ನಾಲ್ಕು ದಿನಗಳ ಟೆಸ್ಟ್: ಮೊದಲ ದಿನ ಭಾರತ 'ಎ' 340 ರನ್
ಮೌಂಟ್ ಮೌಂಗಾನುಯಿ (ನ್ಯೂಜಿಲೆಂಡ್) : ಹಿರಿಯ ಆಟಗಾರರಾದ ಮುರಳಿ ವಿಜಯ್ (28) ಮತ್ತು ಅಜಿಂಕ್ಯ ರಹಾನೆ (12) ಅವರ ಬ್ಯಾಟಿಂಗ್ ವೈಫಲ್ಯದ ನಡುವೆಯೂ ಯುವ ಪ್ರತಿಭೆಗಳಾದ ಪೃಥ್ವಿ ಶಾ ಮತ್ತು ಹನುಮ ವಿಹಾರಿ ಅವರ ಅರ್ಧಶತಕಗಳ ನೆರವಿನಿಂದ ಭಾರತ 'ಎ' ತಂಡ ಇಲ್ಲಿ ನಡೆಯುತ್ತಿರುವ ನಾಲ್ಕು ದಿನಗಳಾವಧಿಯ ಮೊದಲ ಟೆಸ್ಟ್ನಲ್ಲಿ ನ್ಯೂಜಿಲೆಂಡ್ 'ಎ' ತಂಡದ ವಿರುದ್ಧ ದೊಡ್ಡ ಮೊತ್ತದತ್ತ ದಾಪುಗಾಲಿಟ್ಟಿದೆ.
ಇಲ್ಲಿನ ಬೇ ಓವಲ್ ಕ್ರೀಡಾಂಗಣದಲ್ಲಿ ಶುಕ್ರವಾರ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಭಾರತ 'ಎ' ತಂಡ ಮೊದಲ ದಿನದಾಟದ ಮುಕ್ತಾಯಕ್ಕೆ 89.4 ಓವರ್ಗಳಲ್ಲಿ 5 ವಿಕೆಟ್ಗೆ 340 ರನ್ ಗಳಿಸಿದೆ. ಹಿರಿಯ ಆರಂಭಿಕ ಆಟಗಾರ ವಿಜಯ್ (28) ಅಲ್ಪ ಮೊತ್ತಕ್ಕೆ ಕುಸಿದರೂ ಧೃತಿಗೆಡದ ಎಳೆಯ ಆರಂಭಿಕ ಆಟಗಾರ ಪೃಥ್ವಿ ಶಾ ದ್ವಿತೀಯ ವಿಕೆಟ್ಗೆ ಮಯಾಂಕ್ ಅಗರ್ವಾಲ್ ಜತೆ 50 ರನ್ ಕಲೆಹಾಕಿ ದೊಡ್ಡ ಇನಿಂಗ್ಸ್ ಕಟ್ಟುವ ಪ್ರಯತ್ನ ಮಾಡಿದರು. 88 ಎಸೆತಗಳನ್ನೆದುರಿಸಿದ ಶಾ 6 ಫೋರ್, ಒಂದು ಸಿಕ್ಸರ್ ಸಹಿತ ಅರ್ಧಶತಕ ಗಳಿಸಿ ಮುಂಬರುವ ಆಸೀಸ್ ಟೆಸ್ಟ್ ಸರಣಿಗೆ ಸಜ್ಜುಗೊಂಡಿರುವುದನ್ನು ಸಾಬೀತುಪಡಿಸಿದರು.
ಪೃಥ್ವಿ ಶಾ (62), ಮಯಾಂಕ್ (65), ಹನುಮ ವಿಹಾರಿ (86) ಮತ್ತು ಪಾರ್ಥಿವ್ ಪಟೇಲ್ (79*) ಅವರ ಸೊಬಗಿನ ಅರ್ಧಶತಕಗಳ ಬಲದಿಂದ ಪ್ರವಾಸಿ ತಂಡ ದಿನದ ಗೌರವಕ್ಕೆ ಪಾತ್ರವಾಯಿತು. ಆತಿಥೇಯ ತಂಡದ ಪರ ಬಿಎಂ ಟಿಕ್ನರ್ 2 ವಿಕೆಟ್ ಕಬಳಿಸಿದರು.
ಸಂಕ್ಷಿಪ್ತ ಸ್ಕೋರ್
ಭಾರತ 'ಎ': ಮೊದಲ ಇನಿಂಗ್ಸ್ 89.4 ಓವರ್ಗಳಲ್ಲಿ 340/5 (ಪೃಥ್ವಿ ಶಾ 62, ಹನುಮ ವಿಹಾರಿ 86, ಮಯಾಂಕ್ ಅಗರ್ವಾಲ್ 65, ಪಾರ್ಥಿವ್ ಪಟೇಲ್ 79*; ಟಿಕ್ನರ್ 48ಕ್ಕೆ 2)
ಮೌಂಟ್ ಮೌಂಗಾನುಯಿ (ನ್ಯೂಜಿಲೆಂಡ್) : ಹಿರಿಯ ಆಟಗಾರರಾದ ಮುರಳಿ ವಿಜಯ್ (28) ಮತ್ತು ಅಜಿಂಕ್ಯ ರಹಾನೆ (12) ಅವರ ಬ್ಯಾಟಿಂಗ್ ವೈಫಲ್ಯದ ನಡುವೆಯೂ ಯುವ ಪ್ರತಿಭೆಗಳಾದ ಪೃಥ್ವಿ ಶಾ ಮತ್ತು ಹನುಮ ವಿಹಾರಿ ಅವರ ಅರ್ಧಶತಕಗಳ ನೆರವಿನಿಂದ ಭಾರತ 'ಎ' ತಂಡ ಇಲ್ಲಿ ನಡೆಯುತ್ತಿರುವ ನಾಲ್ಕು ದಿನಗಳಾವಧಿಯ ಮೊದಲ ಟೆಸ್ಟ್ನಲ್ಲಿ ನ್ಯೂಜಿಲೆಂಡ್ 'ಎ' ತಂಡದ ವಿರುದ್ಧ ದೊಡ್ಡ ಮೊತ್ತದತ್ತ ದಾಪುಗಾಲಿಟ್ಟಿದೆ.
ಇಲ್ಲಿನ ಬೇ ಓವಲ್ ಕ್ರೀಡಾಂಗಣದಲ್ಲಿ ಶುಕ್ರವಾರ ಟಾಸ್ ಗೆದ್ದು ಮೊದಲು ಬ್ಯಾಟ್ ಮಾಡಿದ ಭಾರತ 'ಎ' ತಂಡ ಮೊದಲ ದಿನದಾಟದ ಮುಕ್ತಾಯಕ್ಕೆ 89.4 ಓವರ್ಗಳಲ್ಲಿ 5 ವಿಕೆಟ್ಗೆ 340 ರನ್ ಗಳಿಸಿದೆ. ಹಿರಿಯ ಆರಂಭಿಕ ಆಟಗಾರ ವಿಜಯ್ (28) ಅಲ್ಪ ಮೊತ್ತಕ್ಕೆ ಕುಸಿದರೂ ಧೃತಿಗೆಡದ ಎಳೆಯ ಆರಂಭಿಕ ಆಟಗಾರ ಪೃಥ್ವಿ ಶಾ ದ್ವಿತೀಯ ವಿಕೆಟ್ಗೆ ಮಯಾಂಕ್ ಅಗರ್ವಾಲ್ ಜತೆ 50 ರನ್ ಕಲೆಹಾಕಿ ದೊಡ್ಡ ಇನಿಂಗ್ಸ್ ಕಟ್ಟುವ ಪ್ರಯತ್ನ ಮಾಡಿದರು. 88 ಎಸೆತಗಳನ್ನೆದುರಿಸಿದ ಶಾ 6 ಫೋರ್, ಒಂದು ಸಿಕ್ಸರ್ ಸಹಿತ ಅರ್ಧಶತಕ ಗಳಿಸಿ ಮುಂಬರುವ ಆಸೀಸ್ ಟೆಸ್ಟ್ ಸರಣಿಗೆ ಸಜ್ಜುಗೊಂಡಿರುವುದನ್ನು ಸಾಬೀತುಪಡಿಸಿದರು.
ಪೃಥ್ವಿ ಶಾ (62), ಮಯಾಂಕ್ (65), ಹನುಮ ವಿಹಾರಿ (86) ಮತ್ತು ಪಾರ್ಥಿವ್ ಪಟೇಲ್ (79*) ಅವರ ಸೊಬಗಿನ ಅರ್ಧಶತಕಗಳ ಬಲದಿಂದ ಪ್ರವಾಸಿ ತಂಡ ದಿನದ ಗೌರವಕ್ಕೆ ಪಾತ್ರವಾಯಿತು. ಆತಿಥೇಯ ತಂಡದ ಪರ ಬಿಎಂ ಟಿಕ್ನರ್ 2 ವಿಕೆಟ್ ಕಬಳಿಸಿದರು.
ಸಂಕ್ಷಿಪ್ತ ಸ್ಕೋರ್
ಭಾರತ 'ಎ': ಮೊದಲ ಇನಿಂಗ್ಸ್ 89.4 ಓವರ್ಗಳಲ್ಲಿ 340/5 (ಪೃಥ್ವಿ ಶಾ 62, ಹನುಮ ವಿಹಾರಿ 86, ಮಯಾಂಕ್ ಅಗರ್ವಾಲ್ 65, ಪಾರ್ಥಿವ್ ಪಟೇಲ್ 79*; ಟಿಕ್ನರ್ 48ಕ್ಕೆ 2)