ರಸ್ತೆಯಲ್ಲಿ ಕಸ ಎಸೆದವರಿಗೆ ಕೊಹ್ಲಿ-ಅನುಷ್ಕಾ ಚಾಟಿ!

ಬೆಂಗಳೂರು: ರಸ್ತೆಯಲ್ಲೇ ಕಸ ಎಸೆದು ಕಾರ್‌ನಲ್ಲಿ ಸಾಗುತ್ತಿದ್ದವರಿಗೆ ಭಾರತ ತಂಡದ ನಾಯಕ ವಿರಾಟ್‌ ಕೊಹ್ಲಿ ಅವರ ಪತ್ನಿ, ನಟಿ ಅನುಷ್ಕಾ ಶರ್ಮಾ ಚಾಟಿ ಬೀಸಿರುವ ಘಟನೆಯನ್ನು ಕೊಹ್ಲಿ ಟ್ವಿಟರ್‌ ಮೂಲಕ ಹಂಚಿಕೊಂಡಿದ್ದಾರೆ.

ಲಗ್ಷುರಿ ಕಾರ್‌ನಲ್ಲಿ ತೆರಳುತ್ತಿದ್ದ ವ್ಯಕ್ತಿಗಳು ರಸ್ತೆಯಲ್ಲೇ ಕಸ ಎಸೆದದ್ದನ್ನು ಕಂಡು ಆಕ್ರೋಶಗೊಂಡ ಅನುಷ್ಕಾ ಶರ್ಮಾ, ಅವರಿಗೆ ಪಾಠ ಹೇಳುತ್ತಿರುವ ವಿಡಿಯೊವನ್ನು ಟ್ವಿಟರ್‌ನಲ್ಲಿ ಕೊಹ್ಲಿ ಪ್ರಕಟಿಸಿದ್ದಾರೆ.

''ಐಷಾರಾಮಿ ಕಾರ್‌ನಲ್ಲಿ ಪ್ರಯಾಣಿಸುತ್ತಿದ್ದ ವ್ಯಕ್ತಿಗಳು ರಸ್ತೆಯಲ್ಲಿ ಕಸ ಎಸೆದದ್ದನ್ನು ನೋಡಿದೆವು. ಇಂತವ ವ್ಯಕ್ತಿಗಳು ನಮ್ಮ ದೇಶವನ್ನು ಶುಚಿಯಾಗಿಡುತ್ತಾರೆಯೇ? ಇಂತಹ ಘಟನೆಗಳು ನಿಮ್ಮ ಕಣ್ಣಿಗೆ ಬಿದ್ದಲ್ಲಿ ಇದೇ ರೀತಿ ಮಾಡಿ,'' ಎಂದು ಕೊಹ್ಲಿ ಟ್ವಿಟರ್‌ನಲ್ಲಿ ಸಲಹೆ ನೀಡಿದ್ದಾರೆ.