಆರ್‌ಸಿಬಿ ಆಟಗಾರರು ಇಷ್ಟಪಡುತ್ತಾರೆ. ಕಳೆದ ವರ್ಷ ನಾಗ್ಸ್ ಭೇಟಿಯಾದ ಬಳಿಕ ಚಹಲ್ ಭಾರತ ತಂಡ ಪ್ರವೇಶಿಸಿ ಅಮೋಘ ಪ್ರದರ್ಶನ ನೀಡುವಂತಾಗಿತ್ತು. ಹಾಗೆಯೇ ಆಫ್ ಸ್ಪಿನ್ ಹಾಗೂ ಲೆಗ್ ಸ್ಪಿನ್ ನಡುವಣ ವ್ಯತ್ಯಾಸದ ಬಗ್ಗೆಯೂ ತಮಾಷೆಯ ರೂಪದಲ್ಲಿ ವಿವರಿಸಲಾಗಿದೆ.