ರಣಜಿ ಅನುಭವ ನೆರವಿಗೆ ಬಂತು : ಬುಮ್ರಾ

ಮೊದಲ ದರ್ಜೆ ಕ್ರಿಕೆಟಿನಲ್ಲಿ ನಿಧಾನಗತಿಯ ಪಿಚ್‌ಗಳಲ್ಲಿ ರಿವರ್ಸ್‌ ಸ್ವಿಂಗ್‌ ಮಾಡಿದ ಅನುಭವ ಇದೀಗ ಎಂಸಿಜಿಯಲ್ಲಿ ನೆರವಿಗೆ ಬಂತು ಎಂದು ಜಸ್‌ಪ್ರೀತ್‌ ಬುಮ್ರಾ ಹೇಳಿಕೊಂಡಿದ್ದಾರೆ. ''ಬೌಲಿಂಗ್‌ ಮಾಡುತ್ತಿರುವಾಗ ಪಿಚ್‌ ನಿಧಾನಗತಿಗೆ ತಿರುಗತೊಡಗಿತು. ಚೆಂಡು ಮೆತ್ತಗಾಗತೊಡಗಿತು. ಅದನ್ನರಿತು ನಾನೂ ನಿಧಾನ ಗತಿಯಲ್ಲಿ ಬೌಲಿಂಗ್‌ ಮಾಡತೊಡಗಿದೆ. ಬರಬರುತ್ತಾ ವೇಗವನ್ನು ಇನ್ನಷ್ಟು ಕಡಿಮೆ ಮಾಡಿದೆ. ಆಗ ಚೆಂಡು ರಿವರ್ಸ್‌ ಸ್ವಿಂಗ್‌ ಆಗತೊಡಗಿತು. ನಾವು ತವರಿನಲ್ಲಿ ಮೊದಲ ದರ್ಜೆ ಕ್ರಿಕೆಟ್‌ನಲ್ಲಿ ಇಂತಹದೇ ಪಿಚ್‌ನಲ್ಲಿ ಆಡುತ್ತಿದ್ದಾಗ ಚೆಂಡು ರಿವರ್ಸ್‌ ಆಗುತ್ತಿತ್ತು. ಆ ಸನ್ನಿವೇಶಗಳನ್ನು ಸಾಧ್ಯವಾದಷ್ಟು ಬಳಸಿಕೊಳ್ಳಲು ಪ್ರಯತ್ನಿಸುತ್ತಿದ್ದೆವು. ಆಗಿನ ಅನುಭವವನ್ನು ಇಲ್ಲಿ ಬಳಸಿಕೊಳ್ಳಲು ಪ್ರಯತ್ನಿಸಿದೆವು. ಅದೇ ನಮ್ಮ ಯೋಜನೆಯಾಗಿತ್ತು,' ಎಂದು 3ನೇ ದಿನದಾಟದ ಬಳಿಕ ಬುಮ್ರಾ ತಿಳಿಸಿದರು.