ಕೋಹ್ಲಿ ಅಮೋಘ ಫಾರ್ಮ್ ಹಿಂದಿನ ರಹಸ್ಯವೇನು ಗೊತ್ತಾ?

ಹೊಸದಿಲ್ಲಿ: ಯಾವುದೇ ಒತ್ತಡದ ಪರಿಸ್ಥಿತಿಯನ್ನು ನಿಭಾಯಿಸುವಲ್ಲಿ ಭಾರತ ಕ್ರಿಕೆಟ್ ತಂಡದ ನಾಯಕ ವಿರಾಟ್ ಕೋಹ್ಲಿ ಯಶಸ್ವಿಯಾಗುತ್ತಾರೆ. ಇದು ಮಾಜಿ ಸೇರಿದಂತೆ ಸಮಕಾಲೀನ ಕ್ರಿಕೆಟಿಗರಲ್ಲೂ ಅತಿ ಹೆಚ್ಚಿನ ಕುತೂಹಲಕ್ಕೆ ಕಾರಣವಾಗಿದೆ.

ಕೋಹ್ಲಿಗೆ ಫಾರ್ಮ್ ಎಂಬುದು ಒಂದು ವಿಚಾರವೇ ಇಲ್ಲ. ಪ್ರತಿ ಪಂದ್ಯದಲ್ಲೂ ತಂಡಕ್ಕಾಗಿ ಸಾಧ್ಯವಾದಷ್ಟು ಹೆಚ್ಚು ರನ್ ಗಳಿಸುವುದು ಕೋಹ್ಲಿ ಗುರಿಯಾಗಿರುತ್ತದೆ.

ಅಷ್ಟಕ್ಕೂ ಕೋಹ್ಲಿ ಅಮೋಘ ಫಾರ್ಮ್ ಹಿಂದಿನ ರಹಸ್ಯವೇನು ಎಂಬುದನ್ನು ಹುಡುಕಿಕೊಂಡು ಹೋದಾಗ ಗರಿಷ್ಠ ಮಟ್ಟದ ದೈಹಿಕ ಸಾಮರ್ಥ್ಯ ಕಾಪಾಡಿಕೊಂಡಿರುವುದೇ ಕೋಹ್ಲಿ ಯಶಸ್ಸಿಗೆ ಸ್ಪೂರ್ತಿಯಾಗಿದೆ.

ವಿಶ್ವದ ಅತ್ಯಂತ ಫಿಟ್ಟೆಸ್ಟ್ ಕ್ರೀಡಾಪಟುಗಳಲ್ಲಿ ಓರ್ವರಾಗಿರುವ ಕೋಹ್ಲಿ ಪಂದ್ಯಕ್ಕೂ ಮುಂಚಿತವಾಗಿ ನಡೆಯುವ ಪೂರ್ವ ಸಿದ್ಧತೆಯಲ್ಲಿ ಅತಿ ಹೆಚ್ಚಿನ ಗಮನ ಹರಿಸುತ್ತಾರೆ.



ಸದೃಢ ದೇಹಕಾಯ ಬೆಳೆಸುವತ್ತ ಕೋಹ್ಲಿ ಬೆವರು ಸುರಿಸುತ್ತಾರೆ. ಈ ಸಂಬಂಧ ಆಕರ್ಷಕ ವಿಡಿಯೋವೊಂದನ್ನು ಭಾರತೀಯ ಕ್ರಿಕೆಟ್ ತಂಡವು ತನ್ನ ಫೇಸ್‌ಬುಕ್ ಪುಟದಲ್ಲಿ ಹಂಚಿಕೊಂಡಿದೆ.