ಆಸ್ಪ್ರೇಲಿಯಾದ ಕಂಪನಿ ವಿರುದ್ಧ ದಾವೆ ಹೂಡಿದ ಸಚಿನ್‌

ಮುಂಬಯಿ: ಒಪ್ಪಂದದಂತೆ ಹಣ ಪಾವತಿಸದ ಆಸ್ಪ್ರೇಲಿಯಾ ಮೂಲದ ಕ್ರೀಡಾ ಸಲಕರಣೆಗಳ ಕಂಪನಿಯೊಂದರ ವಿರುದ್ಧ ಕ್ರಿಕೆಟ್‌ ಐಕಾನ್‌ ಸಚಿನ್‌ ತೆಂಡೂಲ್ಕರ್‌ 20 ಲಕ್ಷ ಡಾಲರ್‌ (13 ಕೋಟಿ ರೂ.) ಪರಿಹಾರ ಕೋರಿ ದಾವೆ ಹೂಡಿದ್ದಾರೆ.

ಸಿಡ್ನಿಯಲ್ಲಿ ಕಚೇರಿ ಹೊಂದಿರುವ 'ಸ್ಪಾರ್ಟನ್‌ ಸ್ಪೋಟ್ಸ್‌ ಇಂಟರ್‌ ನ್ಯಾಷನಲ್‌' ಸಂಸ್ಥೆಯು ತಾನು ತಯಾರಿಸುವ ಕ್ರೀಡಾ ಪರಿಕರಗಳ ಮಾರಾಟಕ್ಕೆ ಸಚಿನ್‌ ಚಿತ್ರ ಹಾಗೂ ಲೋಗೊ ಬಳಸುವ ಕುರಿತು 2016ರಲ್ಲಿ ಒಪ್ಪಂದ ಮಾಡಿಕೊಂಡಿತ್ತು. ಒಪ್ಪಂದದಂತೆ ಸಚಿನ್‌ಗೆ ಕಂಪನಿ ವಾರ್ಷಿಕ 10 ಲಕ್ಷ ಡಾಲರ್‌ ಪಾವತಿಸಬೇಕಿತ್ತು. ಬಳಿಕ, 'ಸಚಿನ್‌ ಬೈ ಸ್ಪಾರ್ಟನ್‌' ಎನ್ನುವ ಹೆಸರಲ್ಲಿ ಉತ್ಪನ್ನಗಳನ್ನು ಮಾರಾಟ ಮಾಡಿದ್ದ ಸಂಸ್ಥೆಯು ಗೌರವ ಧನ ಪಾವತಿಸಿರಲಿಲ್ಲ. ಹೀಗಾಗಿ ಸಚಿನ್‌ ದೂರು ದಾಖಲಿಸಿದ್ದಾರೆ.