ರೈನಾ ಅಧ್ಬುತ ಕ್ಯಾಚ್; ಬ್ಯಾಟ್‌ನಲ್ಲೂ ಮಿಂಚು

ಕೊಲಂಬೊ: ಕಳೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಟ್ವೆಂಟಿ-20 ಸರಣಿ ವೇಳೆಗೆ ಟೀಮ್ ಇಂಡಿಯಾಕ್ಕೆ ಭರ್ಜರಿ ಪುನರಾಗಮನ ಮಾಡಿಕೊಂಡಿರುವ ಭಾರತೀಯ ಆಲ್‌ರೌಂಡರ್ ಆಟಗಾರ ಸುರೇಶ್ ರೈನಾ, ಪ್ರಸ್ತುತ ಕೊಲಂಬೊದಲ್ಲಿ ಸಾಗುತ್ತಿರುವ ನಿಧಹಸ್ ತ್ರಿಕೋನ ಟ್ವೆಂಟಿ-20 ಸರಣಿಯಲ್ಲೂ ಗಮನಾರ್ಹ ಪ್ರದರ್ಶನವನ್ನು ಮುಂದುವರಿಸಿದ್ದಾರೆ.

ಕೆಲವು ಸಮಯಗಳ ಹಿಂದಿನ ವರೆಗೂ ಫಿಟ್ನೆಸ್ ಹಾಗೂ ಕಳಪೆ ಫಾರ್ಮ ಹಿನ್ನಲೆಯಲ್ಲಿ ರೈನಾ ಅವರನ್ನು ತಂಡದಿಂದ ಕೈಬಿಡಲಾಗಿತ್ತು. ಆದರೆ ಇದೀಗ ಭರ್ಜರಿ ಕಮ್‌ಬ್ಯಾಕ್ ಮಾಡಿರುವ ರೈನಾ ಬ್ಯಾಟ್, ಬಾಲ್ ಹಾಗೂ ಫೀಲ್ಡಿಂಗ್ ಮೂಲಕ ತಮ್ಮ ಅಮೋಘ ಸೇವೆಯನ್ನು ನೀಡುತ್ತಿದ್ದಾರೆ.

ಶ್ರೀಲಂಕಾ ವಿರುದ್ಧ ಸೋಮವಾರ ನಡೆದ ಪಂದ್ಯದಲ್ಲಿ ಭಾರತ ಆರು ವಿಕೆಟುಗಳ ಅಂತರದ ಗೆಲುವು ದಾಖಲಿಸಿದೆ. ಆದರೆ ಮಗದೊಮ್ಮೆ ಮಿಂಚಿನ ಫೀಲ್ಡಿಂಗ್ ನಡೆಸಿರುವ ರೈನಾ ಅದ್ಭುತ ಕ್ಯಾಚ್ ಹಿಡಿಯುವ ಮೂಲಕ ಗಮನ ಸೆಳೆದಿದ್ದಾರೆ.

What a catch by Suresh Raina...🎱 @ImRaina rocks... Mind blowing, fantastic, superb🤘🏏#SLvIND #INDvsSL pic.twitter.com/ZlEdRKU8cO — Vikash Gupta (@DigitalBaniya) March 12, 2018 ಶ್ರೀಲಂಕಾ ಇನ್ನಿಂಗ್ಸ್‌ನಲ್ಲಿ ಶಾರ್ದೂಲ್ ಠಾಕೂರ್ ಎಸೆದ ಪಂದ್ಯದ ಮೂರನೇ ಓವರ್‌ನಲ್ಲಿ ಉತ್ತಮವಾಗಿ ಆಡುತ್ತಿದ್ದ ಧನುಷ್ಕಾ ಗುಣತಿಲಕ (17) ಕ್ಯಾಚ್‌ನ್ನು ರೈನಾ ಡೈವ್ ಮಾಡುವ ಮೂಲಕ ಹಿಡಿದಿದ್ದರು.

ಬಳಿಕ ಬ್ಯಾಟಿಂಗ್‌ನಲ್ಲೂ ಮಿಂಚಿದ ರೈನಾ ಕೇವಲ 15 ಎಸೆತಗಳಲ್ಲಿ ಬಿರುಸಿನ 27 ರನ್ ಗಳಿಸಿದ್ದರು. ಇದರಲ್ಲಿ ತಲಾ ಎರಡು ಬೌಂಡರಿ ಹಾಗೂ ಸಿಕ್ಸರ್‌ಗಳು ಸೇರಿದ್ದವು.