ರಹಮತ್ ಶಾ ಆಫ್ಘನ್‌ ಪರ ಟೆಸ್ಟ್ ಕ್ರಿಕೆಟ್‌ನಲ್ಲಿ ಶತಕ ಬಾರಿಸಿದ ಮೊದಲ ಬ್ಯಾಟ್ಸ್‌ಮನ್

ಆತಿಥೇಯ ಬಾಂಗ್ಲಾದೇಶ ತಂಡದ ವಿರುದ್ಧ ಚಿತ್ತಗಾಂಗ್‌ನಲ್ಲಿ ನಡೆಯುತ್ತಿರುವ ಟೆಸ್ಟ್‌ ಪಂದ್ಯದಲ್ಲಿ ಅಫಘಾನಿಸ್ತಾನದ ರಹಮತ್‌ ಶಾ ಶತಕ ಬಾರಿಸಿದ್ದು, ಟೆಸ್ಟ್‌ ಕ್ರಿಕೆಟ್‌ನಲ್ಲಿ ಆಫ್ಘನ್‌ ಪರ ಮೂರಂಕಿ ಮೊತ್ತ ಗಳಿಸಿದ ಮೊದಲ ಬ್ಯಾಟ್ಸ್‌ಮನ್‌ ಎನ್ನುವ ಖ್ಯಾತಿ ಗಳಿಸಿಕೊಂಡಿದ್ದಾರೆ.

ಬಾಂಗ್ಲಾದೇಶ ಮತ್ತು ಅಫಘಾನಿಸ್ತಾನ ನಡುವೆ ನಿಗದಿಯಾದ ಏಕೈಕ ಟೆಸ್ಟ್‌ ಪಂದ್ಯದಲ್ಲಿ ರಹಮತ್‌ ಶಾ 187 ಎಸೆತಗಳಲ್ಲಿ 102 ರನ್‌ ಬಾರಿಸಿದ್ದಾರೆ.

ಅತಿ ಕಿರಿಯ ನಾಯಕ
ಈ ಮೊದಲು ಅಫಘಾನಿಸ್ತಾನ ತಂಡದ ಆಲ್‌ರೌಂಡರ್‌ ರಶೀದ್‌ ಖಾನ್‌ ಟೆಸ್ಟ್‌ ಕ್ರಿಕೆಟ್‌ ಇತಿಹಾಸದಲ್ಲೇ ಅತಿ ಕಿರಿಯ ನಾಯಕನಾಗಿ ದಾಖಲೆಗಳ ಕಡತ ಸೇರಿದ್ದಾರೆ.

ರಶೀದ್‌ಗೆ ಗುರುವಾರ 20 ವರ್ಷ 350 ದಿನವಾಗಿದ್ದು, 15 ವರ್ಷಗಳ ಹಿಂದಿನ ದಾಖಲೆ ಮುರಿದಿದ್ದಾರೆ. 2004ರಲ್ಲಿ ಶ್ರೀಲಂಕಾ ವಿರುದ್ಧದ ಪಂದ್ಯದ ವೇಳೆ ಜಿಂಬಾಬ್ವೆ ತಂಡದ ನಾಯಕರಾಗಿದ್ದ ಟಿ.ತೈಬುಗೆ 21 ವರ್ಷ 2 ದಿನಗಳಾಗಿತ್ತು.