ಏಕದಿನಕ್ಕೆ ರೋ'ಹಿಟ್' ಬಾಸ್
ತಮ್ಮ ಸಹ ಆಟಗಾರ ಹಾಗೂ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ (1377) ಅವರನ್ನು ಹಿಂದಿಕ್ಕಿರುವ ರೋಹಿತ್ ಶರ್ಮಾ 2019ನೇ ಸಾಲಿನಲ್ಲಿ ಏಕದಿನ ಕ್ರಿಕೆಟ್‌ನಲ್ಲಿ ಗರಿಷ್ಠ 1490 ರನ್ ಕಲೆ ಹಾಕಿದ ದಾಖಲೆಗೆ ಭಾಜನವಾಗಿದ್ದಾರೆ. ವಿಂಡೀಸ್ ವಿರುದ್ಧ ನಡೆದ ದ್ವಿತೀಯ ಏಕದಿನ ಪಂದ್ಯದಲ್ಲಿ 159 ರನ್ ಚಚ್ಚಿದ್ದರು. ಈ ಮೂಲಕ ಸತತ ಆರನೇ ಸಾಲಿನಲ್ಲೂ (2013ರಿಂದ 2019ರ ವರೆಗೆ) ವೈಯಕ್ತಿಕ ಗರಿಷ್ಠ ಮೊತ್ತ ದಾಖಲಿಸಿದ ಹಿರಿಮೆಗೆ ಭಾಜನವಾಗಿದ್ದರು.
ವಿರಾಟ್ 2455, ರೋಹಿತ್ 2442
2019ರಲ್ಲಿ ಟೆಸ್ಟ್, ಏಕದಿನ ಹಾಗೂ ಟ್ವೆಂಟಿ-20 ಸೇರಿದಂತೆ ಎಲ್ಲ ಪ್ರಕಾರದ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಬ್ಯಾಟ್ಸ್‌ಮನ್‌ಗಳ ಸಾಲಿನಲ್ಲಿ ವಿರಾಟ್ ಕೊಹ್ಲಿ ಬಳಿಕ ರೋಹಿತ್ ಶರ್ಮಾ ದ್ವಿತೀಯ ಸ್ಥಾನ ಆಲಂಕರಿಸಿದ್ದಾರೆ. ವಿರಾಟ್ ಕೊಹ್ಲಿ ಹಾಗೂ ರೋಹಿತ್ ಶರ್ಮಾ ಅನುಕ್ರಮವಾಗಿ 2455 ಹಾಗೂ 2442 ರನ್ ಕಲೆ ಹಾಕಿದ್ದಾರೆ.
Twitter-@ImRo45 #RohitSharma https://t.co/88KDpI7l6v
ವರ್ಷವೊಂದರಲ್ಲೇ 10 ಶತಕ
2019ನೇ ಸಾಲಿನಲ್ಲಿ ರೋಹಿತ್ ಶರ್ಮಾ ಒಟ್ಟು 10 ಶತಕಗಳನ್ನು ಬಾರಿಸಿದ್ದಾರೆ. ಇದರಲ್ಲಿ ಏಕದಿನದಲ್ಲಿ ಏಳು ಶತಕ ಹಾಗೂ ಟೆಸ್ಟ್ ಕ್ರಿಕೆಟ್‌ನಲ್ಲಿ ದ್ವಿಶತಕ ಸೇರಿದಂತೆ ಮೂರು ಶತಕಗಳು ಸೇರಿವೆ. ಕಳೆದ ಏಕದಿನ ವಿಶ್ವಕಪ್‌ನಲ್ಲಂತೂ ರೋಹಿತ್ ದಾಖಲೆಯ ಐದು ಶತಕಗಳನ್ನು ಸಿಡಿಸಿದ್ದರು. ಏಕದಿನ ವಿಶ್ವಕಪ್‌ನಲ್ಲಿ ಆಡಿದ ಒಂಬತ್ತು ಪಂದ್ಯಗಳಲ್ಲೇ 81ರ ಸರಾಸರಿಯಲ್ಲಿ ರೋಹಿತ್ 648 ರನ್ ಕಲೆ ಹಾಕಿದ್ದರು.
22 ವರ್ಷಗಳ ಹಿಂದಿನ ದಾಖಲೆ ಮುರಿದ ರೋಹಿತ್
2019ರಲ್ಲಿ ರೋಹಿತ್ ಶರ್ಮಾ ಅಂಕಿಅಂಶ:
ಇನ್ನು ಟೆಸ್ಟ್ ಕ್ರಿಕೆಟ್‌ನಲ್ಲಿ ಆರಂಭಿಕನಾಗಿ ಚೊಚ್ಚಲ ಪಂದ್ಯದ ಎರಡೂ ಇನ್ನಿಂಗ್ಸ್‌ನಲ್ಲೂ ಶತಕ ಸಾಧನೆ ಮಾಡಿದ ಮೊದಲ ಬ್ಯಾಟ್ಸ್‌ಮನ್ ಎಂಬ ದಾಖಲೆಗೆ ಅರ್ಹವಾಗಿದ್ದರು. ಈ ಮೂಲಕ ಟೆಸ್ಟ್ ಕ್ರಿಕೆಟ್‌ಗೂ ಸೈ ಎನಿಸಿದ್ದರು. 2019ನೇ ಸಾಲಿನಲ್ಲೇ 400 ಸಿಕ್ಸರ್ ದಾಖಲೆಯನ್ನು ರೋಹಿತ್ ಶರ್ಮಾ ಬರೆದಿದ್ದಾರೆ.
2019ರಲ್ಲಿ ರೋಹಿತ್ ಶರ್ಮಾ ಅಂಕಿಅಂಶ:
ಏಕದಿನ: ಪಂದ್ಯ: 28, ರನ್: 1490, ಶತಕ: 7, ಗರಿಷ್ಠ: 159, ಸರಾಸರಿ: 57.86
ಟ್ವೆಂಟಿ-20: ಪಂದ್ಯ: 14, ರನ್: 396, ಗರಿಷ್ಠ: 85, ಸರಾಸರಿ: 28.29
ಟೆಸ್ಟ್: ಪಂದ್ಯ: 5, ರನ್: 556, ಶತಕ: 3, ಗರಿಷ್ಠ: 212, ಸರಾಸರಿ: 92.67