ಧೋನಿ ಸ್ಟಂಪಿಂಗ್ 'ತರಂಗ' ಶತಕ ಮಿಸ್

ವಿಶಾಖಪಟ್ಟಣ: ಇಲ್ಲಿ ನಡೆಯುತ್ತಿರುವ ಭಾರತ ಮತ್ತು ಶ್ರೀಲಂಕಾ ನಡುವಣ ಮೂರನೇ ಹಾಗೂ ಕೊನೆಯ ಏಕದಿನ ಪಂದ್ಯದಲ್ಲಿ ಮಹೇಂದ್ರ ಸಿಂಗ್ ಧೋನಿ ಮತ್ತೆ ಮಿಂಚಿನ ಸ್ಟಂಪಿಂಗ್ ಮಾಡುವ ಗಮನ ಸೆಳೆದಿದ್ದಾರೆ.

ಶ್ರೀಲಂಕಾ ಇನ್ನಿಂಗ್ಸ್‌ನ ನಿರ್ಣಾಯಕ ಹಂತದಲ್ಲಿ ಶತಕದತ್ತ ಮುನ್ನುಗ್ಗುತ್ತಿದ್ದ ಎಡಗೈ ಆರಂಭಿಕ ಬ್ಯಾಟ್ಸ್‌ಮನ್ ಉಪುಲ್ ತರಂಗ ಅವರನ್ನು ಧೋನಿ ಸ್ಟಂಪಿಂಗ್ ಬಲೆಗೆ ಸಿಲುಕಿಸಿದ್ದರು.

ಕುಲ್‌ದೀಪ್ ಯಾದವ್ ಎಸೆದ ಪಂದ್ಯದ 28ನೇ ಓವರ್‌ನಲ್ಲಿ ಅಪಾಯಕಾರಿಯಾಗಿ ಮುನ್ನಗ್ಗುತ್ತಿದ್ದ ತರಂಗ ಅವರನ್ನು ಧೋನಿ ಅತ್ಯಂತ ಚಾಣಕ್ಷತಣದಿಂದ ಸ್ಟಂಪಿಂಗ್ ಮಾಡಿದ್ದರು.


ಆಗಲೇ ಏಕದಿನದಲ್ಲಿ 36ನೇ ಅರ್ಧಶತಕವನ್ನು ಬಾರಿಸಿರುವ ತರಂಗ, 2017ನೇ ಸಾಲಿನಲ್ಲಿ 1000 ರನ್ ಸಾಧನೆಯನ್ನು ಮಾಡಿದ್ದರು.

82 ಎಸೆತಗಳನ್ನು ಎದುರಿಸಿದ ತರಂಗ 12 ಬೌಂಡರಿ ಹಾಗೂ ಮೂರು ಸಿಕ್ಸರ್ ನೆರವಿನಿಂದ 95 ರನ್ ಗಳಿಸಿದ್ದರು. ಈ ಮೂಲಕ ಲಂಕಾಗೆ ಭದ್ರ ಅಡಿಪಾಯ ಹಾಕಿಕೊಟ್ಟರೂ ಸ್ವಲ್ಪದರಲ್ಲೇ ಶತಕ ಮಿಸ್ ಮಾಡಿಕೊಂಡರು.

ತರಂಗ ಸ್ಟಂಪಿಂಗ್ ಪರಿಶೀಲಿಸಿದ ಮೂರನೇ ಅಂಪೈರ್ ಔಟ್ ಎಂದು ಘೋಷಿಸಿದ್ದರು. ನೂತನ ಐಸಿಸಿ ನಿಯಮದಂತೆ ಕಾಲು ಕ್ರೀಸ್ ಮೇಲಿದ್ದರೂ ಔಟ್ ಎಂದು ಘೋಷಿಸಲಾಗುತ್ತದೆ.