"ನೆಟ್ಸ್ನಲ್ಲಿ ಕೆಟ್ಟ ಆಟಗಾರ, ಮ್ಯಾಚ್ನಲ್ಲಿ ಅದ್ಭುತ ಕಲೆಗಾರ'' : ಮಾಜಿ ನಾಯಕನನ್ನು ಶ್ಲಾಘಿಸಿದ ಕಿರಣ್ ಮೋರೆ!
ಭಾರತೀಯ ಕ್ರಿಕೆಟ್ ಕಂಡ ಶ್ರೆಷ್ಠ ಬ್ಯಾಟ್ಸ್ಮನ್ ಸುನೀಲ್ ಗವಾಸ್ಕರ್. ಆದರೆ, ಅವರನ್ನು ನೆಟ್ಸ್ನಲ್ಲಿ ತಾನು ನೋಡಿದ ಅತ್ಯಂತ ಕೆಟ್ಟ ಆಟಗಾರ ಎಂದು ಟೀಕಿಸಿದ ಮಾಜಿ ವಿಕೆಟ್ ಕೀಪರ್ ಕಿರಣ್ ಮೋರೆ, ಮಾಜಿ ನಾಯಕನ ಪಂದ್ಯದ ಪ್ರದರ್ಶನದ ಬಗ್ಗೆ ಗುಣಗಾನ ಮಾಡಿದ್ದಾರೆ.
Vijaya Karnataka Web 4 Jul 2020, 1:31 pm
ಹೈಲೈಟ್ಸ್:
- ಸುನೀಲ್ ಗವಾಸ್ಕರ್ರನ್ನು ಶ್ಲಾಘಿಸಿದ ಕಿರಣ್ ಮೋರೆ
- ನೆಟ್ಸ್ನಲ್ಲಿ ಗವಾಸ್ಕರ್ ಅತ್ಯಂತ ಕೆಟ್ಟ ಆಟಗಾರ: ಮೋರೆ
- ಮಾಜಿ ನಾಯಕನ ಏಕಾಗ್ರತೆ ದೇವರ ಕೊಟ್ಟ ಕೊಡುಗೆ
ಹೊಸದಿಲ್ಲಿ: ಭಾರತ ತಂಡದ ಮಾಜಿ ನಾಯಕ ಸುನೀಲ್ ಗವಾಸ್ಕರ್ ಅವರ ಪಂದ್ಯದ ಹಾಗೂ ನೆಟ್ಸ್ನಲ್ಲಿನ ವ್ಯತಿರಿಕ್ತ ಪ್ರದರ್ಶನದ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿರುವ ಮಾಜಿ ವಿಕೆಟ್ ಕೀಪರ್ ಕಿರಣ್ ಮೋರೆ, ಬಲಗೈ ಬ್ಯಾಟ್ಸ್ಮನ್ನ ಶ್ರೇಷ್ಠತೆಯ ಕುರಿತು ಶ್ಲಾಘಿಸಿದ್ದಾರೆ. ಭಾರತೀಯ ಕ್ರಿಕೆಟ್ನಲ್ಲಿಯೇ ಟೆಸ್ಟ್ ಕ್ರಿಕೆಟ್ನಲ್ಲಿ 10 ಸಾವಿರಕ್ಕೂ ಅಧಿಕ ರನ್ ಗಳಿಸಿದ ಮೊದಲ ಬ್ಯಾಟ್ಸ್ಮನ್ ಎಂಬ ಸಾಧನೆ ಸುನೀಲ್ ಗವಾಸ್ಕರ್ ಅವರ ಹೆಸರಿನಲ್ಲಿದೆ. ಅವರು 125 ಪಂದ್ಯಗಳಿಂದ 34 ಶತಕಗಳೊಂದಿಗೆ 10,122 ರನ್ ಗಳಿಸಿದ್ದಾರೆ. ಆ ಮೂಲಕ ಭಾರತದ ಶ್ರೆಷ್ಠ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಭಾಜನರಾಗಿದ್ದಾರೆ.
ಸುನೀಲ್ ಗವಾಸ್ಕರ್ ಅವರೊಂದಿಗೆ ಕಿರಣ್ ಮೋರೆ, ಭಾರತ ತಂಡಕ್ಕೆ ಸುಮಾರು 4 ವರ್ಷಗಳ ಕಾಲ ಆಡಿದ್ದಾರೆ. ಈ ಅವಧಿಯಲ್ಲಿ ಸುನೀಲ್ ಗವಾಸ್ಕರ್ ಬ್ಯಾಟಿಂಗ್ ಅನ್ನು ಬಹಳ ಹತ್ತಿರದಿಂದ ವೀಕ್ಷಿಸಿದ್ದಾರೆ. ಗವಾಸ್ಕರ್ ನೆಟ್ಸ್ನಲ್ಲಿ ಬ್ಯಾಟಿಂಗ್ ಮಾಡುವಾಗ ತುಂಬಾ ಪರದಾಡುತ್ತಾರೆ, ಆದರೆ, ಪಂದ್ಯದಲ್ಲಿ ಎದುರಾಳಿ ತಂಡದ ವಿರುದ್ಧ ರನ್ ಹೊಳೆಯನ್ನೇ ಹರಿಸುತ್ತಾರೆ ಎಂಬ ಅಂಶವನ್ನು ಬಹಿರಂಗಪಡಿಸಿದರು.
ತಮ್ಮ ಫೇವರಿಟ್ ವರ್ಕ್ಔಟ್ ಯಾವುದೆಂದು ಬಹಿರಂಗ ಪಡಿಸಿದ ವಿರಾಟ್ ಕೊಹ್ಲಿ!
"ನೆಟ್ಸ್ನಲ್ಲಿ ನಾನು ನೋಡಿದ ಅತ್ಯಂತ ಕೆಟ್ಟ ಆಟಗಾರ ಎಂದರೆ ಅದು ಸುನೀಲ್ ಗವಾಸ್ಕರ್" ಎಂದು ದಿಗ್ಗಜನ್ನು ಟೀಕಿಸಿದ ಕಿರಣ್ ಮೋರೆ, "ಅವರು ನೆಟ್ಸ್ನಲ್ಲಿ ಅಭ್ಯಾಸ ಮಾಡಿದಂತೆ ಕಾಣಿಸುತ್ತಿರಲಿಲ್ಲ. ಅವರನ್ನು ನೀವು ನೆಟ್ಸ್ನಲ್ಲಿ ನೋಡಿದ್ದಕ್ಕಿಂತ ಪಂದ್ಯದಲ್ಲಿ ವಿಭಿನ್ನರಾಗಿರುತ್ತಾರೆ. ನೆಟ್ಸ್ನಲ್ಲಿ ಬೌಲರ್ಗಳಿಗೆ ತುಂಬಾ ಪರದಾಡುತ್ತಾರೆ. ಆದರೆ, ಪಂದ್ಯದಲ್ಲಿ ಶೇ. 99.9 ರಷ್ಟು ವಿಭಿನ್ನರಾಗಿ ಕಾಣುತ್ತಾರೆ. ನೆಟ್ಸ್ನಲ್ಲಿ ಅವರನ್ನು ನೋಡಿದಾಗ, ಇವರು ಹೇಗೆ ಪಂದ್ಯ ಆಡುತ್ತಾರೆ ಎಂದೆನಿಸುತ್ತದೆ. ಅದರ ಮುಂದಿನ ದಿನ ಪಂದ್ಯದಲ್ಲಿ ಅವರ ಬ್ಯಾಟಿಂಗ್ ನೋಡಿದಾಗ 'ಅದ್ಬುತ' ಎಂದೆನಿಸುತ್ತದೆ.," ಎಂದು ಗುಣಗಾನ ಮಾಡಿದರು.
ಸುನೀಲ್ ಗವಾಸ್ಕರ್ ತಮ್ಮ ಅತ್ಯದ್ಬುತ ಏಕಾಗ್ರತೆಯಿಂದ ಪಂದ್ಯದಲ್ಲಿ ಸಾಕಷ್ಟು ರನ್ಗಳನ್ನು ಗಳಿಸುತ್ತಾರೆ ಹಾಗೂ ದೊಡ್ಡ ಶತಕಗಳನ್ನು ಬಾರಿಸುತ್ತಾರೆ. ಅವರೊಬ್ಬ ಅದ್ಭುತ ಆರಂಭಿಕ ಬ್ಯಾಟ್ಸ್ಮನ್ ಹಾಗೂ ಸಾರ್ವಕಾಲಿಕ ಶ್ರೇಷ್ಠ ಬ್ಯಾಟ್ಸ್ಮನ್. ಬಲಗೈ ಬ್ಯಾಟ್ಸ್ಮನ್ ಹೆಚ್ಚು ಕಮ್ಮಿ ವಿಶ್ವದ ಎಲ್ಲಾ ಮಾರಕ ವೇಗಿಗಳನ್ನು ಎದುರಿಸಿದ್ದಾರೆ. ಡೆನಿಸ್ ಲಿಲ್ಲಿ ಹಾಗೂ ಜೆಫ್ ಥಾಮ್ಸನ್ ಸೇರಿದಂತೆ ಶ್ರೇಷ್ಠ ಬೌಲರ್ಗಳಿಗೆ ಹೆಲ್ಮೇಟ್ ಇಲ್ಲದೆ ದಿಟವಾಗಿ ಎದುರಿಸುತ್ತಿದ್ದರು.
ಭಾರತ ತಂಡದ ಮಾಜಿ ವೇಗಿ ಮುನಾಫ್ ಪಟೇಲ್ಗೆ ಎದುರಾದ ಕಾನೂನು ಕಂಟಕ!
"ಏಕಾಗ್ರತೆ ಸುನೀಲ್ ಗವಾಸ್ಕರ್ಗೆ ದೇವರ ನೀಡಿರುವ ಕೊಡುಗೆ. ಅವರಲ್ಲಿರುವ ಏಕಾಗ್ರತೆ ನಂಬಲು ಅಸಾಧ್ಯವಾದಂತದ್ದು. ಅವರಿಗೆ ಯಾರೂ ಸರಿಸಾಟಿ ಇರಲಿಲ್ಲ ಹಾಗೂ ಯಾರ ಮಾತನ್ನು ಗವಾಸ್ಕರ್ ಕೇಳುವ ಸ್ಥಿತಿಯಲ್ಲಿ ಇರಲಿಲ್ಲ. ನೀವು ಅವರ ಪಕ್ಕದಲ್ಲಿ ನೃತ್ಯ ಮಾಡುತ್ತಿದ್ದರೆ ಅಥವಾ ಮಾತನಾಡುತ್ತಿದ್ದರೆ, ಗವಾಸ್ಕರ್ ಅವರದೇ ಆದ ಲೋಕದಲ್ಲಿ ಇರುತ್ತಿದ್ದರು. ಸದಾ ಕ್ರಿಕೆಟ್ ಬಗ್ಗೆ ಯೋಚನೆ ಮಾಡುತ್ತಿದ್ದರು," ಎಂದು ಮಾಜಿ ವಿಕೆಟ್ ಕೀಪರ್ ಕೀರಣ್ ಮೋರೆ ಉಲ್ಲೇಖಿಸಿದರು.
ಸುನೀಲ್ ಗವಾಸ್ಕರ್ ಅವರೊಂದಿಗೆ ಕಿರಣ್ ಮೋರೆ, ಭಾರತ ತಂಡಕ್ಕೆ ಸುಮಾರು 4 ವರ್ಷಗಳ ಕಾಲ ಆಡಿದ್ದಾರೆ. ಈ ಅವಧಿಯಲ್ಲಿ ಸುನೀಲ್ ಗವಾಸ್ಕರ್ ಬ್ಯಾಟಿಂಗ್ ಅನ್ನು ಬಹಳ ಹತ್ತಿರದಿಂದ ವೀಕ್ಷಿಸಿದ್ದಾರೆ. ಗವಾಸ್ಕರ್ ನೆಟ್ಸ್ನಲ್ಲಿ ಬ್ಯಾಟಿಂಗ್ ಮಾಡುವಾಗ ತುಂಬಾ ಪರದಾಡುತ್ತಾರೆ, ಆದರೆ, ಪಂದ್ಯದಲ್ಲಿ ಎದುರಾಳಿ ತಂಡದ ವಿರುದ್ಧ ರನ್ ಹೊಳೆಯನ್ನೇ ಹರಿಸುತ್ತಾರೆ ಎಂಬ ಅಂಶವನ್ನು ಬಹಿರಂಗಪಡಿಸಿದರು.
ತಮ್ಮ ಫೇವರಿಟ್ ವರ್ಕ್ಔಟ್ ಯಾವುದೆಂದು ಬಹಿರಂಗ ಪಡಿಸಿದ ವಿರಾಟ್ ಕೊಹ್ಲಿ!
"ನೆಟ್ಸ್ನಲ್ಲಿ ನಾನು ನೋಡಿದ ಅತ್ಯಂತ ಕೆಟ್ಟ ಆಟಗಾರ ಎಂದರೆ ಅದು ಸುನೀಲ್ ಗವಾಸ್ಕರ್" ಎಂದು ದಿಗ್ಗಜನ್ನು ಟೀಕಿಸಿದ ಕಿರಣ್ ಮೋರೆ, "ಅವರು ನೆಟ್ಸ್ನಲ್ಲಿ ಅಭ್ಯಾಸ ಮಾಡಿದಂತೆ ಕಾಣಿಸುತ್ತಿರಲಿಲ್ಲ. ಅವರನ್ನು ನೀವು ನೆಟ್ಸ್ನಲ್ಲಿ ನೋಡಿದ್ದಕ್ಕಿಂತ ಪಂದ್ಯದಲ್ಲಿ ವಿಭಿನ್ನರಾಗಿರುತ್ತಾರೆ. ನೆಟ್ಸ್ನಲ್ಲಿ ಬೌಲರ್ಗಳಿಗೆ ತುಂಬಾ ಪರದಾಡುತ್ತಾರೆ. ಆದರೆ, ಪಂದ್ಯದಲ್ಲಿ ಶೇ. 99.9 ರಷ್ಟು ವಿಭಿನ್ನರಾಗಿ ಕಾಣುತ್ತಾರೆ. ನೆಟ್ಸ್ನಲ್ಲಿ ಅವರನ್ನು ನೋಡಿದಾಗ, ಇವರು ಹೇಗೆ ಪಂದ್ಯ ಆಡುತ್ತಾರೆ ಎಂದೆನಿಸುತ್ತದೆ. ಅದರ ಮುಂದಿನ ದಿನ ಪಂದ್ಯದಲ್ಲಿ ಅವರ ಬ್ಯಾಟಿಂಗ್ ನೋಡಿದಾಗ 'ಅದ್ಬುತ' ಎಂದೆನಿಸುತ್ತದೆ.," ಎಂದು ಗುಣಗಾನ ಮಾಡಿದರು.
ಸುನೀಲ್ ಗವಾಸ್ಕರ್ ತಮ್ಮ ಅತ್ಯದ್ಬುತ ಏಕಾಗ್ರತೆಯಿಂದ ಪಂದ್ಯದಲ್ಲಿ ಸಾಕಷ್ಟು ರನ್ಗಳನ್ನು ಗಳಿಸುತ್ತಾರೆ ಹಾಗೂ ದೊಡ್ಡ ಶತಕಗಳನ್ನು ಬಾರಿಸುತ್ತಾರೆ. ಅವರೊಬ್ಬ ಅದ್ಭುತ ಆರಂಭಿಕ ಬ್ಯಾಟ್ಸ್ಮನ್ ಹಾಗೂ ಸಾರ್ವಕಾಲಿಕ ಶ್ರೇಷ್ಠ ಬ್ಯಾಟ್ಸ್ಮನ್. ಬಲಗೈ ಬ್ಯಾಟ್ಸ್ಮನ್ ಹೆಚ್ಚು ಕಮ್ಮಿ ವಿಶ್ವದ ಎಲ್ಲಾ ಮಾರಕ ವೇಗಿಗಳನ್ನು ಎದುರಿಸಿದ್ದಾರೆ. ಡೆನಿಸ್ ಲಿಲ್ಲಿ ಹಾಗೂ ಜೆಫ್ ಥಾಮ್ಸನ್ ಸೇರಿದಂತೆ ಶ್ರೇಷ್ಠ ಬೌಲರ್ಗಳಿಗೆ ಹೆಲ್ಮೇಟ್ ಇಲ್ಲದೆ ದಿಟವಾಗಿ ಎದುರಿಸುತ್ತಿದ್ದರು.
ಭಾರತ ತಂಡದ ಮಾಜಿ ವೇಗಿ ಮುನಾಫ್ ಪಟೇಲ್ಗೆ ಎದುರಾದ ಕಾನೂನು ಕಂಟಕ!
"ಏಕಾಗ್ರತೆ ಸುನೀಲ್ ಗವಾಸ್ಕರ್ಗೆ ದೇವರ ನೀಡಿರುವ ಕೊಡುಗೆ. ಅವರಲ್ಲಿರುವ ಏಕಾಗ್ರತೆ ನಂಬಲು ಅಸಾಧ್ಯವಾದಂತದ್ದು. ಅವರಿಗೆ ಯಾರೂ ಸರಿಸಾಟಿ ಇರಲಿಲ್ಲ ಹಾಗೂ ಯಾರ ಮಾತನ್ನು ಗವಾಸ್ಕರ್ ಕೇಳುವ ಸ್ಥಿತಿಯಲ್ಲಿ ಇರಲಿಲ್ಲ. ನೀವು ಅವರ ಪಕ್ಕದಲ್ಲಿ ನೃತ್ಯ ಮಾಡುತ್ತಿದ್ದರೆ ಅಥವಾ ಮಾತನಾಡುತ್ತಿದ್ದರೆ, ಗವಾಸ್ಕರ್ ಅವರದೇ ಆದ ಲೋಕದಲ್ಲಿ ಇರುತ್ತಿದ್ದರು. ಸದಾ ಕ್ರಿಕೆಟ್ ಬಗ್ಗೆ ಯೋಚನೆ ಮಾಡುತ್ತಿದ್ದರು," ಎಂದು ಮಾಜಿ ವಿಕೆಟ್ ಕೀಪರ್ ಕೀರಣ್ ಮೋರೆ ಉಲ್ಲೇಖಿಸಿದರು.