73 ವರ್ಷ ಹಳೆಯ ದಾಖಲೆ ಮುರಿದ ಸ್ಮಿತ್
ಪಾಕಿಸ್ತಾನ ವಿರುದ್ಧ ಆಡಿಲೇಡ್ ಓವಲ್‌ನಲ್ಲಿ ನಡೆಯುತ್ತಿರುವ ಪಿಂಕ್ ಬಾಲ್ ಡೇ ನೈಟ್ ಟೆಸ್ಟ್ ಪಂದ್ಯದಲ್ಲಿ ಸ್ಟೀವ್ ಸ್ಮಿತ್ ಈ ಸ್ಮರಣೀಯ ಸಾಧನೆ ಮಾಡಿದ್ದಾರೆ. ಇದರೊಂದಿಗೆ 73 ವರ್ಷದ ಹಳೆಯ ದಾಖಲೆಯನ್ನು ಮುರಿದಿದ್ದಾರೆ. 1946ನೇ ಇಸವಿಯಲ್ಲಿ ಇಂಗ್ಲೆಂಡ್‌ನ ವ್ಯಾಲಿ ಹಮ್ಮಂಡ್ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ವೇಗದ 7000 ರನ್ ದಾಖಲೆ ಬರೆದಿದ್ದರು.
ಬ್ರಾಡ್ಮನ್ ಮೀರಿಸಿದ ಸ್ಮಿತ್
30ರ ಹರೆಯದ ಸ್ಮಿತ್, ತಮ್ಮದೇ ದೇಶದ ಮಾಜಿ ಬ್ಯಾಟಿಂಗ್ ದಿಗ್ಗಜ ಸರ್ ಡಾನ್ ಬ್ರಾಡ್ಮನ್ ದಾಖಲೆಯನ್ನು ಮುರಿದಿದ್ದು, ಆಸೀಸ್‌ ಪರ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ 11ನೇ ಬ್ಯಾಟ್ಸ್‌ಮನ್ ಎಂಬ ಹಿರಿಮೆಗೆ ಭಾಜನವಾಗಿದ್ದಾರೆ.
ಸಚಿನ್, ಸೆಹ್ವಾಗ್, ಕೊಹ್ಲಿ ಹಿಂದಿಕ್ಕಿದ ಸ್ಮಿತ್
ಅದೇ ಹೊತ್ತಿಗೆ ಭಾರತದ ಮಾಜಿ ಬ್ಯಾಟಿಂಗ್ ಐಕಾನ್ ಸಚಿನ್ ತೆಂಡೂಲ್ಕರ್, ವೀರೇಂದ್ರ ಸೆಹ್ವಾಗ್ ಜತೆಗೆ ಸಮಕಾಲೀನ ಕಪ್ತಾನ ವಿರಾಟ್ ಕೊಹ್ಲಿ ದಾಖಲೆಯನ್ನು ಸ್ಟೀವ್ ಸ್ಮಿತ್ ಮುರಿದಿದ್ದಾರೆ. ತಮ್ಮ 126ನೇ ಇನ್ನಿಂಗ್ಸ್‌ನಲ್ಲಿ ಸ್ಟೀವ್ ಸ್ಮಿತ್ 7000 ರನ್ ದಾಖಲೆ ಬರೆದಿದ್ದಾರೆ.
ಟೆಸ್ಟ್‌ನಲ್ಲಿ ಅತಿ ವೇಗದಲ್ಲಿ 7000 ರನ್ ದಾಖಲೆ (ಇನ್ನಿಂಗ್ಸ್)
ಸ್ಟೀವ್ ಸ್ಮಿತ್: 126
ವಾಲ್ಟರ್ ಹಮ್ಮಂಡ್: 131
ವೀರೇಂದ್ರ ಸೆಹ್ವಾಗ್: 134
ಸಚಿನ್ ತೆಂಡೂಲ್ಕರ್: 136
ವಿರಾಟ್ ಕೊಹ್ಲಿ/ಕುಮಾರ ಸಂಗಕ್ಕರ/ಗ್ಯಾರಿ ಸೋಬರ್ಸ್: 138
ಆಸ್ಟ್ರೇಲಿಯಾ ಪರ ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ರನ್ ಸಾಧನೆ:
ರಿಕಿ ಪಾಂಟಿಂಗ್: 13378
ಅಲನ್ ಬಾರ್ಡರ್: 11174
ಸ್ಟೀವ್ ವ್ಹಾ: 10927
ಮೈಕಲ್ ಕ್ಲಾರ್ಕ್: 8643
ಮ್ಯಾಥ್ಯೂ ಹೇಡನ್: 8625
ಮಾರ್ಕ್ ವ್ಹಾ: 8029
ಜಸ್ಟಿನ್ ಲ್ಯಾಂಗರ್: 7696
ಮಾರ್ಕ್ ಟೇಲರ್: 7525
ಡೇವಿಡ್ ಬೂನ್: 7422
ಗ್ರೇಗ್ ಚಾಪೆಲ್: 7110
ಸ್ಟೀವ್ ಸ್ಮಿತ್: 7013*
ಡಾನ್ ಬ್ರಾಡ್ಮನ್: 6996
ಡೇವಿಡ್ ವಾರ್ನರ್: 6947*