ದಶಕದ ಬಳಿಕ ಪಾಕಿಸ್ತಾನಕ್ಕೆ ಮರಳಲಿರುವ ಟೆಸ್ಟ್ ಕ್ರಿಕೆಟ್

ಲಾಹೋರ್: ಭದ್ರತಾ ಕಾರಣಗಳಿಂದಾಗಿ ಬಹುತೇಕ ಎಲ್ಲ ತಂಡಗಳು ಪಾಕಿಸ್ತಾನಕ್ಕೆ ಪ್ರವಾಸ ಕೈಗೊಳ್ಳಲು ಹಿಂದೇಟು ಹಾಕುತ್ತಿದ್ದವು. ಆದರೆ ಇದೀಗ ದಶಕದ ಬಳಿಕ ಪಾಕಿಸ್ತಾನದಲ್ಲಿ ಟೆಸ್ಟ್ ಕ್ರಿಕೆಟ್ ಆಯೋಜನೆಯಾಗುವುದು ಬಹುತೇಕ ಖಚಿತಗೊಂಡಿದೆ.

ಈ ಬಗ್ಗೆ ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಹೊರಡಿಸಿರುವ ಪ್ರಕಟಣೆಯಲ್ಲಿ ಸ್ಪಷ್ಟನೆ ನೀಡಿದೆ. ವರ್ಷಾಂತ್ಯದದಲ್ಲಿ ಪಾಕಿಸ್ತಾನ ತಂಡವು ತವರು ನೆಲದಲ್ಲಿ ಶ್ರೀಲಂಕಾ ವಿರುದ್ಧ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಭಾಗವಹಿಸಲಿದೆ.

2014ರಲ್ಲಿ ಮಾನಸಿಕ ಖಿನ್ನತೆಗೊಳಗಾಗಿದ್ದ ವಿರಾಟ್ ಕೊಹ್ಲಿ

ಇದರೊಂದಿಗೆ ಐಸಿಸಿ ಟೆಸ್ಟ್ ವಿಶ್ವ ಚಾಂಪಿಯನ್‌ಶಿಪ್‌ನಲ್ಲಿ ಪಾಕಿಸ್ತಾನ ತವರು ನೆಲದಲ್ಲಿ ಅಭಿಯಾನ ಆರಂಭಿಸಲಿದೆ. ಎರಡು ಪಂದ್ಯಗಳ ಟೆಸ್ಟ್ ಸರಣಿಯು ಡಿಸೆಂಬರ್ 11ರಿಂದ 15ರ ವರೆಗೆ ರಾವಲ್ಪಿಂಡಿ ಹಾಗೂ 19ರಿಂದ 23ರ ವರೆಗೆ ಕರಾಚಿ ಮೈದಾನಗಳಲ್ಲಿ ನಡೆಯಲಿದೆ.

10 ವರ್ಷಗಳ ಬಳಿಕ ಪಾಕಿಸ್ತಾನಕ್ಕೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಮರಳುತ್ತಿದೆ. ಕೆಲವು ಸಮಯಗಳ ಹಿಂದೆಯಷ್ಟೇ ಪಾಕಿಸ್ತಾನಕ್ಕೆ ತೆರಳಿದ ಶ್ರೀಲಂಕಾ, ಸೀಮಿತ ಓವರ್‌ಗಳ ಕ್ರಿಕೆಟ್‌ನಲ್ಲಿ ಭಾಗವಹಿಸಿತ್ತು. ಆದರೆ ಭದ್ರತಾ ಕಾರಣಗಳಿಂದಾಗಿ ಪ್ರಮುಖ ಆಟಗಾರರು ಗೈರು ಹಾಜರಾಗಿದ್ದರು. ಶ್ರೀಲಂಕಾದ ಟ್ವೆಂಟಿ-20 ನಾಯಕ ಲಸಿತ್ ಮಾಲಿಂಗ, ಏಕದಿನ ನಾಯಕ ದಿಮುತ್ ಕರುಣಾರತ್ನೆ, ಆಟಗಾರರಾದ ನಿರೋಶನ್ ಡಿಕ್‌ವೆಲ್ಲ, ಕುಸಾಲ್ ಜನಿತ್ ಪರೇರಾ, ಧನಂಜಯ ಡಿ ಸಿಲ್ವ, ತಿಸಾರಾ ಪರೇರಾ, ಅಕಿಲ ಧನಂಜಯ, ಆ್ಯಂಗಲೋ ಮ್ಯಾಥ್ಯೂಸ್, ಸುರಂಗ ಲಕ್ಮಲ್ ಮತ್ತು ದಿನೇಶ್ ಚಂದಿಮಾಲ್ ಸರಣಿಯಿಂದ ಹಿಂಜರಿದಿದ್ದರು. ಅಷ್ಟೇ ಯಾಕೆ ಬಿ ದರ್ಜೆಯ ತಂಡದ ಹೊರತಾಗಿಯೂ ಟ್ವೆಂಟಿ-20 ಸರಣಿಯಲ್ಲಿ 3-0 ಅಂತರದ ಕ್ಲೀನ್ ಸ್ವೀಪ್ ಗೆಲುವು ದಾಖಲಿಸಿತ್ತು.

ದಾದಾ ದಾಖಲೆಯ ಮುರಿಯುವ ಹೊಸ್ತಿಲಲ್ಲಿ ಕಿಂಗ್ ಕೊಹ್ಲಿ

ದಶಕದ ಹಿಂದೆ 2009ರಲ್ಲಿ ಪಾಕಿಸ್ತಾನದ ಕರಾಚಿಯ ಗಡ್ಡಾಫಿ ಸ್ಟೇಡಿಯಂಗೆ ತೆರಳುತ್ತಿದ್ದ ಶ್ರೀಲಂಕಾ ಆಟಗಾರರು ಹೊಂದಿದ್ದ ಬಸ್ ಮೇಲೆ ಉಗ್ರರು ದಾಳಿ ನಡೆಸಿದ್ದರು. ಪರಿಣಾಮ ಏಳು ಮಂದಿ ಸಾವಿಗೀಡಾಗಿದ್ದರೆ ಲಂಕಾದ ಏಳು ಕ್ರಿಕೆಟಿಗರು ಗಾಯಗೊಂಡಿದ್ದರು. ಅಲ್ಲಿಂದ ಬಳಿಕ ಪಾಕಿಸ್ತಾನದಲ್ಲಿ ಟೆಸ್ಟ್ ಕ್ರಿಕೆಟ್ ಆಯೋಜನೆಗೊಂಡಿರಲಿಲ್ಲ. ಪರಿಣಾಮ ತವರಿನ ಟೆಸ್ಟ್ ಸರಣಿಗಳನ್ನು ತಟಸ್ಥ ತಾಣಗಳಿಗೆ ವರ್ಗಾಯಿಸುತ್ತಿದ್ದವು.