ಹೊಸದಿಲ್ಲಿ: ಭಾರತ ತಂಡದ ಸ್ಟಾರ್ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅವರ ಆಸ್ತಿ ಇತ್ತೀಚೆಗಷ್ಟೇ ಸಾವಿರ ಕೋಟಿ ರೂ. ಮೌಲ್ಯ ದಾಟಿರುವುದು ಗೊತ್ತೇ ಇದೆ. ಪ್ರಸ್ತುತ ಸಕ್ರಿಯ ಕ್ರಿಕೆಟಿಗರ ಪೈಕಿ ಕಿಂಗ್‌ ಖ್ಯಾತಿಯ ವಿರಾಟ್ ಕೊಹ್ಲಿ ಅತ್ಯಂತ ಶ್ರೀಮಂತ ಆಟಗಾರ ಎನ್ನುವುದರಲ್ಲಿ ಎರಡು ಮಾತಿಲ್ಲ. 'ಎ' ಪ್ಲಸ್ ಗ್ರೇಡ್ ಗುತ್ತಿಗೆ ಪಡೆದಿರುವ ವಿರಾಟ್, ಬಿಸಿಸಿಐನಿಂದ ವರ್ಷಕ್ಕೆ 7 ಕೋಟಿ ರೂ. ಪಡೆಯುತ್ತಾರೆ.
ಕ್ರಿಕೆಟ್ ದಂತಕತೆ ಸಚಿನ್ ತೆಂಡೂಲ್ಕರ್ ಅವರ ಸಂಪತ್ತು 1250 ಕೋಟಿ ರೂ.ಗಳಾಗಿದ್ದರೆ, ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರ ಆಸ್ತಿ 1040 ಕೋಟಿ ರೂಗಳಾಗಿವೆ. ಸಚಿನ್ ಮತ್ತು ಧೋನಿ ಇಬ್ಬರೂ ಜಾಹೀರಾತುಗಳ ಮೂಲಕ ಕೋಟಿ ಕೋಟಿ ರೂ. ಗಳನ್ನು ಜೇಬಿಗಿಳಿಸಿಕೊಂಡಿದ್ದಾರೆ. ಈ ಮೂವರು ಆಟಗಾರರ ನಿವ್ವಳ ಮೌಲ್ಯವನ್ನು ನೋಡಿದರೆ, ಇವರೇ ಭಾರತೀಯ ಕ್ರಿಕೆಟ್‌ನ ಶ್ರೀಮಂತ ಆಟಗಾರರು ಎಂದು ಭಾವಿಸುವುದು ನಿಜ. ಆದರೆ ಈ ಮೂವರ ಹೊರತಾಗಿ ಭಾರತೀಯ ಕ್ರಿಕೆಟ್‌ನಲ್ಲಿ ಅತ್ಯಂತ ಶ್ರೀಮಂತ ಕ್ರಿಕೆಟಿಗನಿದ್ದಾನೆಂದರೆ ನಂಬುತ್ತೀರಾ?
ಹೌದು, ನಂಬಲೇಬೇಕು! ಅವರೇ ಸಮರ್ಜಿತ್ ಸಿಂಗ್ ರಂಜಿತ್ ಸಿನ್ ಗಾಯಕ್ವಾಡ್. ಅವರು 1967ರ ಏಪ್ರಿಲ್ 25 ರಂದು ಜನಿಸಿದ್ದರು. ಅವರು ಪ್ರಥಮ ದರ್ಜೆ ಕ್ರಿಕೆಟಿಗರಾಗಿ ಗುರುತಿಸಲ್ಪಟ್ಟರು. ರಂಜಿತ್ ಸಿನ್ಹ್ ಪ್ರತಾಪ್ ಸಿಂಹ ಗಾಯಕ್ವಾಡ್ ಹಾಗು ಶುಭಾಂಗಿನಿರಾಜೆಯ ಏಕೈಕ ಪುತ್ರ ಸಮರ್ಜಿತ್ ಸಿನ್ಹ್, ಬರೋಡಾ ರಾಜರೂ ಆಗಿದ್ದರು.
ಸಮರ್ಜಿತ್ ಸಿನ್ಹ್ ಓದಿದ್ದು ಡೆಹ್ರಾಡೂನ್‌ನ ಡೂನ್ ಶಾಲೆಯಲ್ಲಿ. 2012ರಲ್ಲಿ ಅವರ ತಂದೆಯ ಮರಣದ ನಂತರ, ಅವರು ಮಹಾರಾಜ ಪಟ್ಟವನ್ನು ಅಲಂಕರಿಸಿದ್ದರು. ಅವರು 20 ಸಾವಿರ ಕೋಟಿ ರೂ. ಸಂಪತ್ತನ್ನು ಪಿತ್ರಾರ್ಜಿತವಾಗಿ ಪಡೆದಿದ್ದಾರೆ. ಸಮರ್ಜಿತ್ ಅವರು ವಿಶ್ವದ ಅತಿದೊಡ್ಡ ಖಾಸಗಿ ನಿವಾಸವಾದ ಲಕ್ಷ್ಮಿ ವಿಲಾಸ್ ಅರಮನೆಯ ಮಾಲೀಕರಾಗಿದ್ದಾರೆ. ಅವರು ಗುಜರಾತ್ ಮತ್ತು ವಾರಣಾಸಿಯಲ್ಲಿ 17 ದೇವಾಲಯಗಳ ಟ್ರಸ್ಟ್‌ಗಳ ಜವಾಬ್ದಾರಿಗಳನ್ನು ನೋಡಿಕೊಳ್ಳುತ್ತಾರೆ.
ಸಮರ್ಜಿತ್ ಸಿನ್ಹ್ ಗಾಯಕ್ವಾಡ್ ವಂಕನೀರ್ ರಾಜಮನೆತನದ ರಾಧಿಕರಾಜೆಯನ್ನು ವಿವಾಹವಾಗಿದ್ದರೆ. ಅವರು ರಣಜಿ ಟ್ರೋಫಿಯಲ್ಲಿ ಬರೋಡಾವನ್ನು ಪ್ರತಿನಿಧಿಸಿದ್ದರು ಮತ್ತು ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್ ಆಗಿ ಆರು ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದಾರೆ. ಆದರೆ, ಒಂದೇ ಒಂದು ಬಾರಿ ಅವರು ಭಾರತ ತಂಡವನ್ನು ಪ್ರತಿನಿಧಿಸಲು ಸಾಧ್ಯವಾಗಿರಲಿಲ್ಲ. ಅಂದ ಹಾಗೆ ಒಮ್ಮೆ ಅವರು ಬರೋಡಾ ಕ್ರಿಕೆಟ್ ಸಂಸ್ಥೆಯ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದರು.
ಸಚಿನ್ ತೆಂಡೂಲ್ಕರ್, ವಿರಾಟ್ ಕೊಹ್ಲಿ, ಎಂಎಸ್‌ ಧೋನಿ, ವೀರೇಂದ್ರ ಸೆಹ್ವಾಗ್‌ ಮುಂತಾದವರು ಕ್ರಿಕೆಟ್ ಆಡುವ ಮೂಲಕ ಹಣವನ್ನು ಗಳಿಸಿದರೆ, ಸಮರ್ಜಿತ್ ಸಿನ್ಹ್ ಅವರು ಸಾವಿರಾರು ಕೋಟಿ ಆಸ್ತಿಯನ್ನು ಪಿತ್ರಾರ್ಜಿತವಾಗಿ ಪಡೆದಿದ್ದಾರೆ. ಇದರೊಂದಿಗೆ ಅವರು ನಮ್ಮ ದೇಶದಲ್ಲಿ ಮಾತ್ರವಲ್ಲದೆ ವಿಶ್ವದ ಶ್ರೀಮಂತ ಕ್ರಿಕೆಟಿಗರಾಗಿ ಹೆಸರು ಮಾಡಿದ್ದಾರೆ.
ಕ್ರಿಕೆಟ್ ದಂತಕತೆ ಸಚಿನ್ ತೆಂಡೂಲ್ಕರ್ ಅವರ ಸಂಪತ್ತು 1250 ಕೋಟಿ ರೂ.ಗಳಾಗಿದ್ದರೆ, ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರ ಆಸ್ತಿ 1040 ಕೋಟಿ ರೂಗಳಾಗಿವೆ. ಸಚಿನ್ ಮತ್ತು ಧೋನಿ ಇಬ್ಬರೂ ಜಾಹೀರಾತುಗಳ ಮೂಲಕ ಕೋಟಿ ಕೋಟಿ ರೂ. ಗಳನ್ನು ಜೇಬಿಗಿಳಿಸಿಕೊಂಡಿದ್ದಾರೆ. ಈ ಮೂವರು ಆಟಗಾರರ ನಿವ್ವಳ ಮೌಲ್ಯವನ್ನು ನೋಡಿದರೆ, ಇವರೇ ಭಾರತೀಯ ಕ್ರಿಕೆಟ್‌ನ ಶ್ರೀಮಂತ ಆಟಗಾರರು ಎಂದು ಭಾವಿಸುವುದು ನಿಜ. ಆದರೆ ಈ ಮೂವರ ಹೊರತಾಗಿ ಭಾರತೀಯ ಕ್ರಿಕೆಟ್‌ನಲ್ಲಿ ಅತ್ಯಂತ ಶ್ರೀಮಂತ ಕ್ರಿಕೆಟಿಗನಿದ್ದಾನೆಂದರೆ ನಂಬುತ್ತೀರಾ?
ಹೌದು, ನಂಬಲೇಬೇಕು! ಅವರೇ ಸಮರ್ಜಿತ್ ಸಿಂಗ್ ರಂಜಿತ್ ಸಿನ್ ಗಾಯಕ್ವಾಡ್. ಅವರು 1967ರ ಏಪ್ರಿಲ್ 25 ರಂದು ಜನಿಸಿದ್ದರು. ಅವರು ಪ್ರಥಮ ದರ್ಜೆ ಕ್ರಿಕೆಟಿಗರಾಗಿ ಗುರುತಿಸಲ್ಪಟ್ಟರು. ರಂಜಿತ್ ಸಿನ್ಹ್ ಪ್ರತಾಪ್ ಸಿಂಹ ಗಾಯಕ್ವಾಡ್ ಹಾಗು ಶುಭಾಂಗಿನಿರಾಜೆಯ ಏಕೈಕ ಪುತ್ರ ಸಮರ್ಜಿತ್ ಸಿನ್ಹ್, ಬರೋಡಾ ರಾಜರೂ ಆಗಿದ್ದರು.
ಸಮರ್ಜಿತ್ ಸಿನ್ಹ್ ಓದಿದ್ದು ಡೆಹ್ರಾಡೂನ್‌ನ ಡೂನ್ ಶಾಲೆಯಲ್ಲಿ. 2012ರಲ್ಲಿ ಅವರ ತಂದೆಯ ಮರಣದ ನಂತರ, ಅವರು ಮಹಾರಾಜ ಪಟ್ಟವನ್ನು ಅಲಂಕರಿಸಿದ್ದರು. ಅವರು 20 ಸಾವಿರ ಕೋಟಿ ರೂ. ಸಂಪತ್ತನ್ನು ಪಿತ್ರಾರ್ಜಿತವಾಗಿ ಪಡೆದಿದ್ದಾರೆ. ಸಮರ್ಜಿತ್ ಅವರು ವಿಶ್ವದ ಅತಿದೊಡ್ಡ ಖಾಸಗಿ ನಿವಾಸವಾದ ಲಕ್ಷ್ಮಿ ವಿಲಾಸ್ ಅರಮನೆಯ ಮಾಲೀಕರಾಗಿದ್ದಾರೆ. ಅವರು ಗುಜರಾತ್ ಮತ್ತು ವಾರಣಾಸಿಯಲ್ಲಿ 17 ದೇವಾಲಯಗಳ ಟ್ರಸ್ಟ್‌ಗಳ ಜವಾಬ್ದಾರಿಗಳನ್ನು ನೋಡಿಕೊಳ್ಳುತ್ತಾರೆ.
6 ಪಂದ್ಯಗಳಲ್ಲಿ ಬರೋಡ ತಂಡವನ್ನು ಪ್ರತಿನಿಧಿಸಿದ್ದರು
ಸಮರ್ಜಿತ್ ಸಿನ್ಹ್ ಗಾಯಕ್ವಾಡ್ ವಂಕನೀರ್ ರಾಜಮನೆತನದ ರಾಧಿಕರಾಜೆಯನ್ನು ವಿವಾಹವಾಗಿದ್ದರೆ. ಅವರು ರಣಜಿ ಟ್ರೋಫಿಯಲ್ಲಿ ಬರೋಡಾವನ್ನು ಪ್ರತಿನಿಧಿಸಿದ್ದರು ಮತ್ತು ಅಗ್ರ ಕ್ರಮಾಂಕದ ಬ್ಯಾಟ್ಸ್‌ಮನ್ ಆಗಿ ಆರು ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿದ್ದಾರೆ. ಆದರೆ, ಒಂದೇ ಒಂದು ಬಾರಿ ಅವರು ಭಾರತ ತಂಡವನ್ನು ಪ್ರತಿನಿಧಿಸಲು ಸಾಧ್ಯವಾಗಿರಲಿಲ್ಲ. ಅಂದ ಹಾಗೆ ಒಮ್ಮೆ ಅವರು ಬರೋಡಾ ಕ್ರಿಕೆಟ್ ಸಂಸ್ಥೆಯ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದರು.
20 ಸಾವಿರ ಕೋಟಿ ರೂ. ಪಿತ್ರಾರ್ಜಿತ ಆಸ್ತಿ
ಸಚಿನ್ ತೆಂಡೂಲ್ಕರ್, ವಿರಾಟ್ ಕೊಹ್ಲಿ, ಎಂಎಸ್‌ ಧೋನಿ, ವೀರೇಂದ್ರ ಸೆಹ್ವಾಗ್‌ ಮುಂತಾದವರು ಕ್ರಿಕೆಟ್ ಆಡುವ ಮೂಲಕ ಹಣವನ್ನು ಗಳಿಸಿದರೆ, ಸಮರ್ಜಿತ್ ಸಿನ್ಹ್ ಅವರು ಸಾವಿರಾರು ಕೋಟಿ ಆಸ್ತಿಯನ್ನು ಪಿತ್ರಾರ್ಜಿತವಾಗಿ ಪಡೆದಿದ್ದಾರೆ. ಇದರೊಂದಿಗೆ ಅವರು ನಮ್ಮ ದೇಶದಲ್ಲಿ ಮಾತ್ರವಲ್ಲದೆ ವಿಶ್ವದ ಶ್ರೀಮಂತ ಕ್ರಿಕೆಟಿಗರಾಗಿ ಹೆಸರು ಮಾಡಿದ್ದಾರೆ.