100 ಎಸೆತಗಳ ಕ್ರಿಕೆಟ್‌: ಸೌರವ್‌ ಗಂಗೂಲಿ ಎಚ್ಚರಿಕೆ

ಕೋಲ್ಕೊತಾ: ಇಂಗ್ಲೆಂಡ್‌ ಹಾಗೂ ವೇಲ್ಸ್‌ ಕ್ರಿಕೆಟ್‌ ಮಂಡಳಿ ನಡೆಸಲು ಉದ್ದೇಶಿಸಿರುವ 100 ಎಸೆತಗಳ ಕ್ರಿಕೆಟ್‌ ಬಗ್ಗೆ ಭಾರತ ಕ್ರಿಕೆಟ್‌ ತಂಡದ ಮಾಜಿ ನಾಯಕ ಸೌರವ್‌ ಗಂಗೂಲಿ ಎಚ್ಚರಿಕೆ ವಹಿಸುವುದು ಅಗತ್ಯ ಎಂದಿದ್ದಾರೆ.

''ಈ ಮಾದರಿ ಹದಿನಾರು ಮತ್ತು ಅರ್ಧ ಓವರ್‌ಗಳ ಪಂದ್ಯವಾಗಿರುತ್ತದೆ. 50 ಓವರ್‌ಗಳ ಪಂದ್ಯ ಈಗ 20 ಓವರ್‌ಗಳಿಗೆ ಬಂದಿದೆ. ಮತ್ತೆ 16.4 ಓವರ್‌ಗಳಿಗೆ ಬರುತ್ತಿದೆ. ಏನಾಗುತ್ತದೆ ಎಂಬುದನ್ನು ಕಾದುನೋಡುವ. ಅವರು 100 ಓವರ್‌ಗಳಿಗೆ ಬದಲಾಗಿ 100 ಎಸೆತಗಳ ಪಂದ್ಯಕ್ಕೆ ಯತ್ನಿಸುತ್ತಿರಬಹುದು. ಈ ಬಗ್ಗೆ ನಾವು ಕಾದು ನೋಡಬೇಕಾಗಿದೆ,'' ಎಂದು ಸೌರವ್‌ ಹೇಳಿದರು.