ಪ್ರಸಾದ್ @49; ಮರೆಯಲು ಸಾಧ್ಯವೇ ಪಾಕ್‌ನ ಸೊಹೈಲ್‌ಗೆ ನೀಡಿದ ಸೆಂಡ್‌ಆಫ್!

ಬೆಂಗಳೂರು: ಭಾರತ ಕ್ರಿಕೆಟ್ ತಂಡದ ಮಾಜಿ ವೇಗದ ಬೌಲರ್ ಕರ್ನಾಟಕದ ಹೆಮ್ಮೆಯ ವೆಂಕಟೇಶ್ ಪ್ರಸಾದ್ ಇಂದು ಜುಲೈ 05 ಭಾನುವಾರದಂದು 49ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ.

ಭಾರತ ಕಂಡ ಸಾರ್ವಕಾಲಿಕ ಶ್ರೇಷ್ಠ ಬಲಗೈ ಮಧ್ಯಮ ವೇಗದ ಬೌಲರ್‌ಗಳಲ್ಲಿ ಓರ್ವರಾಗಿರುವ ಪ್ರಸಾದ್ ಟೀಮ್ ಇಂಡಿಯಾದ ಬೌಲಿಂಗ್ ಕೋಚ್ ಹಾಗೂ ಅಂಡರ್-19 ತಂಡದ ಕೋಚ್ ಆಗಿಯೂ ಸೇವೆ ಸಲ್ಲಿಸಿದ್ದರು.

ಪ್ರಸ್ತುತ ಪ್ರಸಾದ್ ಹುಟ್ಟುಹಬ್ಬವನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ವಿಶೇಷ ರೀತಿಯಲ್ಲಿ ಆಚರಿಸಿಕೊಂಡಿದೆ. 1996ರ ವಿಶ್ವಕಪ್‌ನಲ್ಲಿ ಬೆಂಗಳೂರಿನಲ್ಲಿ ನಡೆದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ತಮ್ಮನ್ನು ಕೆಣಕಲು ಬಂದ ಅಮೀರ್ ಸೊಹೈಲ್ ಕ್ಲೀನ್ ಬೌಲ್ಡ್ ಮಾಡಿ ಸೆಂಡ್ ಆಫ್ ಮಾಡಿದ ರೀತಿಯಂತೂ ಕ್ರಿಕೆಟ್ ಅಭಿಮಾನಿಗಳು ಮರೆಯಲು ಹೇಗೆ ಸಾಧ್ಯ?

ಪ್ರಸಾದ್‌ಗೆ ಹುಟ್ಟುಹಬ್ಬ ಸಂದೇಶದೊಂದಿಗೆ ಇದೇ ವೀಡಿಯೋ ತುಣುಕನ್ನು ಬಿಸಿಸಿಐ ಹಂಚಿಕೊಂಡಿದೆ. ಅಂತಿಮವಾಗಿ ಪಾಕ್ ಮಣಿಸಿದ ಭಾರತ ಸೆಮಿಫೈನಲ್‌ಗೆ ಲಗ್ಗೆಯಿಟ್ಟಿತ್ತು.

ಮಾಜಿ ವೇಗಿ ಜಾವಗಲ್ ಶ್ರೀನಾಥ್ ಜತೆಗಿನ ಪ್ರಸಾದ್ ಹೊಂದಾಣಿಕೆಯು ಇಡೀ ವಿಶ್ವದ ಗಮನ ಸೆಳೆದಿತ್ತು. ಹಾಗೆಯೇ ಎರಡು ಬಾರಿ ಕರ್ನಾಟಕ ರಣಜಿ ಟ್ರೋಫಿ ಚಾಂಪಿಯನ್ ತಂಡದ ಭಾಗವಾಗಿದ್ದರು.

ಭಾರತದ ಪರ 33 ಟೆಸ್ಟ್ ಪಂದ್ಯಗಳಲ್ಲಿ 96 ಮತ್ತು 161 ಏಕದಿನ ಪಂದ್ಯಗಳಲ್ಲಿ 196 ಸೇರಿದಂತೆ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಒಟ್ಟು 292 ವಿಕೆಟುಗಳನ್ನು ಕಬಳಿಸಿದ್ದಾರೆ. ಕೊನೆಗೆ ಸತತ ಗಾಯದ ಸಮಸ್ಯೆಯಿಂದಾಗಿ 2005ರಲ್ಲಿ ನಿವೃತ್ತಿ ಸಲ್ಲಿಸಿದ್ದರು. ಇನ್ನು ಐಪಿಎಲ್‌ನಲ್ಲಿ ಆರ್‌ಸಿಬಿ ತಂಡದ ಕೋಚ್ ಹಾಗೂ ಪಂಜಾಬ್ ತಂಡದ ಬೌಲಿಂಗ್ ಕೋಚ್ ಆಗಿಯೂ ಕಾರ್ಯ ನಿರ್ವಹಿಸಿದ್ದರು.

ಪ್ರಸಾದ್ ವೃತ್ತಿ ಜೀವನ:

ಟೆಸ್ಟ್ ಪದಾರ್ಪಣೆ: 1996, ಭಾರತ vs ಇಂಗ್ಲೆಂಡ್, ಬರ್ಮಿಂಗ್‌ಹ್ಯಾಮ್ ಜೂನ್ 6-9
ಕೊನೆಯ ಟೆಸ್ಟ್: 2001, ಶ್ರೀಲಂಕಾ vs ಭಾರತ, ಕೊಲಂಬೊ, ಆಗಸ್ಟ್ 29-ಸೆ.2.
ಏಕದಿನ ಪದಾರ್ಪಣೆ: 1994, ಭಾರತ vs ನ್ಯೂಜಿಲೆಂಡ್, ಕ್ರಿಸ್ಟ್‌ಚರ್ಚ್, ಎಪ್ರಿಲ್ 2,
ಕೊನೆಯ ಏಕದಿನ: 2001, ಭಾರತ vs ಕೀನ್ಯಾ, ಪೋರ್ಟ್ ಎಲಿಜಬೆತ್, ಅ. 17.

ಟೆಸ್ಟ್: ಪಂದ್ಯ: 33, ರನ್: 203, ಗರಿಷ್ಠ: 30*, ಬ್ಯಾಟಿಂಗ್ ಸರಾಸರಿ : 7.51, ಕ್ಯಾಚ್: 6, ವಿಕೆಟ್: 96, ಶ್ರೇಷ್ಠ ಬೌಲಿಂಗ್: 33/6, ಶ್ರೇಷ್ಠ ಬೌಲಿಂಗ್ (ಪಂದ್ಯವೊಂದರಲ್ಲಿ): 10/153, ಬೌಲಿಂಗ್ ಸರಾಸರಿ: 35.00, ಎಕಾನಮಿ: 2.86, 5 ವಿಕೆಟ್: 7, 10 ವಿಕೆಟ್ (ಪಂದ್ಯವೊಂದರಲ್ಲಿ): 1

ಏಕದಿನ: ಪಂದ್ಯ: 161, ರನ್: 221, ಗರಿಷ್ಠ: 19, ಬ್ಯಾಟಿಂಗ್ ಸರಾಸರಿ : 6.90, ಕ್ಯಾಚ್: 37, ವಿಕೆಟ್: 196, ಶ್ರೇಷ್ಠ ಬೌಲಿಂಗ್: 27/5, ಬೌಲಿಂಗ್ ಸರಾಸರಿ: 32.30, ಎಕಾನಮಿ: 4.67, 5 ವಿಕೆಟ್: 1

ಪ್ರಸಾದ್ ಹುಟ್ಟುಹಬ್ಬವನ್ನು ಕ್ರಿಕೆಟ್ ಆಸ್ಟ್ರೇಲಿಯಾ ನೆನಪಿಸಿಕೊಂಡಿದ್ದು ಹೀಗೆ...