ಸಚಿನ್ ಸಿಕ್ಸರ್ ದಾಖಲೆ ಸರಿಗಟ್ಟಿದ ಟಿಮ್ ಸೌಥಿ

ಹೊಸದಿಲ್ಲಿ: ನ್ಯೂಜಿಲೆಂಡ್‌ ತಂಡದ ಅನುಭವಿ ಬಲಗೈ ವೇಗದ ಬೌಲರ್‌ ಟಿಮ್ ಸೌಥಿ ಭಾರತದ ಮಾಜಿ ಕ್ರಿಕೆಟ್ ಐಕಾನ್ ಸಚಿನ್ ತೆಂಡೂಲ್ಕರ್ ಅವರ ದಾಖಲೆಯೊಂದನ್ನು ಸರಿಗಟ್ಟಿದ್ದಾರೆ.

ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿ ಹೆಚ್ಚು ಸಿಕ್ಸರ್ ಸಿಡಿಸಿರುವ ಸಾಲಿನಲ್ಲಿ ಭಾರತದ ಕ್ರಿಕೆಟ್‌ ದಿಗ್ಗಜ ಸಚಿನ್‌ ತೆಂಡೂಲ್ಕರ್‌ ಸಾಧನೆಯನ್ನು ಸರಿಗಟ್ಟಿದ್ದಾರೆ.

ಗಾಲೆ ಟೆಸ್ಟ್‌ ಪಂದ್ಯದಲ್ಲಿ ನ್ಯೂಜಿಲೆಂಡ್‌ ತಂಡದ ಮೊದಲ ಇನಿಂಗ್ಸ್‌ನಲ್ಲಿ 10ನೇ ಕ್ರಮಾಂಕದಲ್ಲಿ ಕ್ರೀಸಿಗಿಳಿದಿದ್ದ ಸೌಥೀ ಆತಿಥೇಯ ಶ್ರೀಲಂಕಾ ತಂಡದ ಆಫ್‌ಸ್ಪಿನ್ನರ್‌ ಧನಂಜಯ ಡಿ ಸಿಲ್ವ ಅವರ ಎಸೆತವೊಂದನ್ನು ಭರ್ಜರಿ ಸಿಕ್ಸರಿಗಟ್ಟುವ ಮೂಲಕ ಬ್ಯಾಟಿಂಗ್‌ ದಿಗ್ಗಜನ ಸಾಧನೆ ಸರಿಗಟ್ಟಿದರು.

ಇದೀಗ ಇಬ್ಬರೂ ಟೆಸ್ಟ್‌ ಕ್ರಿಕೆಟಿನಲ್ಲಿ ತಲಾ 69 ಸಿಕ್ಸರ್‌ ಬಾರಿಸಿದಂತಾಗಿದೆ. ತೆಂಡೂಲ್ಕರ್‌ 329 ಇನಿಂಗ್ಸ್‌ಗಳಲ್ಲೂ ಸೌಥಿ ಕೇವಲ 89 ಇನಿಂಗ್ಸ್‌ಗಳಲ್ಲೂ ಈ ಸಾಧನೆಗೈದಿದ್ದಾರೆ.

ಟೆಸ್ಟ್‌ ಕ್ರಿಕೆಟಿನಲ್ಲಿ ಗರಿಷ್ಠ ಸಿಕ್ಸರ್‌ ವೀರರು
ಬ್ರೆಂಡನ್‌ ಮೆಕಲಂ (ನ್ಯೂಜಿಲೆಂಡ್‌) 107
ಆ್ಯಡಂ ಗಿಲ್‌ಕ್ರಿಸ್ಟ್‌ (ಆಸ್ಪ್ರೇಲಿಯಾ) 100
ಕ್ರಿಸ್‌ ಗೇಲ್‌ (ವೆಸ್ಟ್‌ ಇಂಡೀಸ್‌) 98
ಜಾಕ್‌ ಕಾಲಿಸ್‌ (ದಕ್ಷಿಣ ಆಫ್ರಿಕಾ) 97
ವೀರೇಂದ್ರ ಸೆಹ್ವಾಗ್‌ (ಭಾರತ) 91