ಹಾಗ್ ಕ್ಷಮೆಯಾಚನೆ ವ್ಯಂಗ್ಯ ಮಾಡಿದ ಅಶ್ವಿನ್

ಹೊಸದಿಲ್ಲಿ: ಟೀಂ ಇಂಡಿಯಾ ನಾಯಕ ವಿರಾಟ್ ಕೋಹ್ಲಿ ಅವರ ಗಾಯದ ಕುರಿತು ವ್ಯಂಗ್ಯವಾಡಿದ್ದ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಬ್ರಾಡ್ ಹಾಗ್ ಕ್ಷಮೆಯಾಚನೆ ನಡೆಸಿದ್ದರು. ಇದನ್ನೀಗ ಭಾರತದ ಆಫ್ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ವ್ಯಂಗ್ಯವಾಡಿದ್ದಾರೆ.

ಇದಕ್ಕೂ ಮೊದಲು ವಿರಾಟ್ ಕೋಹ್ಲಿ 10ನೇ ಆವೃತ್ತಿಯ ಐಪಿಎಲ್ ಪಂದ್ಯವಾಡಲು ಆಸ್ಟ್ರೇಲಿಯಾ ವಿರುದ್ಧದ ನಾಲ್ಕನೇ ಹಾಗೂ ಕೊನೆಯ ಪಂದ್ಯದಲ್ಲಿ ಭುಜದ ನೋವಿನ ನೆಪ ಹೇಳಿ ತಪ್ಪಿಸಿಕೊಂಡರು ಎಂದು ಬ್ರಾಡ್ ಹಾಗ್ ಲೇವಡಿ ಮಾಡಿದ್ದರು.

On a lighter note, from this year onwards 30th march will be remembered as world apology day.😂 — Ashwin Ravichandran (@ashwinravi99) March 30, 2017 ಈ ಬಗ್ಗೆ ಬ್ರಾಡ್ ಅಥವಾ ಘಟನೆಯನ್ನು ಉಲ್ಲೇಖಿಸದೇ ಪ್ರತಿಕ್ರಿಯೆ ನೀಡಿರುವ ಅಶ್ವಿನ್, ಈ ವರ್ಷದ ಬಳಿಕ ಮಾರ್ಚ್ 30 ದಿನವನ್ನು ವಿಶ್ವ ಕ್ಷಮೆಯಾಚನೆ ದಿನವನ್ನಾಗಿ ನೆನಪಿಸಿಕೊಳ್ಳಬೇಕು ಎಂದು ಟ್ವಿಟ್ ಮಾಡಿದ್ದಾರೆ.

pic.twitter.com/JHtVhXH7FH — Brad Hodge (@bradhodge007) March 29, 2017 ಐಪಿಎಲ್‌ನಲ್ಲಿ ಗುಜರಾತ್ ಲಯನ್ಸ್ ತಂಡದ ಕೋಚ್ ಆಗಿರುವ ಬ್ರಾಡ್ ಹಾಗ್, 'ವಿರಾಟ್ ಕೋಹ್ಲಿ ಅಥವಾ ಭಾರತೀಯ ಕ್ರೀಡಾಭಿಮಾನಿಗಳಿಗೆ ನೋವುಂಟುಮಾಡುವುದು ಉದ್ದೇಶವಾಗಿರಲಿಲ್ಲ. ಐಪಿಎಲ್ ಪಂದ್ಯಾವಳಿ ಮಹತ್ವದ್ದು ಎಂದು ತಿಳಿದು ಈ ರೀತಿಯ ಹೇಳಿಕೆ ನೀಡಿದ್ದೆ. ನನ್ನ ಹೇಳಿಕೆಯಿಂದ ನೋವಾಗಿದ್ದರೆ ಕ್ಷಮೆ ಯಾಚಿಸುತ್ತೇನೆ' ಎಂದು ಹಾಗ್ ಟ್ವಿಟರ್‌ನಲ್ಲಿ ಪತ್ರದ ಮುಖಾಂತರ ಕ್ಷಮೆ ಕೋರಿದ್ದಾರೆ.