ಡೋಪಿಂಗ್ ಪರೀಕ್ಷೆಯಲ್ಲಿ ಸಿಕ್ಕಿಬಿದ್ದ ಪಾಕ್ ಕ್ರಿಕೆಟಿಗ

ಕರಾಚಿ: ಪಾಕಿಸ್ತಾನ ಕ್ರಿಕೆಟಿಗ ಅಹ್ಮದ್ ಶೆಹಜಾದ್ ಡೋಪಿಂಗ್ ಪರೀಕ್ಷೆಯಲ್ಲಿ ಸಿಕ್ಕಿ ಬಿದಿದ್ದಾರೆ. ಪರಿಣಾಮ ಮೂರರಿಂದ ಆರು ತಿಂಗಳುಗಳ ಕಾಲ ನಿಷೇಧ ಭೀತಿಯನ್ನು ಎದುರಿಸುತ್ತಿದ್ದಾರೆ.

ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ವಿಚಾರಣಾ ಮಂಡಳಿ ಇದೀಗ ಶೆಹಜಾದ್ ಪ್ರಕರಣದ ತನಿಖೆ ನಡೆಸಲಿದೆ.

26ರ ಹರೆಯದ ಶೆಹಜಾದ್ ಪಾಕ್ ಪರ 13 ಟೆಸ್ಟ್, 81 ಏಕದಿನ 57 ಟಿ-20 ಪಂದ್ಯಗಳನ್ನು ಆಡಿದ್ದಾರೆ.

ನಿಷೇಧಿತ ಮದ್ದನ್ನು ಪಡೆಯುವ ಪಾಕ್ ಕ್ರಿಕೆಟಿಗನೊಬ್ಬ ನಿಯಮ ಉಲ್ಲಂಘಿಸಿರುವುದು ಕಂಡುಬಂದಿದೆ. ಆರೋಪ ಸಾಬೀತುಗೊಂಡ ಬಳಿಕವಷ್ಟೇ ಆಟಗಾರನ ಹೆಸರನ್ನು ಬಹಿರಂಗಗೊಳಿಸಲಾಗುವುದು ಎಂದು ಮೂಲಗಳು ತಿಳಿಸಿವೆ.

2016 ಫೆಬ್ರವರಿ ತಿಂಗಳಲ್ಲಿ ಉದ್ದೀಪನಾ ಮದ್ದು ಪರೀಕ್ಷೆಯಲ್ಲಿ ಸಿಕಿಬಿದ್ದಿದ್ದ ಪಾಕ್ ಸ್ಪಿನ್ನರ್ ಯಾಸಿರ್ ಶಾ ಮೇಲೆ ಮೂರು ತಿಂಗಳುಗಳ ನಿಷೇಧವನ್ನು ಹೇರಲಾಗಿತ್ತು.