ನಿಷೇಧಿತ ಮಾದಕ ದ್ರವ್ಯ ಸೇವನೆ: ಯುವ ಕ್ರಿಕೆಟಿಗ ಪೃಥ್ವಿ ಶಾಗೆ 8 ತಿಂಗಳು ನಿಷೇಧ

ಮುಂಬಯಿ: ಮಾದಕ ದ್ರವ್ಯ ವ್ಯಸನದ ಆರೋಪ ಸಾಬೀತಾದ ಹಿನ್ನೆಲೆಯಲ್ಲಿ ಭಾರತ ಕ್ರಿಕೆಟ್‌ ತಂಡದ ಪ್ರತಿಭಾವಂತ ಆಟಗಾರ ಪೃಥ್ವಿ ಶಾಗೆ ನಿಷೇಧದ ಶಿಕ್ಷೆಗೆ ಗುರಿಪಡಿಸಲಾಗಿದೆ.

ಪೃಥ್ವಿ ಶಾ ನಿಷೇಧಿತ ದ್ರವ್ಯ ಸೇವನೆ ಆರೋಪ ದೃಢಪಟ್ಟಿದೆ. ಹೀಗಾಗಿ 8 ತಿಂಗಳ ಕಾಲ ನಿಷೇಧಕ್ಕೆ ಒಳಪಡಿಸಲಾಗಿದೆ ಎಂದು ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ ತಿಳಿಸಿದೆ.

19 ವರ್ಷದ ಪೃಥ್ವಿ ಶಾ 2018ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ 2 ಟೆಸ್ಟ್‌ ಪಂದ್ಯ ಆಡಿದ್ದರು. ನಿಷೇಧಿತ ಟರ್‌ಬ್ಯುಟಲೈನ್‌ ಸೇವನೆ ಮಾಡಿದ ಹಿನ್ನೆಲೆಯಲ್ಲಿ ನಿಷೇಧಕ್ಕೊಳಪಡಿಸಲಾಗಿದೆ.

ಸೈಯದ್‌ ಮುಷ್ತಾಕ್ ಅಲಿ ಕ್ರಿಕೆಟ್‌ ಪಂದ್ಯಾವಳಿ ವೇಳೆ ಪೃಥ್ವಿ ಶಾ ನಿಷೇಧಿತ ದ್ರವ್ಯ ಸೇವಿಸಿದ್ದು ಪತ್ತೆಯಾಗಿದೆ.

ಕೆಮ್ಮು ಮತ್ತು ನೆಗಡಿ ಇದ್ದ ಕಾರಣ ಔಷಧ ಸೇವಿಸಿದ್ದೆ. ಆದರೆ ಇದರಲ್ಲಿ ನಿಷೇಧಿತ ಟರ್‌ಬ್ಯುಟಲೈನ್‌ ಅಂಶ ಇರುವುದು ಗೊತ್ತಿರಲಿಲ್ಲ ಎಂದು ಪೃಥ್ವಿ ಶಾ ವಿಚಾರಣೆ ವೇಳೆ ಸ್ಪಷ್ಟಪಡಿಸಿದ್ದಾರೆ.

ಆದರೂ ಕಾನೂನು ಪ್ರಕಾರವಾಗಿ ಪೃಥ್ವಿ ಶಾಗೆ ನಿಷೇಧ ಶಿಕ್ಷೆ ಜಾರಿಗೊಳಿಸಲಾಗಿದೆ.

ವಿಚಾರಣೆ ನಡೆಯುತ್ತಿದ್ದ ಹಿನ್ನೆಲೆಯಲ್ಲಿ ವೆಸ್ಟ್ ಇಂಡೀಸ್‌ ವಿರುದ್ಧದ ಕ್ರಿಕೆಟ್‌ ಸರಣಿಗೆ ಪೃಥ್ವಿ ಶಾರನ್ನು ಆಯ್ಕೆಗೆ ಪರಿಗಣಿಸಿರಲಿಲ್ಲ.