ಆಮೆ ಗತಿಯ ಬ್ಯಾಟಿಂಗ್‌ನಿಂದಲೂ ದಾಖಲೆ ಬರೆದ ಸ್ಟೀವ್‌ ಸ್ಮಿತ್‌!

ಸಿಡ್ನಿ: ಪಾಕಿಸ್ತಾನ ವಿರುದ್ಧದ ಟಿ20 ಕ್ರಿಕೆಟ್‌ ಸರಣಿಯ 2ನೇ ಪಂದ್ಯದಲ್ಲಿ 51 ಎಸೆತಗಳಲ್ಲಿ ಅಜೇಯ 80 ರನ್‌ಗಳನ್ನು ಚಚ್ಚಿ ಅಬ್ಬರಿಸಿದ್ದ ಆಸ್ಟ್ರೇಲಿಯಾದ ಸ್ಟಾರ್‌ ಬ್ಯಾಟ್ಸ್‌ಮನ್‌ ಸ್ಟೀವ್‌ ಸ್ಮಿತ್‌, ಇದೀಗ ಶೆಫೀಲ್ಡ್‌ ಶೀಲ್ಡ್‌ ಟೂರ್ನಿಯಲ್ಲಿ ಆಮೆ ಗತಿಯ ಬ್ಯಾಟಿಂಗ್‌ ಮೂಲಕವೂ ದಾಖಲೆ ಬರೆದಿದ್ದಾರೆ.

ವಿಶ್ವದ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳ ಸಾಲಿನಲ್ಲಿ ಮುಂಚೂಣಿಯಲ್ಲಿ ಕಾಣಿಸಿಕೊಳ್ಳುವ ಆಸ್ಟ್ರೇಲಿಯಾ ಕ್ರಿಕೆಟ್‌ ತಂಡದ ನಾಜಿ ನಾಯಕ ಸ್ಟೀವ್‌ ಸ್ಮಿತ್‌, ಸಿಡ್ನಿ ಕ್ರಿಕೆಟ್‌ ಗ್ರೌಂಡ್‌ನಲ್ಲಿ ನಡೆದ ಪಂದ್ಯದಲ್ಲಿ ವೆಸ್ಟರ್ನ್‌ ಆಸ್ಟ್ರೇಲಿಯಾ ಎದುರು ನ್ಯೂ ಸೌತ್‌ ವೇಲ್ಸ್‌ ಪರ ತಮ್ಮ ವೃತ್ತಿ ಬದುಕಿನ 42ನೇ ಶತಕ ದಾಖಲಿಸಿದರು. ಈ ಶತಕ ಸಲುವಾಗಿ ಅವರು ಎದುರಿಸಿದ್ದು 290 ಎಸೆತಗಳನ್ನು ಎಂಬುದು ವಿಶೇಷ.

ವಿಡಿಯೊದಲ್ಲಿ ಸೆರೆ ಸಿಕ್ಕ ವಿಂಡೀಸ್‌ ಆಟಗಾರನ 'ಬಾಲ್‌ ಟ್ಯಾಂಪರಿಂಗ್' ಮೋಸದಾಟ!

ಸ್ಮಿತ್‌ ಅವರ ಪ್ರಥಮ ದರ್ಜೆ ಕ್ರಿಕೆಟ್‌ ವೃತ್ತಿ ಬದುಕಿನಲ್ಲಿ ದಾಖಲಾದ ಅತ್ಯಂತ ನಿಧಾನ ಗತಿಯ ಶತಕ ಇದಾಗಿದೆ. ಇದಕ್ಕೂ ಮುನ್ನ 2017-18ರಲ್ಲಿ ನಡೆದ ಆಷಸ್‌ ಟೆಸ್ಟ್‌ ಸರಣಿಯ ಮೊದಲ ಪಂದ್ಯದಲ್ಲಿ ಇಂಗ್ಲೆಂಡ್‌ ಎದುರು 261 ಎಸೆತಗಳಲ್ಲಿ ಗಳಿಸಿದ ಶತಕ, ಸ್ಮಿತ್‌ ಅವರ ಅತ್ಯಂತ ನಿಧಾನಗತಿಯ ಶತಕವಾಗಿತ್ತು.

ವಿರಾಟ್‌ ಕೊಹ್ಲಿ, ಸ್ಟೀವ್‌ ಸ್ಮಿತ್‌ ಜೊತೆಗೆ ಪಾಕಿಸ್ತಾನ ಕ್ರಿಕೆಟಿಗನನ್ನು ಹೋಲಿಸಿದ ಮೈಕ್‌ ಹಸ್ಸಿ!

"ಟಿ20 ಕ್ರಿಕೆಟ್‌ ಸರಣಿ ಬಳಿಕ ರೆಡ್‌ ಬಾಲ್‌ ಕ್ರಿಕೆಟ್‌ಗೆ ಮರಳಿದ್ದೇನೆ. ಹೀಗಾಗಿ ಸರಿಯಾದ ಲಯ ಕಂಡುಕೊಳ್ಳುವುದು ಇಲ್ಲಿ ಮುಖ್ಯ. ಅಂದಹಾಗೆ ನನ್ನ ನಿರೀಕ್ಷೆಗಿಂತಲೂ ನಿಧಾನವಾಗಿ ಬ್ಯಾಟ್‌ ಮಾಡಿದ್ದೇನೆ. ಆದರೆ, ಅಲ್ಲೆ ಬ್ಯಾಟ್‌ ಮಾಡುವುದು ನಿಜಕ್ಕೂ ಕಷ್ಟವಾಗಿತ್ತು. ಪಿಚ್‌ ಬಹಳ ಮಂದಗತಿಯದ್ದಾಗಿದೆ. ಇನಿಂಗ್ಸ್‌ ಉದ್ದಕ್ಕೂ ಸ್ಲಿಪ್‌ ಫೀಲ್ಡರ್‌ಗಳಿರಲಿಲ್ಲ. ಹೀಗಾಗಿ ರನ್‌ ಗಳಿಸುವುದು ಕಷ್ಟವಾಗಿತ್ತು. ಆದರೂ ನನ್ನ ಆಟ ಖುಷಿ ಕೊಟ್ಟಿದೆ. ಎದುರಾಳಿ ತಂಡದ ಉತ್ತಮ ಬೌಲಿಂಗ್‌ ಎದುರು ನಾನು ವಿಕೆಟ್‌ ಕೈಚೆಲ್ಲಲಿಲ್ಲ," ಎಂದು 295 ಎಸೆತಗಳಲ್ಲಿ 103 ರನ್‌ ಗಳಿಸಿ ಔಟ್‌ ಆದ ಬಳಿಕ ಮಾತನಾಡಿದ ಸ್ನಿತ್‌ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

2020ರ ಟಿ20 ವಿಶ್ವಕಪ್‌ಗೆ ಟೀಮ್‌ ಇಂಡಿಯಾದ ಭವಿಷ್ಯ ನುಡಿದ ಶೊಯೇಬ್‌ ಅಖ್ತರ್‌!

ಸ್ಮಿತ್‌ ಶತಕದ ಬಲದಿಂದ ನ್ಯೂ ಸೌತ್‌ ವೇಲ್ಸ್‌ ತಂಡ 8 ವಿಕೆಟ್‌ಗೆ 444 ರನ್‌ಗಳನ್ನು ಗಳಿಸಿದೆ.

ವಿಶ್ವಕಪ್‌ ಬಳಿಕ ಇಂಗ್ಲೆಂಡ್‌ ಆತಿಥ್ಯದಲ್ಲಿ ನಡೆದ ಆಷಸ್‌ ಟೆಸ್ಟ್‌ ಸರಣಿಯಲ್ಲಿ ಅಬ್ಬರಿಸಿದ್ದ ಸ್ಮಿತ್‌ ಆಡಿದ 7 ಇನಿಂಗ್ಸ್‌ಗಳಲ್ಲಿ 11.57ರ ಬ್ಯಾಟಿಂಗ್‌ ಸರಾಸರಿಯೊಂದಿಗೆ 774 ರನ್‌ಗಳನ್ನು ಬಾರಿಸಿದ್ದರು. ಇದೀಗ ಆಸ್ಟ್ರೇಲಿಯಾ ಮತ್ತು ಪಾಕಿಸ್ತಾನ ತಂಡಗಳು ಐಸಿಸಿ ಟೆಸ್ಟ್‌ ಚಾಂಪಿಯನ್‌ಷಿಪ್‌ ಭಾಗವಾಗಿ 2 ಪಂದ್ಯಗಳ ಟೆಸ್ಟ್‌ ಕ್ರಿಕೆಟ್‌ ಸರಣಿಯನ್ನು ಆಡಲು ಸಜ್ಜಾಗುತ್ತಿದ್ದು, ಮೊದಲ ಪಂದ್ಯ ನವೆಂಬರ್‌ 21ರಂದು ಗಬ್ಬಾದಲ್ಲಿ ಆರಂಭವಾಗಲಿದೆ.