Virat Kohli: ಧೋನಿ ಓವರ್‌ಟೇಕ್ ಮಾಡಲಿರುವ ವಿರಾಟ್

ಹೊಸದಿಲ್ಲಿ: ಅತಿ ಹೆಚ್ಚು ಜನಸಂಖ್ಯೆಯನ್ನು ಹೊಂದಿರುವ ವಿಶ್ವದ ಎರಡನೇ ರಾಷ್ಟ್ರವಾದ ಭಾರತದ ಹೈ ಪ್ರೊಫೈಲ್ ಕ್ರೀಡಾಳುವಾಗಿರುವ ವಿರಾಟ್ ಕೊಹ್ಲಿ, ತಮ್ಮದೇ ಆದ ಬ್ರ್ಯಾಂಡ್ ವಲಯವನ್ನು ರೂಪಿಸಿದ್ದಾರೆ.

ವಾಚ್, ಕಾರ್, ಕ್ರೀಡಾ ಶೂ, ಬೈಕ್, ಬಟ್ಟೆಬರೆ, ಚಕ್ರಗಳು, ಆರೋಗ್ಯ ಪಾನೀಯ, ಹೆಡ್‌ಪೋನ್ ಹೀಗೆ ಎಲ್ಲ ಮಾರುಕಟ್ಟೆ ವಲಯದಲ್ಲೂ ತಮ್ಮ ಛಾಪು ಒತ್ತಿದ್ದಾರೆ.

30ರ ಹರೆಯದ ಕೊಹ್ಲಿ ಈಗಾಗಲೇ ವಿಶ್ವ ಪ್ರಖ್ಯಾತ ಪುಮಾ, ಆಡಿ, ಉಬೆರ್, ಹೀರೂ ಹೀಗೆ ಸೇರಿದಂತೆ 21ಕ್ಕೂ ಹೆಚ್ಚು ಜಾಹೀರಾತು ಬ್ರ್ಯಾಂಡ್‌ಗಳಿಗೆ ಪ್ರಮುಖ ರಾಯಭಾರಿಯಾಗಿದ್ದಾರೆ.

ಜನಪ್ರಿಯ ನಿಯಕಾಲಿಕ ಫೋರ್ಬ್ಸ್ ಬಿಡುಗಡೆ ಮಾಡಿರುವ 2018ರ ಅತಿ ಹೆಚ್ಚು ಸಂಭಾವನೆ ಪಡೆಯುವ ಕ್ರೀಡಾಳುಗಳ ಸಾಲಿನಲ್ಲೂ ಗುರುತಿಸಿಕೊಂಡಿರುವ ವಿರಾಟ್ ಕೊಹ್ಲಿ, ಕಳೆದೊಂದು ವರ್ಷದಲ್ಲಿ ಅಂದಾಜು 24 ಮಿಲಿಯನ್ ಅಮೆರಿಕನ್ ಡಾಲರ್ ಸಂಪಾದಿಸಿದ್ದಾರೆ.

ಈ ಮೂಲಕ ಟೆನಿಸ್ ಲೋಕದ ಟಾಪ್ ಅಥ್ಲೀಟ್ ನೋವಾಕ್ ಜೊಕೊವಿಚ್ ಮುಂತಾದವರನ್ನೇ ಹಿಂದಿಕ್ಕಿದ್ದಾರೆ.

ಫೋರ್ಬ್ಸ್ ಪಟ್ಟಿಯಲ್ಲಿ ನಂ.1 ಸ್ಥಾನದಲ್ಲಿರುವ ಬಾಕ್ಸರ್ ಮೇವೆದರ್ ಹಾಗೂ ನಂ.2 ಸ್ಥಾನದಲ್ಲಿರುವ ಸ್ಟಾರ್ ಫುಟ್ಬಾಲಿಗ ಲಿಯೋನೆಲ್ ಮೆಸ್ಸಿರನ್ನು ವಿರಾಟ್ ಸದ್ಯದಲ್ಲೇ ಹಿಂದಿಕ್ಕುವ ಸಾಧ್ಯತೆ ಕಡಿಮೆಯಾಗಿದೆ.

ಆದರೆ ದೇಶದ ಪೈಕಿ ಮಹೇಂದ್ರ ಸಿಂಗ್ ಧೋನಿ ಅವರನ್ನು ಹಿಂದಿಕ್ಕುವುದು ನಿಚ್ಚಳವೆನಿಸಿದ್ದು, ಅತಿ ಹೆಚ್ಚು ಸಂಭಾವನೆ ಪಡೆಯುವ ಕ್ರೀಡಾಪಟು ಎಂದೆನಿಸಿಕೊಳ್ಳಲಿದ್ದಾರೆ. 2015ರಲ್ಲಿ ಧೋನಿ 31 ಮಿಲಿಯನ್ ಅಮೆರಿಕನ್ ಡಾಲರ್ ಸಂಭಾವನೆ ಪಡೆದಿದ್ದರು.

ಹಂತ ಹಂತವಾಗಿ ಕ್ರಿಕೆಟ್ ಲೋಕದಲ್ಲಿ ಕೊಹ್ಲಿ ಗಳಿಸುತ್ತಿರುವ ಜನಪ್ರಯತೆ ಜಾಹೀರಾತು ಲೋಕದಲ್ಲೂ ಮಿಂಚಿನ ಓಟಕ್ಕೆ ಕಾರಣವಾಗಿದೆ. ಬಾಲಿವುಡ್ ನಟಿ ಅನುಷ್ಕಾ ಶರ್ಮಾರನ್ನು ವಿವಾಹವಾಗುವ ಮೂಲಕ ಕುಟುಂಬಸ್ಥ ಎಂದೆನಿಸಿಕೊಂಡಿದ್ದರು.

ದೇಶದ ಒಟ್ಟು ಜನಸಂಖ್ಯೆಯ ಅರ್ಧದಷ್ಟು ಹೊಂದಿರುವ ಯುವ ಜನಾಂಗವನ್ನು ಕೊಹ್ಲಿ ಅತಿ ಹೆಚ್ಚು ಆಕರ್ಷಣೆಗೆ ಪಾತ್ರವಾಗಿದ್ದಾರೆ. ಹಾಗೆಯೇ ಸಾಮಾಜಿಕ ಜಾಲತಾಣದಲ್ಲೂ ಅತಿ ಹೆಚ್ಚು ಪ್ರಭಾವವನ್ನು ಹೊಂದಿದ್ದಾರೆ. ಫೇಸ್‍‌ಬುಕ್‌ನಲ್ಲಿ 37 ದಶಲಕ್ಷ, ಇನ್‌ಸ್ಟಾಂಗ್ರಾಂನಲ್ಲಿ 25 ದಶಲಕ್ಷ ಹಾಗೂ ಟ್ವಿಟರ್‌ನಲ್ಲಿ 27.1 ದಶಲಕ್ಷ ಅನುಯಾಯಿಗಳನ್ನು ಹೊಂದಿದ್ದಾರೆ.

ಭಾರತದ ಆರ್ಥಿಕತೆಯು ಏರುಗತಿಯತ್ತ ಸಾಗುತ್ತಿರುವುದು ಮುಂದಿನ ದಿನಗಳಲ್ಲಿ ಕೊಹ್ಲಿ ಸಂಭಾವನೆಯಲ್ಲೂ ವರ್ಧನೆಗೆ ಕಾರಣವಾಗಲಿದೆ ಎಂಬುದನ್ನು ಅಂಶಅಂಶಗಳು ಹೊರಬಂದಿವೆ.