ಬಿರಿಯಾನಿ ತಿನ್ನಬೇಡಿ; ಪಾಕ್ ಆಟಗಾರರಿಗೆ ನೂತನ ಕೋಚ್ ಮಿಸ್ಬಾ ಖಡಕ್ ಸೂಚನೆ

ಕರಾಚಿ: ಪಾಕಿಸ್ತಾನ ಕ್ರಿಕೆಟ್ ತಂಡದ ನೂತನ ಮುಖ್ಯ ಕೋಚ್ ಮಿಸ್ಬಾ ಉಲ್ ಹಕ್ ಅವರು ಬಿರಿಯಾನಿ ಮಾಡುವ ತಿನ್ನಬೇಡಿ, ಕೊಬ್ಬು ಹಚ್ಚಿರುವ ಮಾಂಸ ಹಾಗೂ ಸಿಹಿ ಮುಟ್ಟಲೇಬೇಡಿ ಎಂದು ಆಟಗಾರರಿಗೆ ಖಡಕ್ ಸೂಚನೆ ರವಾನಿಸಿದ್ದಾರೆ.

ವಿಶ್ವಕಪ್ ವೇಳೆ ಪಾಕ್ ಆಟಗಾರರು ಜಂಕ್ ಫುಡ್ ತಿಂದ ಬಗ್ಗೆ ಆಕ್ಷೇಪಗಳು ಕೇಳಿಬಂದಿರುವ ಹಿನ್ನಲೆಯಲ್ಲಿ ಮಿಸ್ಬಾ ಅವರ ಈ ಸೂಚನೆಗೆ ಪ್ರಾಮುಖ್ಯತೆ ದೊರೆತಿದೆ.

ಕೊಬ್ಬಿನಾಂಶ ಅಧಿಕವಾಗಿರುವ ಆಹಾರ ತಯಾರಿಸಿ ಕೊಡದಂತೆ ಆಹಾರ ಸರಬರಾಜು ಮಾಡುವ ಕ್ಯಾಟರಿಂಗ್ ಕಂಪನಿಗೂ ಮಿಸ್ಬಾ ತಾಕೀತು ಮಾಡಿದ್ದಾರೆ.

ಬಾರ್ಬೆಕ್ಯೂ ಅಥವಾ ಖಾದ್ಯಗಳನ್ನು ನೀಡದೆ, ಹಣ್ಣಿನಾಂಶ ಜಾಸ್ತಿ ಇರುವ ಆಹಾರ ಒದಗಿಸಬೇಕು ಎಂದು ಸೂಚನೆ ನೀಡಿದ್ದಾರೆ. ಎರಡು ವರ್ಷಗಳ ಹಿಂದಷ್ಟೇ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿ ಮಿಸ್ಬಾ ಫಿಟ್ನೆಸ್‌ನಿಂದಲೇ ಖ್ಯಾತಿ ಪಡೆದಿದ್ದಾರೆ.