ಎರಡೂ ಇನ್ನಿಂಗ್ಸ್‌ನಲ್ಲೂ ವಿಜಯ್ 'ಡಕ್'

ಲಂಡನ್: ಟೆಸ್ಟ್ ಪಂದ್ಯವೊಂದರ ಎರಡೂ ಇನ್ನಿಂಗ್ಸ್‌ಗಳಲ್ಲಿ ಶೂನ್ಯಕ್ಕೆ (Pair) ಔಟಾಗಿರುವ ಅಪಖ್ಯಾತಿಗೆ ಭಾರತ ಕ್ರಿಕೆಟ್ ತಂಡದ ಬಲಗೈ ಆರಂಭಿಕ ಬ್ಯಾಟ್ಸ್‌ಮನ್ ಮುರಳಿ ವಿಜಯ್ ಒಳಗಾಗಿದ್ದಾರೆ.

ಇಂಗ್ಲೆಂಡ್ ವಿರುದ್ಧ ಕ್ರಿಕೆಟ್ ತವರೂರು ಲಾರ್ಡ್ಸ್‌ನಲ್ಲಿ ನಡೆಯುತ್ತಿರುವ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಜೇಮ್ಸ್ ಆ್ಯಂಡರ್ಸನ್ ಎಸೆತದಲ್ಲೇ ಎರಡೂ ಸಲ ವಿಜಯ್ ಶೂನ್ಯಕ್ಕೆ ಬಲಿಯಾಗಿದ್ದರು.

ವಿಜಯ್ ಮೊದಲ ಇನ್ನಿಂಗ್ಸ್‌ನಲ್ಲಿ ಐದು ಹಾಗೂ ಎರಡನೇ ಇನ್ನಿಂಗ್ಸ್‌ನಲ್ಲಿ ಎಂಟು ಎಸೆತಗಳನ್ನು ಮಾತ್ರ ಎದುರಿಸಿದ್ದರು. ಮೊದಲ ಇನ್ನಿಂಗ್ಸ್‌ನಲ್ಲಿ ಕ್ಲೀನ್ ಬೌಲ್ಡ್ ಆಗಿದ್ದರೆ ಎರನಡೇ ಇನ್ನಿಂಗ್ಸ್‌ನಲ್ಲಿ ವಿಕೆಟ್ ಕೀಪರ್‌ಗೆ ಕ್ಯಾಚಿತ್ತು ಪೆವಿಲಿಯನ್‌ಗೆ ಮರಳಿದ್ದರು. ಅಲ್ಲದೆ ಟೆಸ್ಟ್ ಕ್ರಿಕೆಟ್‌ನಲ್ಲಿ ಆ್ಯಂಡರ್ಸನ್ ಅವರ ದಾಳಿಯಲ್ಲೇ ಅತಿ ಹೆಚ್ಚು ಬಾರಿ (7 ಸಲ) ವಿಕೆಟ್ ಒಪ್ಪಿಸಿದ್ದಾರೆ.

ಟೆಸ್ಟ್ ಕ್ರಿಕೆಟ್‌ನ ಎರಡೂ ಇನ್ನಿಂಗ್ಸ್‌ನಲ್ಲೂ ಶೂನ್ಯಕ್ಕೆ (Pair) ಔಟಾಗಿರುವ ಭಾರತೀಯ ಓಪನರ್‌ಗಳು:
ಪಂಕಜ್ ರಾಯ್, ಇಂಗ್ಲೆಂಡ್ ವಿರುದ್ಧ, ಮ್ಯಾಂಚೆಸ್ಟರ್, 1952
ಎಫ್ ಎಂಜಿನಿಯರ್, ವೆಸ್ಟ್‌ಇಂಡೀಸ್ ವಿರುದ್ಧ, ಮುಂಬಯಿ, 1975
ವಾಸೀಂ ಜಾಫರ್, ಬಾಂಗ್ಲಾದೇಶ ವಿರುದ್ಧ, ಚಿತ್ತಗಾಂಗ್, 2007
ವೀರೇಂದ್ರ ಸೆಹ್ವಾಗ್, ಇಂಗ್ಲೆಂಡ್ ವಿರುದ್ಧ, ಎಜ್‌ಬಾಸ್ಟನ್, 2011
ಶಿಖರ್ ಧವನ್, ದ.ಆಫ್ರಿಕಾ ವಿರುದ್ಧ, ಮೊಹಾಲಿ, 2015,
ಮುರಳಿ ವಿಜಯ್, ಇಂಗ್ಲೆಂಡ್ ವಿರುದ್ಧ, ಲಾರ್ಡ್ಸ್ 2018