ಬೆಂಗಳೂರು: ಮಯಾಂಕ್‌ ಅಗರ್ವಾಲ್‌ ಸಾರಥ್ಯದ ಕರ್ನಾಟಕ ತಂಡ ಪ್ರಸಕ್ತ ಸಾಲಿನ (2022-23) ಲಿಸ್ಟ್‌ 'ಎ' ಕ್ರಿಕೆಟ್‌ ವಿಜಯ್ ಹಝಾರೆ ಟ್ರೋಫಿ ಟೂರ್ನಿಯಲ್ಲಿ ಟ್ರೋಫಿ ಗೆಲ್ಲಲು ವಿಫಲವಾಗಿದೆ. ಭರ್ಜರಿ ಆಟವಾಡಿ ಸೆಮಿಫೈನಲ್‌ಗೆ ದಾಪುಗಾಲಿಟ್ಟಿದ್ದ ಕರ್ನಾಟಕ ತಂಡ, ಬುಧವಾರ (ನವೆಂಬರ್‌ 30) ಅಹ್ಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆದ ಸೆಮಿಫೈನಲ್‌ ಹಣಾಹಣಿಯಲ್ಲಿ ಸೌರಾಷ್ಟ್ರ ಎದುರು 5 ವಿಕೆಟ್‌ಗಳ ಹೀನಾಯ ಸೋಲುಂಡಿತ್ತು.
ಆಸರೆಯಾಗಿ ನಿಂತ ಅನುಭವಿ ಆರಂಭಿಕ ಬ್ಯಾಟ್ಸ್‌ಮನ್‌ ಆರ್‌ ಸಮರ್ಥ್, 135 ಎಸೆತಗಳಲ್ಲಿ 4 ಫೋರ್‌ ಮತ್ತು 1 ಸಿಕ್ಸರ್‌ನೊಂದಿಗೆ 88 ರನ್‌ ಗಳಿಸಿದರು. ಇನಿಂಗ್ಸ್‌ ಮಧ್ಯದಲ್ಲಿ ಮನೋಜ್‌ ಭಾಂಡಗೆ 22 ರನ್‌ ಗಳಿಸಿದ್ದನ್ನು ಬಿಟ್ಟರೆ ಉಳಿದ ಬ್ಯಾಟರ್‌ಗಳಿಂದ ಹೇಳಿಕೊಳ್ಳುವ ಪ್ರದರ್ಶನ ಬರಲೇ ಇಲ್ಲ. ಪರಿಣಾಮ 49.1 ಓವರ್‌ಗಳಲ್ಲಿ ಕರ್ನಾಟಕ ತಂಡ 171 ರನ್‌ಗಳ ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಆಯಿತು. ಸ್ಟಾರ್‌ ಆಟಗಾರ ಮನೀಶ್‌ ಪಾಂಡೆ (0) ವೈಫಲ್ಯ ಕರ್ನಾಟದ ಬ್ಯಾಟಿಂಗ್‌ ವೈಲ್ಯಗಳಲ್ಲಿ ಒಂದು.
ಜಯದೇವ್ ಉನಾದ್ಕಟ್‌ ಪರಾಕ್ರಮ
ಟೀಮ್ ಇಂಡಿಯಾ ಮತ್ತು ಇಂಡಿಯನ್ ಪ್ರೀಮಿಯರ್‌ ಲೀಗ್ ಟೂರ್ನಿಗಳಲ್ಲಿ ಹಲವು ಫ್ರಾಂಚೈಸಿಗಳ ಪರ ಆಡಿ ಪಳಗಿರುವ ಅನುಭವಿ ಎಡಗೈ ವೇಗದ ಬೌಲರ್ ಜಯದೇವ್ ಉನಾದ್ಕಟ್‌ ಕರ್ನಾಟಕದ ಬ್ಯಾಟ್ಸ್‌ಮನ್‌ಗಳಿಗೆ ಸಿಂಹಸ್ವಪ್ನವಾದರು. ತಮ್ಮ 10 ಓವರ್‌ಗಳಲ್ಲಿ 2 ಮೇಡಿನ್ ಎಸೆದ ಉನಾದ್ಕಟ್‌, ಕೇವಲ 26 ರನ್‌ ಮಾತ್ರವೇ ಕೊಟ್ಟು 4 ವಿಕೆಟ್‌ಗಳನ್ನು ಉರುಳಿಸಿದರು. ಅವರಿಗೆ ಪ್ರೇರಖ್ ಮಂಕಡ್‌ (34ಕ್ಕೆ 2), ಕುಶಂಗ್‌ ಪಟೇಲ್‌ (25ಕ್ಕೆ 1) ಮತ್ತು ಪಾರ್ತ್‌ ಭುತ್ (30ಕ್ಕೆ 1) ಉತ್ತಮ ಸಾಥ್‌ ನೀಡಿದರು.
ಜಯ್ ಗೋಹಿಲ್ ಅರ್ಧಶತಕ
ಗುರಿ ಬೆನ್ನತ್ತಿದ ಸೌರಾಷ್ಟ್ರ ತಂಡ ಮೊದಲ ಎರಡು ಓವರ್‌ಗಳಲ್ಲಿ ತನ್ನಿಬ್ಬರು ಓಪನರ್‌ಗಳಾದ ಹಾರ್ವಿಕ್‌ ದೇಸಾಯ್ (0) ಮತ್ತು ಶೆಲ್ಡನ್ ಜಾಕ್ಸನ್ (0) ಅವರ ವಿಕೆಟ್‌ ಕಳೆದುಕೊಂಡಿತು. ಆದರೆ, ಮಧ್ಯಮ ಕ್ರಮಾಂಕದಲ್ಲಿ ಜಯ್ ಗೋಹಿಲ್ 82 ಎಸೆತಗಳಲ್ಲಿ 61 ರನ್‌ ಬಾರಿಸಿ ಸೌರಾಷ್ಟ್ರ ತಂಡದ ಗೆಲುವಿಗೆ ಬಲವಾದರು. ಅವರೊಟ್ಟಿಗೆ ಸಮರ್ಥ್ ವ್ಯಾಸ್‌ (33) ಮತ್ತು ಪ್ರೇರಕ್ ಮಂಕಡ್‌ (35) ಜೊತೆಗಾರಿಕೆ ನಿಭಾಯಿಸಿ ಗೆಲುವಿಗೆ ಬಲವಾದರು. ಕರ್ನಾಟಕ ಪರ ಕೆ. ಗೌತಮ್ (50ಕ್ಕೆ 2) ಯಶಸ್ವಿ ಬೌಲರ್ ಎನಿಸಿದರು.
ಸಂಕ್ಷಿಪ್ತ ಸ್ಕೋರ್‌
ಕರ್ನಾಟಕ: 49.1 ಓವರ್‌ಗಳಲ್ಲಿ 171 ರನ್‌ಗಳಿಗೆ ಆಲ್‌ಔಟ್‌ (ಆರ್‌ ಸಮರ್ಥ್ 88, ಮನೋಜ್‌ ಭಾಂಡಗೆ 22; ಜಯದೇವ್ ಉನಾದ್ಕಟ್‌ 26ಕ್ಕೆ 4).
ಸೌರಾಷ್ಟ್ರ: 36.2 ಓವರ್‌ಗಳಲ್ಲಿ 5 ವಿಕೆಟ್‌ಗಳ ನಷ್ಟಕ್ಕೆ 172 ರನ್‌ (ಜಯ್ ಗೋಹಿಲ್ 61, ಸಮರ್ಥ್ ವ್ಯಾಸ್‌ 33, ಪ್ರೇರಕ್ ಮಂಕಡ್‌ 35, ಅರ್ಪಿತ್‌ ವಾಸವಾಡ ಅಜೇಯ 25; ಕೆ. ಗೌತಮ್ 50ಕ್ಕೆ 2).
ಆಸರೆಯಾಗಿ ನಿಂತ ಅನುಭವಿ ಆರಂಭಿಕ ಬ್ಯಾಟ್ಸ್‌ಮನ್‌ ಆರ್‌ ಸಮರ್ಥ್, 135 ಎಸೆತಗಳಲ್ಲಿ 4 ಫೋರ್‌ ಮತ್ತು 1 ಸಿಕ್ಸರ್‌ನೊಂದಿಗೆ 88 ರನ್‌ ಗಳಿಸಿದರು. ಇನಿಂಗ್ಸ್‌ ಮಧ್ಯದಲ್ಲಿ ಮನೋಜ್‌ ಭಾಂಡಗೆ 22 ರನ್‌ ಗಳಿಸಿದ್ದನ್ನು ಬಿಟ್ಟರೆ ಉಳಿದ ಬ್ಯಾಟರ್‌ಗಳಿಂದ ಹೇಳಿಕೊಳ್ಳುವ ಪ್ರದರ್ಶನ ಬರಲೇ ಇಲ್ಲ. ಪರಿಣಾಮ 49.1 ಓವರ್‌ಗಳಲ್ಲಿ ಕರ್ನಾಟಕ ತಂಡ 171 ರನ್‌ಗಳ ಅಲ್ಪ ಮೊತ್ತಕ್ಕೆ ಆಲ್‌ಔಟ್‌ ಆಯಿತು. ಸ್ಟಾರ್‌ ಆಟಗಾರ ಮನೀಶ್‌ ಪಾಂಡೆ (0) ವೈಫಲ್ಯ ಕರ್ನಾಟದ ಬ್ಯಾಟಿಂಗ್‌ ವೈಲ್ಯಗಳಲ್ಲಿ ಒಂದು.
ಜಯದೇವ್ ಉನಾದ್ಕಟ್‌ ಪರಾಕ್ರಮ
ಟೀಮ್ ಇಂಡಿಯಾ ಮತ್ತು ಇಂಡಿಯನ್ ಪ್ರೀಮಿಯರ್‌ ಲೀಗ್ ಟೂರ್ನಿಗಳಲ್ಲಿ ಹಲವು ಫ್ರಾಂಚೈಸಿಗಳ ಪರ ಆಡಿ ಪಳಗಿರುವ ಅನುಭವಿ ಎಡಗೈ ವೇಗದ ಬೌಲರ್ ಜಯದೇವ್ ಉನಾದ್ಕಟ್‌ ಕರ್ನಾಟಕದ ಬ್ಯಾಟ್ಸ್‌ಮನ್‌ಗಳಿಗೆ ಸಿಂಹಸ್ವಪ್ನವಾದರು. ತಮ್ಮ 10 ಓವರ್‌ಗಳಲ್ಲಿ 2 ಮೇಡಿನ್ ಎಸೆದ ಉನಾದ್ಕಟ್‌, ಕೇವಲ 26 ರನ್‌ ಮಾತ್ರವೇ ಕೊಟ್ಟು 4 ವಿಕೆಟ್‌ಗಳನ್ನು ಉರುಳಿಸಿದರು. ಅವರಿಗೆ ಪ್ರೇರಖ್ ಮಂಕಡ್‌ (34ಕ್ಕೆ 2), ಕುಶಂಗ್‌ ಪಟೇಲ್‌ (25ಕ್ಕೆ 1) ಮತ್ತು ಪಾರ್ತ್‌ ಭುತ್ (30ಕ್ಕೆ 1) ಉತ್ತಮ ಸಾಥ್‌ ನೀಡಿದರು.
ಜಯ್ ಗೋಹಿಲ್ ಅರ್ಧಶತಕ
ಗುರಿ ಬೆನ್ನತ್ತಿದ ಸೌರಾಷ್ಟ್ರ ತಂಡ ಮೊದಲ ಎರಡು ಓವರ್‌ಗಳಲ್ಲಿ ತನ್ನಿಬ್ಬರು ಓಪನರ್‌ಗಳಾದ ಹಾರ್ವಿಕ್‌ ದೇಸಾಯ್ (0) ಮತ್ತು ಶೆಲ್ಡನ್ ಜಾಕ್ಸನ್ (0) ಅವರ ವಿಕೆಟ್‌ ಕಳೆದುಕೊಂಡಿತು. ಆದರೆ, ಮಧ್ಯಮ ಕ್ರಮಾಂಕದಲ್ಲಿ ಜಯ್ ಗೋಹಿಲ್ 82 ಎಸೆತಗಳಲ್ಲಿ 61 ರನ್‌ ಬಾರಿಸಿ ಸೌರಾಷ್ಟ್ರ ತಂಡದ ಗೆಲುವಿಗೆ ಬಲವಾದರು. ಅವರೊಟ್ಟಿಗೆ ಸಮರ್ಥ್ ವ್ಯಾಸ್‌ (33) ಮತ್ತು ಪ್ರೇರಕ್ ಮಂಕಡ್‌ (35) ಜೊತೆಗಾರಿಕೆ ನಿಭಾಯಿಸಿ ಗೆಲುವಿಗೆ ಬಲವಾದರು. ಕರ್ನಾಟಕ ಪರ ಕೆ. ಗೌತಮ್ (50ಕ್ಕೆ 2) ಯಶಸ್ವಿ ಬೌಲರ್ ಎನಿಸಿದರು.
ಸಂಕ್ಷಿಪ್ತ ಸ್ಕೋರ್‌
ಕರ್ನಾಟಕ: 49.1 ಓವರ್‌ಗಳಲ್ಲಿ 171 ರನ್‌ಗಳಿಗೆ ಆಲ್‌ಔಟ್‌ (ಆರ್‌ ಸಮರ್ಥ್ 88, ಮನೋಜ್‌ ಭಾಂಡಗೆ 22; ಜಯದೇವ್ ಉನಾದ್ಕಟ್‌ 26ಕ್ಕೆ 4).
ಸೌರಾಷ್ಟ್ರ: 36.2 ಓವರ್‌ಗಳಲ್ಲಿ 5 ವಿಕೆಟ್‌ಗಳ ನಷ್ಟಕ್ಕೆ 172 ರನ್‌ (ಜಯ್ ಗೋಹಿಲ್ 61, ಸಮರ್ಥ್ ವ್ಯಾಸ್‌ 33, ಪ್ರೇರಕ್ ಮಂಕಡ್‌ 35, ಅರ್ಪಿತ್‌ ವಾಸವಾಡ ಅಜೇಯ 25; ಕೆ. ಗೌತಮ್ 50ಕ್ಕೆ 2).