ಬೌಂಡರಿ ಕೌಂಟ್ ನಿಯಮಕ್ಕೆ ಬ್ರೇಕ್; ಕಿವೀಸ್ ಆಟಗಾರನಿಂದಲೇ ಟ್ರೋಲ್‌ಗೆ ಗುರಿಯಾದ ಐಸಿಸಿ

ಹೊಸದಿಲ್ಲಿ: ಐಸಿಸಿ 2019 ವಿವಾದಾತ್ಮಕ ಫೈನಲ್ ಪಂದ್ಯದಲ್ಲಿ ಬೌಂಡರಿ ಲೆಕ್ಕಾಚಾರದಲ್ಲಿ ನ್ಯೂಜಿಲೆಂಡ್ ಮಣಿಸಿದ ಇಂಗ್ಲೆಂಡ್ ಚೊಚ್ಚಲ ಬಾರಿಗೆ ವಿಶ್ವಕಪ್‌ಗೆ ಮುತ್ತಿಕ್ಕಿತು.

ಜುಲೈ 14ರಂದು ನಡೆದ ಫೈನಲ್ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ನ್ಯೂಜಿಲೆಂಡ್ ಎಂಟು ವಿಕೆಟ್ ನಷ್ಟಕ್ಕೆ 241 ರನ್ ಗಳಿಸಿತ್ತು. ಬಳಿಕ ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ 50 ಓವರ್‌ಗಳಿಗೆ ಅಷ್ಟೇ ರನ್‌ಗಳಿಗೆ ಆಲೌಟ್ ಆಗಿತ್ತು. ಬಳಿಕ ಸೂಪರ್ ಓವರ್‌ನಲ್ಲೂ ಇತ್ತಂಡಗಳು 15 ರನ್ ಗಳಿಸಿದ ಪರಿಣಾಮ ಪಂದ್ಯ ಎರಡನೇ ಬಾರಿಗೆ ರೋಚಕ ಟೈ ಕಂಡಿತ್ತು.

ಕೆಟ್ಟಮೇಲೆ ಬುದ್ಧಿಬಂತು, ವಿಶ್ವಕಪ್‌ ನಿರ್ಧರಿಸಿದ ಬೌಂಡರಿ ಕೌಂಟ್‌ ನಿಯಮಕ್ಕೆ ಕೊನೆಗೂ ಎಳ್ಳು ನೀರು!

ಆದರೆ ಪಂದ್ಯದಲ್ಲಿ ಅತಿ ಹೆಚ್ಚು ಬೌಂಡರಿ (ಸಿಕ್ಸರ್ ಸೇರಿದಂತೆ) ಲೆಕ್ಕಾಚಾರದ ಆಧಾರದಲ್ಲಿ ಇಂಗ್ಲೆಂಡ್ ತಂಡವನ್ನು ವಿಜಯಿಯೆಂದು ಘೋಷಿಸಲಾಯಿತು. ಐಸಿಸಿ ಈ ನಿಯಮವು ಸಾಕಷ್ಟು ಟೀಕೆಗೆ ಗುರಿಯಾಗಿದೆ. ಕೊನೆಗೂ ತನ್ನ ನಿಮಯವನ್ನು ಬದಲಾಯಿಸಲು ಐಸಿಸಿ ಮುಂದಾಗಿದೆ. ಹೊಸ ನಿಮಯದ ಪ್ರಕಾರ ಫಲಿತಾಂಶ ದೊರೆಯುವ ವರೆಗೂ ಸೂಪರ್ ಓಪರ್ ಆಟವನ್ನು ಮುಂದುವರಿಸಲಾಗುವುದು.

ಪಂದ್ಯ ಹಾಗೂ ಸೂಪರ್ ಓಪರ್ ಟೈ ಆದಾಗ ಈ ನಿಮಯವನ್ನು ಬಳಕೆ ಮಾಡಲಾಗಿತ್ತು. ಇದರಿಂದ ನ್ಯೂಜಿಲೆಂಡ್‌ಗೆ ಚೊಚ್ಚಲ ವಿಶ್ವಕಪ್ ಗೆಲುವು ಕೈತಪ್ಪಿತು. ಅಲ್ಲದೆ ಸತತವಾಗಿ ಎರಡನೇ ಬಾರಿಗೆ ಏಕದಿನ ವಿಶ್ವಕಪ್‌ನಲ್ಲಿ ರನ್ನರ್ ಅಪ್ ಪ್ರಶಸ್ತಿಗೆ ತೃಪ್ತಿಪಡಬೇಕಾಯಿತು.

ಗಂಗೂಲಿ ಬಿಸಿಸಿಐ ನೂತನ ಬಾಸ್; ರವಿ ಶಾಸ್ತ್ರಿಗೆ ನಡುಕ ಸೃಷ್ಟಿಯಾಗಲು ಕಾರಣ ಏನು?

ಪ್ರಸ್ತುತ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ವಿರುದ್ಧ ನ್ಯೂಜಿಲೆಂಡ್ ಆಟಗಾರ ಜೇಮ್ಸ್ ನಿಶಮ್ ತಿರುಗಿ ಬಿದ್ದಿದ್ದಾರೆ. ಅಲ್ಲದೆ ಐಸಿಸಿ ವ್ಯಂಗ್ಯ ಮಾಡುವ ಮೂಲಕ ತಮ್ಮ ಆಕ್ರೋಶವನ್ನು ತೋಡಿಕೊಂಡಿದ್ದಾರೆ.

ಇದೇ ಪಂದ್ಯದಲ್ಲಿ ಇಂಗ್ಲೆಂಡ್‌ಗೆ ಓವರ್‌ಥ್ರೋಗಾಗಿ ಆರು ರನ್‌ಗಳನ್ನು ದಯಪಾಲಿಸಲಾಗಿತ್ತು. ಇಂಗ್ಲೆಂಡ್ ಬ್ಯಾಟ್ಸ್‌ಮನ್ ಬೆನ್ ಸ್ಟೋಕ್ಸ್ ದೇಹಕ್ಕೆ ತಾಗಿದ ಚೆಂಡು ನೇರವಾಗಿ ಬೌಂಡರಿ ಗೆರೆ ದಾಟಿತ್ತು. ಬಳಿಕ ಗರಿಷ್ಠ ಐದು ರನ್‌ಗಳನ್ನಷ್ಟೇ ದಯಪಾಲಿಸಬೇಕಿತ್ತು ಎಂದು ಅಂಪೈರ್ ಕುಮಾರ ಧರ್ಮಸೇನಾ ತಪ್ಪೊಪ್ಪಿಕೊಂಡಿದ್ದರು.