ದುಬೈ: ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಹಾಗೂ 19 ವರ್ಷದೊಳಗಿನವರ ಟೀಮ್ ಇಂಡಿಯಾದ ಕೋಚ್ ರಾಹುಲ್ ದ್ರಾವಿಡ್ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ನೀಡಿದ ಕೊಡುಗೆಗಾಗಿ ಐಸಿಸಿ ಹಾಲ್ ಆಫ್ ಫೇಮ್ ಗೌರವಕ್ಕೆ ಭಾಜನರಾಗಿದ್ದಾರೆ.
ದ್ರಾವಿಡ್ ಜತೆಗೆ ಆಸ್ಪ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಮತ್ತು ಇಂಗ್ಲೆಂಡ್ ಮಹಿಳಾ ತಂಡದ ಮಾಜಿ ಆಟಗಾರ್ತಿ ಕ್ಲೇರ್ ಟೇಲರ್ ಅವರಿಗೂ ಡಬ್ಲಿನ್ನಲ್ಲಿ ಭಾನುವಾರ ನಡೆದ ಸಮಾರಂಭದ ವೇಳೆ ಹಾಲ್ ಆಫ್ ಫೇಮ್ ಗೌರವ ನೀಡಲಾಗಿದೆ.
ಇದರೊಂದಿಗೆ ದ್ರಾವಿಡ್ ಎಲೈಟ್ ಪಟ್ಟಿಯಲ್ಲಿ ಈ ಗೌರವ ಪಡೆದ ಭಾರತದ ಐದನೇ ಆಟಗಾರ ಎನಿಸಿದರೆ, ಪಾಂಟಿಂಗ್ ಈ ಗೌರವ ಸ್ವೀಕರಿಸಿದ ಆಸೀಸ್ನ 25ನೇ ಆಟಗಾರ ಎನಿಸಿದ್ದಾರೆ. ಟೇಲರ್ ಈ ಗೌರವಕ್ಕೆ ಭಾಜನರಾದ ಏಳನೇ ಹಾಗೂ ಇಂಗ್ಲೆಂಡ್ನ ಮೂರನೇ ಆಟಗಾರ್ತಿ ಎನಿಸಿದ್ದಾರೆ.
2009ರಲ್ಲಿ ಭಾರತ ತಂಡದ ಮಾಜಿ ನಾಯಕರಾದ ಬಿಷನ್ ಸಿಂಗ್ ಬೇಡಿ, ಸುನಿಲ್ ಗವಾಸ್ಕರ್ ಮತ್ತು ಕಪಿಲ್ ದೇವ್ ಹಾಲ್ ಆಫ್ ಫೇಮ್ ಪಟ್ಟಿಗೆ ಸೇರ್ಪಡೆಯಾಗಿದ್ದರು. ನಂತರ 2015ರಲ್ಲಿ ಕನ್ನಡಿಗ ಅನಿಲ್ ಕುಂಬ್ಳೆ ಸೇರ್ಪಡೆಯಾಗಿದ್ದರು.
''ಕ್ರಿಕೆಟ್ ಹಾಲ್ ಆಫ್ ಫೇಮ್ಗೆ ನನ್ನ ಹೆಸರನ್ನು ಐಸಿಸಿ ಸೇರ್ಪಡೆಗೊಳಿಸಿರುವುದು ಅತ್ಯುನ್ನತ ಗೌರವಾಗಿದೆ. ಎಲ್ಲಾ ಪೀಳಿಗೆಯ ಸಾರ್ವಕಾಲಿಕ ಆಟಗಾರರ ಪಟ್ಟಿಯಲ್ಲಿ ಹೆಸರು ಕಾಣಿಸಿಕೊಳ್ಳುತ್ತಿರುವುದು ಸಂತಸ ತಂದಿದೆ. ವೃತ್ತಿಜೀವನದಲ್ಲಿ ನೆರವಾದ ಪೋಷಕರು, ಕೋಚ್ಗಳು, ಕೆಎಸ್ಸಿಎ ಮತ್ತು ಬಿಸಿಸಿಐ ಸೇರಿದಂತೆ ಪ್ರತಿಯೊಬ್ಬರಿಗೂ ಕೃತಜ್ಞತೆ ಹೇಳಲು ಬಯಸುತ್ತೇನೆ,'' ಎಂದು ದ್ರಾವಿಡ್ ಹೇಳಿಕೆಯನ್ನು ಐಸಿಸಿ ಉಲ್ಲೇಖಿಸಿದೆ.
164 ಟೆಸ್ಟ್ ಪಂದ್ಯಗಳಿಂದ 13,288 ರನ್ ಕಲೆಹಾಕಿರುವ ದ್ರಾವಿಡ್, 344 ಏಕದಿನ ಪಂದ್ಯಗಳಲ್ಲಿ 10,889 ರನ್ ಗಳಿಸಿದ್ದಾರೆ.
ದ್ರಾವಿಡ್ ಜತೆಗೆ ಆಸ್ಪ್ರೇಲಿಯಾದ ಮಾಜಿ ನಾಯಕ ರಿಕಿ ಪಾಂಟಿಂಗ್ ಮತ್ತು ಇಂಗ್ಲೆಂಡ್ ಮಹಿಳಾ ತಂಡದ ಮಾಜಿ ಆಟಗಾರ್ತಿ ಕ್ಲೇರ್ ಟೇಲರ್ ಅವರಿಗೂ ಡಬ್ಲಿನ್ನಲ್ಲಿ ಭಾನುವಾರ ನಡೆದ ಸಮಾರಂಭದ ವೇಳೆ ಹಾಲ್ ಆಫ್ ಫೇಮ್ ಗೌರವ ನೀಡಲಾಗಿದೆ.
ಇದರೊಂದಿಗೆ ದ್ರಾವಿಡ್ ಎಲೈಟ್ ಪಟ್ಟಿಯಲ್ಲಿ ಈ ಗೌರವ ಪಡೆದ ಭಾರತದ ಐದನೇ ಆಟಗಾರ ಎನಿಸಿದರೆ, ಪಾಂಟಿಂಗ್ ಈ ಗೌರವ ಸ್ವೀಕರಿಸಿದ ಆಸೀಸ್ನ 25ನೇ ಆಟಗಾರ ಎನಿಸಿದ್ದಾರೆ. ಟೇಲರ್ ಈ ಗೌರವಕ್ಕೆ ಭಾಜನರಾದ ಏಳನೇ ಹಾಗೂ ಇಂಗ್ಲೆಂಡ್ನ ಮೂರನೇ ಆಟಗಾರ್ತಿ ಎನಿಸಿದ್ದಾರೆ.
2009ರಲ್ಲಿ ಭಾರತ ತಂಡದ ಮಾಜಿ ನಾಯಕರಾದ ಬಿಷನ್ ಸಿಂಗ್ ಬೇಡಿ, ಸುನಿಲ್ ಗವಾಸ್ಕರ್ ಮತ್ತು ಕಪಿಲ್ ದೇವ್ ಹಾಲ್ ಆಫ್ ಫೇಮ್ ಪಟ್ಟಿಗೆ ಸೇರ್ಪಡೆಯಾಗಿದ್ದರು. ನಂತರ 2015ರಲ್ಲಿ ಕನ್ನಡಿಗ ಅನಿಲ್ ಕುಂಬ್ಳೆ ಸೇರ್ಪಡೆಯಾಗಿದ್ದರು.
''ಕ್ರಿಕೆಟ್ ಹಾಲ್ ಆಫ್ ಫೇಮ್ಗೆ ನನ್ನ ಹೆಸರನ್ನು ಐಸಿಸಿ ಸೇರ್ಪಡೆಗೊಳಿಸಿರುವುದು ಅತ್ಯುನ್ನತ ಗೌರವಾಗಿದೆ. ಎಲ್ಲಾ ಪೀಳಿಗೆಯ ಸಾರ್ವಕಾಲಿಕ ಆಟಗಾರರ ಪಟ್ಟಿಯಲ್ಲಿ ಹೆಸರು ಕಾಣಿಸಿಕೊಳ್ಳುತ್ತಿರುವುದು ಸಂತಸ ತಂದಿದೆ. ವೃತ್ತಿಜೀವನದಲ್ಲಿ ನೆರವಾದ ಪೋಷಕರು, ಕೋಚ್ಗಳು, ಕೆಎಸ್ಸಿಎ ಮತ್ತು ಬಿಸಿಸಿಐ ಸೇರಿದಂತೆ ಪ್ರತಿಯೊಬ್ಬರಿಗೂ ಕೃತಜ್ಞತೆ ಹೇಳಲು ಬಯಸುತ್ತೇನೆ,'' ಎಂದು ದ್ರಾವಿಡ್ ಹೇಳಿಕೆಯನ್ನು ಐಸಿಸಿ ಉಲ್ಲೇಖಿಸಿದೆ.
164 ಟೆಸ್ಟ್ ಪಂದ್ಯಗಳಿಂದ 13,288 ರನ್ ಕಲೆಹಾಕಿರುವ ದ್ರಾವಿಡ್, 344 ಏಕದಿನ ಪಂದ್ಯಗಳಲ್ಲಿ 10,889 ರನ್ ಗಳಿಸಿದ್ದಾರೆ.