ಒಪ್ಪೊ ಜಾಗಕ್ಕೆ ಬೆಂಗಳೂರಿನ ಬೈಜುಸ್‌

ಹೊಸದಿಲ್ಲಿ: ಎಲ್ಲವೂ ನಿರೀಕ್ಷೆಯಂತೆ ನಡೆದಲ್ಲಿ ವಿರಾಟ್‌ ಕೊಹ್ಲಿ ನೇತೃತ್ವದ ಭಾರತ ತಂಡ ಧರಿಸುವ ಜರ್ಸಿಯಲ್ಲಿ ಸೆಪ್ಟೆಂಬರ್‌ನಿಂದ 'ಒಪ್ಪೊ' ಬದಲಿಗೆ ಬೆಂಗಳೂರು ಮೂಲದ ಆನ್‌ಲೈನ್‌ ಕಲಿಕಾ ಸಂಸ್ಥೆ ಬೈಜುಸ್‌ನ ಲೋಗೊ ಕಾಣಿಸಿಕೊಳ್ಳಲಿದೆ.

ಮೊಬೈಲ್‌ ತಯಾರಕ ಸಂಸ್ಥೆಯಾಗಿರುವ ಒಪ್ಪೊ, ಬಿಸಿಸಿಐ ಜತೆಗಿನ ಈ ಒಪ್ಪಂದ ಮುಂದುವರಿಸಲು ಆಸಕ್ತಿ ತೋರದಿರುವ ಹಿನ್ನೆಲೆಯಲ್ಲಿ ಬೈಜುಸ್‌ ಬಿಡ್‌ ಸಲ್ಲಿಸಲು ಮುಂದಾಗಿದೆ ಎನ್ನಲಾಗಿದೆ. ಹೀಗಾಗಿ ಸೆಪ್ಟೆಂಬರ್‌ ಬಳಿಕ ಹೊಸ ಜರ್ಸಿಯ ಬಳಕೆ ಶುರುವಾಗಲಿದೆ.

ಪ್ರಸ್ತುತ ಒಪ್ಪೊ ಸಂಸ್ಥೆ ದ್ವಿಪಕ್ಷೀಯ ಪಂದ್ಯಕ್ಕೆ ಬಿಸಿಸಿಐಗೆ 4.61 ಕೋಟಿ ರೂಪಾಯಿ ಹಾಗೂ ಐಸಿಸಿ ಆತಿಥ್ಯದ ಪಂದ್ಯಕ್ಕೆ 1.56 ಕೋಟಿ ರೂ. ಪಾವತಿ ಮಾಡುತ್ತಿದೆ. ಈ ಹಿಂದೆ ಸ್ಟಾರ್‌ ಸಂಸ್ಥೆಯು ದ್ವಿಪಕ್ಷೀಯ ಪಂದ್ಯಕ್ಕೆ 1.92 ಕೋಟಿ ಹಾಗೂ ಐಸಿಸಿ ಪಂದ್ಯಕ್ಕೆ 61 ಲಕ್ಷ ರೂ. ಸಂದಾಯ ಮಾಡುತ್ತಿತ್ತು. ಹೊಸ ಬಿಡ್‌ನಲ್ಲಿ ಈ ಮೊತ್ತ ಹೆಚ್ಚಳವಾಗಬಹುದು.