ಬೆಂಗಳೂರು: ದಕ್ಷಿಣ ಆಫ್ರಿಕಾ ತಂಡದ ಮಾಜಿ ನಾಯಕ ಹಾಗೂ 'ಮಿಸ್ಟರ್‌ 360' ಖ್ಯಾತಿಯ ಸ್ಪೋಟಕ ಬ್ಯಾಟ್ಸ್‌ಮನ್‌ ಎಬಿ ಡಿ'ವಿಲಿಯರ್ಸ್‌ ತಮ್ಮ ವೃತ್ತಿ ಬದುಕಿನ ಶ್ರೇಷ್ಠ ದಿನಗಳಲ್ಲಿ ಆಡುತ್ತಿದ್ದ ಆಟವನ್ನು ಈಗ ಟೀಮ್ ಇಂಡಿಯಾ ಬ್ಯಾಟರ್‌ ಸೂರ್ಯಕುಮಾರ್‌ ಯಾದವ್‌ ಆಡುತ್ತಿದ್ದಾರೆ ಎಂದು ಭಾರತ ತಂಡದ ಮಾಜಿ ಆಲ್‌ರೌಂಡರ್‌ ಹಾಗೂ ಮಾಜಿ ಮುಖ್ಯ ಕೋಚ್‌ ರವಿ ಶಾಸ್ತ್ರಿ ಹೇಳಿದ್ದಾರೆ.
ಬಲಗೈ ಬ್ಯಾಟರ್‌ ಸದ್ಯ ನ್ಯೂಜಿಲೆಂಡ್‌ ಪ್ರವಾಸದಲ್ಲಿರುವ ಭಾರತ ತಂಡದ ಪರ ಏಕದಿನ ಕ್ರಿಕೆಟ್‌ ಸರಣಿಯಲ್ಲಿ ಆಡುತ್ತಿದ್ದಾರೆ. ಮೊದಲ ಪಂದ್ಯದಲ್ಲಿ 11 ರನ್‌ ಗಳಿಸಿ ವಿಕೆಟ್‌ ಕೈಚೆಲ್ಲಿದ್ದ ಸೂರ್ಯ, ಎರಡನೇ ಪಂದ್ಯದಲ್ಲಿ ಎದುರಿಸಿದ 25 ಎಸೆತಗಳಲ್ಲಿ ಅಜೇಯ 34 ರನ್‌ ಬಾರಿಸಿದ್ದರು. ಈ ಪಂದ್ಯದ ಬಳಿಕ ಮಾತನಾಡಿರುವ ರವಿ ಶಾಸ್ತ್ರಿ, ಭಾರತೀಯ ಆಟಗಾರನ ಬ್ಯಾಟಿಂಗ್‌ ಶೈಲಿಯನ್ನು ಡಿ'ವಿಲಿಯರ್ಸ್‌ಗೆ ಹೋಲಿಕೆ ಮಾಡಿದ್ದಾರೆ.
"ಸೂರ್ಯಕುಮಾರ್‌ ಯಾದವರ್‌ ಸದ್ಯ ವಿಶ್ವ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರು. ಟಿ20 ಕ್ರಿಕೆಟ್‌ನಲ್ಲಿ ಅಂತೂ ಆತ ಅತ್ಯುತ್ತಮ ಬ್ಯಾಟ್ಸ್‌ಮನ್‌. ಕ್ರೀಡಾಂಗಣದ ಎಲ್ಲ ಮೂಲೆಗಳಿಗೂ ಚೆಂಡನ್ನು ಬಡಿದಟ್ಟುವ ಸಾಮರ್ಥ್ಯ ಹೊಂದಿದ್ದಾರೆ. ಆತ ತನ್ನ ಶ್ರೇಷ್ಠ ಆಟವಾಡುವ ಸಮಯದಲ್ಲಿ 30-40 ಎಸೆತಗಳನ್ನು ಎದುರಿಸಿದರೆ ಖಂಡಿತಾ ಪಂದ್ಯ ಗೆದ್ದುಕೊಡುತ್ತಾರೆ. ಏಕೆಂದರೆ ಆತ ಆಡುವ ಹೊಡೆತಗಳು ಎದುರಾಳಿ ತಂಡದ ಆತ್ಮವಿಶ್ವಾಸವನ್ನು ಹುದುಗಿಸಿಬಿಡುತ್ತದೆ," ಎಂದು ಹೇಳಿದ್ದಾರೆ.
"ಎಬಿ ಡಿ'ವಿಲಿಯರ್ಸ್‌ ತಮ್ಮ ಶ್ರೇಷ್ಠ ಲಯದಲ್ಲಿ ಇದ್ದಾಗ ಆಡುತ್ತಿದ್ದ ಆಟವನ್ನು ಸೂರ್ಯಕುಮಾರ್‌ ಈಗ ಆಡುತ್ತಿದ್ದಾರೆ. ಎಬಿ ಡಿ'ವಿಲಿಯರ್ಸ್‌ ತಮ್ಮ ಸ್ಪೋಟಕ ಆಟವಾಡಿದ ಸಂದರ್ಭದಲ್ಲಿ ಎದುರಾಳಿ ತಂಡ ಮಂಕು ಬಡಿದಂತೆ ಕಾಣಿಸುತ್ತದೆ. ಈಗ ಸೂರ್ಯಕುಮಾರ್‌ ಕೂಡ ಅಂಥದ್ದೇ ಆಟವಾಡುತ್ತಿದ್ದಾರೆ," ಎಂದಿದ್ದಾರೆ.
"ಸೂರ್ಯಕುಮಾರ್‌ ಆಟದ ಅಂಕಿ ಅಂಶಗಳನ್ನು ಒಮ್ಮೆ ಗಮನಿಸಿ. ಅವರಿಂದ ನಾವು ಈ ರೀತಿಯ ಇನಿಂಗ್ಸ್‌ಗಳನ್ನು ಎದುರು ನೋಡಬಹುದು. ಒಮ್ಮೆ ಆತ 15-20 ರನ್‌ಗಳ ಗಡಿ ದಾಟಿದ ಎಂದಾದರೆ, ಬಳಿಕ ಅದರ ಸದ್ಬಳಕೆ ಮಾಡಿ ಪಂದ್ಯ ಗೆದ್ದುಕೊಡುವಂತಹ ಆಟವಾಡುತ್ತಾರೆ. ಆರಂಭದಿಂದಲೇ ಹೊಡಿ ಬಡಿ ಆಟವಾಡುವ ಸಾಮರ್ಥ್ಯ ಆತನಲ್ಲಿದೆ. ಬ್ಯಾಟ್ಸ್‌ಮನ್‌ ಎಂದಮೇಲೆ ವೈಫಲ್ಯ ಸಹಜ. ಆದರೆ, ಆತನ ಕಮ್‌ಬ್ಯಾಕ್‌ ಸದಾ ಭರ್ಜರಿಯಾಗಿರುತ್ತದೆ," ಎಂದು ಶಾಸ್ತ್ರಿ ಗುಣಗಾನ ಮಾಡಿದ್ದಾರೆ.
3ನೇ ಒಡಿಐ ಪಂದ್ಯಕ್ಕೆ ಭಾರತದ ಸಂಭಾವ್ಯ ಪ್ಲೇಯಿಂಗ್‌ ಇಲೆವೆನ್‌
01. ಶಿಖರ್‌ ಧವನ್ (ನಾಯಕ/ ಓಪನರ್‌)
02. ಶುಭಮನ್‌ ಗಿಲ್‌ (ಓಪನರ್‌)
03. ಶ್ರೇಯಸ್‌ ಅಯ್ಯರ್‌ (ಬ್ಯಾಟ್ಸ್‌ಮನ್‌)
04. ಸೂರ್ಯಕುಮಾರ್‌ ಯಾದವ್‌ (ಬ್ಯಾಟ್ಸ್‌ಮನ್‌)
05. ರಿಷಭ್ ಪಂತ್‌ (ವಿಕೆಟ್‌ಕೀಪರ್‌/ ಬ್ಯಾಟ್ಸ್‌ಮನ್‌)
06. ವಾಷಿಂಗ್ಟನ್‌ ಸುಂದರ್‌ (ಆಲ್‌ರೌಂಡರ್‌)
07. ದೀಪಕ್‌ ಹೂಡ (ಆಲ್‌ರೌಂಡರ್‌)
08. ದೀಪಕ್‌ ಚಹರ್‌ (ಆಲ್‌ರೌಂಡರ್‌)
09. ಉಮ್ರಾನ್ ಮಲಿಕ್‌ (ಬಲಗೈ ವೇಗಿ)
10. ಯುಜ್ವೇಂದ್ರ ಚಹಲ್‌ (ಲೆಗ್‌ ಸ್ಪಿನ್ನರ್‌)
11. ಅರ್ಷದೀಪ್‌ ಸಿಂಗ್ (ಎಡಗೈ ವೇಗಿ)
ಬಲಗೈ ಬ್ಯಾಟರ್‌ ಸದ್ಯ ನ್ಯೂಜಿಲೆಂಡ್‌ ಪ್ರವಾಸದಲ್ಲಿರುವ ಭಾರತ ತಂಡದ ಪರ ಏಕದಿನ ಕ್ರಿಕೆಟ್‌ ಸರಣಿಯಲ್ಲಿ ಆಡುತ್ತಿದ್ದಾರೆ. ಮೊದಲ ಪಂದ್ಯದಲ್ಲಿ 11 ರನ್‌ ಗಳಿಸಿ ವಿಕೆಟ್‌ ಕೈಚೆಲ್ಲಿದ್ದ ಸೂರ್ಯ, ಎರಡನೇ ಪಂದ್ಯದಲ್ಲಿ ಎದುರಿಸಿದ 25 ಎಸೆತಗಳಲ್ಲಿ ಅಜೇಯ 34 ರನ್‌ ಬಾರಿಸಿದ್ದರು. ಈ ಪಂದ್ಯದ ಬಳಿಕ ಮಾತನಾಡಿರುವ ರವಿ ಶಾಸ್ತ್ರಿ, ಭಾರತೀಯ ಆಟಗಾರನ ಬ್ಯಾಟಿಂಗ್‌ ಶೈಲಿಯನ್ನು ಡಿ'ವಿಲಿಯರ್ಸ್‌ಗೆ ಹೋಲಿಕೆ ಮಾಡಿದ್ದಾರೆ.
"ಸೂರ್ಯಕುಮಾರ್‌ ಯಾದವರ್‌ ಸದ್ಯ ವಿಶ್ವ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರು. ಟಿ20 ಕ್ರಿಕೆಟ್‌ನಲ್ಲಿ ಅಂತೂ ಆತ ಅತ್ಯುತ್ತಮ ಬ್ಯಾಟ್ಸ್‌ಮನ್‌. ಕ್ರೀಡಾಂಗಣದ ಎಲ್ಲ ಮೂಲೆಗಳಿಗೂ ಚೆಂಡನ್ನು ಬಡಿದಟ್ಟುವ ಸಾಮರ್ಥ್ಯ ಹೊಂದಿದ್ದಾರೆ. ಆತ ತನ್ನ ಶ್ರೇಷ್ಠ ಆಟವಾಡುವ ಸಮಯದಲ್ಲಿ 30-40 ಎಸೆತಗಳನ್ನು ಎದುರಿಸಿದರೆ ಖಂಡಿತಾ ಪಂದ್ಯ ಗೆದ್ದುಕೊಡುತ್ತಾರೆ. ಏಕೆಂದರೆ ಆತ ಆಡುವ ಹೊಡೆತಗಳು ಎದುರಾಳಿ ತಂಡದ ಆತ್ಮವಿಶ್ವಾಸವನ್ನು ಹುದುಗಿಸಿಬಿಡುತ್ತದೆ," ಎಂದು ಹೇಳಿದ್ದಾರೆ.
"ಎಬಿ ಡಿ'ವಿಲಿಯರ್ಸ್‌ ತಮ್ಮ ಶ್ರೇಷ್ಠ ಲಯದಲ್ಲಿ ಇದ್ದಾಗ ಆಡುತ್ತಿದ್ದ ಆಟವನ್ನು ಸೂರ್ಯಕುಮಾರ್‌ ಈಗ ಆಡುತ್ತಿದ್ದಾರೆ. ಎಬಿ ಡಿ'ವಿಲಿಯರ್ಸ್‌ ತಮ್ಮ ಸ್ಪೋಟಕ ಆಟವಾಡಿದ ಸಂದರ್ಭದಲ್ಲಿ ಎದುರಾಳಿ ತಂಡ ಮಂಕು ಬಡಿದಂತೆ ಕಾಣಿಸುತ್ತದೆ. ಈಗ ಸೂರ್ಯಕುಮಾರ್‌ ಕೂಡ ಅಂಥದ್ದೇ ಆಟವಾಡುತ್ತಿದ್ದಾರೆ," ಎಂದಿದ್ದಾರೆ.
"ಸೂರ್ಯಕುಮಾರ್‌ ಆಟದ ಅಂಕಿ ಅಂಶಗಳನ್ನು ಒಮ್ಮೆ ಗಮನಿಸಿ. ಅವರಿಂದ ನಾವು ಈ ರೀತಿಯ ಇನಿಂಗ್ಸ್‌ಗಳನ್ನು ಎದುರು ನೋಡಬಹುದು. ಒಮ್ಮೆ ಆತ 15-20 ರನ್‌ಗಳ ಗಡಿ ದಾಟಿದ ಎಂದಾದರೆ, ಬಳಿಕ ಅದರ ಸದ್ಬಳಕೆ ಮಾಡಿ ಪಂದ್ಯ ಗೆದ್ದುಕೊಡುವಂತಹ ಆಟವಾಡುತ್ತಾರೆ. ಆರಂಭದಿಂದಲೇ ಹೊಡಿ ಬಡಿ ಆಟವಾಡುವ ಸಾಮರ್ಥ್ಯ ಆತನಲ್ಲಿದೆ. ಬ್ಯಾಟ್ಸ್‌ಮನ್‌ ಎಂದಮೇಲೆ ವೈಫಲ್ಯ ಸಹಜ. ಆದರೆ, ಆತನ ಕಮ್‌ಬ್ಯಾಕ್‌ ಸದಾ ಭರ್ಜರಿಯಾಗಿರುತ್ತದೆ," ಎಂದು ಶಾಸ್ತ್ರಿ ಗುಣಗಾನ ಮಾಡಿದ್ದಾರೆ.
3ನೇ ಒಡಿಐ ಪಂದ್ಯಕ್ಕೆ ಭಾರತದ ಸಂಭಾವ್ಯ ಪ್ಲೇಯಿಂಗ್‌ ಇಲೆವೆನ್‌
01. ಶಿಖರ್‌ ಧವನ್ (ನಾಯಕ/ ಓಪನರ್‌)
02. ಶುಭಮನ್‌ ಗಿಲ್‌ (ಓಪನರ್‌)
03. ಶ್ರೇಯಸ್‌ ಅಯ್ಯರ್‌ (ಬ್ಯಾಟ್ಸ್‌ಮನ್‌)
04. ಸೂರ್ಯಕುಮಾರ್‌ ಯಾದವ್‌ (ಬ್ಯಾಟ್ಸ್‌ಮನ್‌)
05. ರಿಷಭ್ ಪಂತ್‌ (ವಿಕೆಟ್‌ಕೀಪರ್‌/ ಬ್ಯಾಟ್ಸ್‌ಮನ್‌)
06. ವಾಷಿಂಗ್ಟನ್‌ ಸುಂದರ್‌ (ಆಲ್‌ರೌಂಡರ್‌)
07. ದೀಪಕ್‌ ಹೂಡ (ಆಲ್‌ರೌಂಡರ್‌)
08. ದೀಪಕ್‌ ಚಹರ್‌ (ಆಲ್‌ರೌಂಡರ್‌)
09. ಉಮ್ರಾನ್ ಮಲಿಕ್‌ (ಬಲಗೈ ವೇಗಿ)
10. ಯುಜ್ವೇಂದ್ರ ಚಹಲ್‌ (ಲೆಗ್‌ ಸ್ಪಿನ್ನರ್‌)
11. ಅರ್ಷದೀಪ್‌ ಸಿಂಗ್ (ಎಡಗೈ ವೇಗಿ)