'ಕೆಣಕಿದರೆ 2-0 ಆಗುತ್ತೆ!' ಎಂದು ಟಿಮ್‌ ಪೇನ್‌ಗೆ ಎಚ್ಚರಿಸಿದ್ದ ಕೊಹ್ಲಿ!

ಪರ್ಥ್‌: ಆಸ್ಟ್ರೇಲಿಯಾ ಮತ್ತು ಭಾರತ ನಡುವೆ ನಡೆಯುತ್ತಿರುವ ಟೆಸ್ಟ್‌ ಸರಣಿಯ 2ನೇ ಪಂದ್ಯದ 3ನೇ ದಿನ ಆಸಿಸ್‌ ಕ್ಯಾಪ್ಟನ್‌ ಟಿಮ್‌ ಪೇನ್‌ ಮತ್ತು ವಿರಾಟ್‌ ಕೊಹ್ಲಿ ನಡುವೆ ನಡೆದ ರೋಚಕ ವಾಗ್ವಾದ ಸ್ಟಂಪ್‌ ಮೈಕ್ರೋಫೋನ್‌ನಲ್ಲಿ ದಾಖಲಾಗಿದೆ.

'ನನ್ನನ್ನು ಕೆದಕಿದರೆ 2-0 ಆಗುತ್ತದೆ' ಎಂದು ವಿರಾಟ್‌ ಕೊಹ್ಲಿ ಎಚ್ಚರಿಸುತ್ತಿರುವುದು ಸ್ಟಂಪ್‌ ಮೈಕ್ರೋಫೋನ್‌ನಲ್ಲಿ ದಾಖಲಾಗಿದೆ. 3ನೇ ದಿನದ ಅಂತ್ಯದ ಸಂದರ್ಭದಲ್ಲಿ ಇಬ್ಬರ ನಡುವೆ ಜಿದ್ದಾಜಿದ್ದಿನ ವಾಗ್ವಾದ ಏರ್ಪಟ್ಟಿದೆ. ಇದಕ್ಕೆ ಪ್ರತಿಯಾಗಿ ಆಸಿಸ್‌ ನಾಯಕ ಪೇನ್‌ 'ನೀವು ಮೊದಲು ಬ್ಯಾಟಿಂಗ್‌ ಮಾಡಿ, ಬಿಗ್‌ ಹೆಡ್‌' ಎಂದಿದ್ದಾರೆ.

ಕೊಹ್ಲಿ ಮತ್ತು ಪೇನ್‌ ನಡುವೆ ನಡೆದ ವಾಗ್ವಾದದ ಬಗ್ಗೆ ಸ್ಪಿನ್ನರ್‌ ನಾಥನ್‌ ಲಿಯೋನ್‌ ಕೇಳಿದಾಗ 'ಕೊಹ್ಲಿಗೆ ಎಲ್ಲಿಗೆ ಊಟಕ್ಕೆ ಹೋಗುತ್ತಿದ್ದೀರಾ? ಎಂದು ಪೇನ್‌ ಕೇಳಿದರು' ಎಂದು ಜೋಕ್‌ ಮಾಡಿದ್ದಾರೆ.

IND vs AUS 2nd Test: ಭಾರತ vs ಆಸ್ಟ್ರೇಲಿಯಾ 2ನೇ ಟೆಸ್ಟ್, ಭಾರತದ 5 ವಿಕೆಟ್ ಪತನ

ನಾನು ವಿರಾಟ್‌ ಕೊಹ್ಲಿ ವಿರುದ್ಧ ಸಾಕಷ್ಟು ಕ್ರಿಕೆಟ್‌ ಪಂದ್ಯಗಳನ್ನು ಆಡಿದ್ದೇನೆ. ನನಗೆ ಕೊಹ್ಲಿ ಏನೆಂದು ಗೊತ್ತು. ಬಹಳ ಭಾವನಾತ್ಮಕವಾಗಿ ಕ್ರಿಕೆಟ್‌ ಆಡುತ್ತಾರೆ ಎಂದೂ ಗೊತ್ತು. ವಿರಾಟ್‌ ಕೊಹ್ಲಿ ಒಬ್ಬ ಅದ್ಭುತ ಆಟಗಾರ ಎಂದು ಲಿಯನ್‌ ಶ್ಲಾಘಿಸಿದ್ದಾರೆ.

ಆಸ್ಟ್ರೇಲಿಯಾ ಮತ್ತು ಟೀಮ್‌ ಇಂಡಿಯಾ ನಡುವಣ ಕ್ರಿಕೆಟ್‌ ಪಂದ್ಯವೇ ಹಾಗೆ. ಆಟಗಾರರ ವರ್ತನೆಗಳು ಕ್ರಿಕೆಟ್‌ ಪ್ರೇಮಿಗಳಿಗೆ ಥ್ರಿಲ್‌ ಹುಟ್ಟು ಹಾಕುತ್ತವೆ. ಎದುರಾಳಿಗಳ ನಡುವಣ ಜಿದ್ದಾಜಿದ್ದಿನ ಮಾತುಕತೆಗಳು ರೋಚಕ ಪಂದ್ಯಕ್ಕೆ ಕಳೆ ತರುತ್ತವೆ. ಕೆಲವೊಮ್ಮೆ ಪರಸ್ಪರ ದ್ವೇಷಕ್ಕೂ ಕಾರಣವಾಗುತ್ತವೆ.

ವಿರಾಟ್‌ ಕೊಹ್ಲಿ ಮತ್ತು ಟಿಮ್‌ ಪೇನ್‌ ನಡುವೆ ಟಗರು ಕುಸ್ತಿ? ವೀಡಿಯೋ ನೋಡಿ