ಮಾಜಿ ನಾಯಕ ಅಜರುದ್ದೀನ್ ದಾಖಲೆ ಮುರಿದ ಕಿಂಗ್ ಕೊಹ್ಲಿ

ರಾಂಚಿ: ಇಲ್ಲಿನ ಜೆಎಸ್‌ಸಿಎ ಅಂತಾರಾಷ್ಟ್ರೀಯ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಮೂರನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಎದುರಾಳಿ ದಕ್ಷಿಣ ಆಫ್ರಿಕಾ ತಂಡವನ್ನು ಫಾಲೋಆನ್‌ಗೆ ಗುರಿಯಾಗಿಸುವ ಮೂಲಕ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ವಿನೂತನ ದಾಖಲೆ ಬರೆದಿದ್ದಾರೆ.

ಭಾರತೀಯ ಟೆಸ್ಟ್ ನಾಯಕರುಗಳ ಪೈಕಿ ಎದುರಾಳಿಗಳನ್ನು ಅತಿ ಹೆಚ್ಚು ಬಾರಿ ಫಾಲೋಆನ್‌ಗೆ ಗುರಿಯಾಗಿರಿಸಿದ ದಾಖಲೆಗೆ ವಿರಾಟ್ ಕೊಹ್ಲಿ ಭಾಜನವಾಗಿದ್ದಾರೆ. ಈ ಮೂಲಕ ಮಾಜಿ ನಾಯಕ ಮೊಹಮ್ಮದ್ ಅಜರುದ್ದೀನ್ ದಾಖಲೆಯನ್ನು ಮುರಿದಿದ್ದಾರೆ.

ಉಮೇಶ್ ಯಾದವ್ ಮಾರಕ ದಾಳಿ; ಡೀನ್ ಎಲ್ಗರ್ ಹೆಲ್ಮೆಟ್‌ಗೆ ಬಡಿದ ಚೆಂಡು, ನಿವೃತ್ತಿ!

ರಾಂಚಿಯಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ರೋಹಿತ್ ಶರ್ಮಾ ಚೊಚ್ಚಲ ದ್ವಿಶತಕದ ನೆರವಿನಿಂದ ಟೀಮ್ ಇಂಡಿಯಾ ಒಂಬತ್ತು ವಿಕೆಟ್ ನಷ್ಟಕ್ಕೆ 497 ರನ್‌ಗಳ ಬೃಹತ್ ಮೊತ್ತ ಪೇರಿಸಿ ಡಿಕ್ಲೇರ್ ಘೋಷಿಸಿತ್ತು.

ಬಳಿಕ ಭಾರತೀಯ ಸಾಂಘಿಕ ಬೌಲಿಂಗ್ ದಾಳಿಗೆ ಕುಸಿತ ಕಂಡ ದಕ್ಷಿಣ ಆಫ್ರಿಕಾ ಮೂರನೇ ದಿನದಾಟದಲ್ಲಿ ಕೇವಲ 162 ರನ್‌ಗಳಿಗೆ ಆಲೌಟ್ ಆಗಿತ್ತು. ಈ ಮೂಲಕ ವಿರಾಟ್ ಕೊಹ್ಲಿ ಫಾಲೋಆನ್ ಹೇರಿದ್ದರು. ವಿರಾಟ್ ಕೊಹ್ಲಿ ಎಂಟನೇ ಬಾರಿಗೆ ಎದುರಾಳಿಗಳ ಮೇಲೆ ಫಾಲೋಆನ್ ಹೇರಿದ್ದಾರೆ. ಈ ಮೂಲಕ ಮಾಜಿ ನಾಯಕ ಅಜರುದ್ದೀನ್ ದಾಖಲೆಯನ್ನು ಮುರಿದಿದ್ದಾರೆ.

ಮಗದೊಂದು ವಿಶಿಷ್ಟ ದಾಖಲೆ ಬರೆದ ಉಮೇಶ್ ಯಾದವ್

ಅತಿ ಹೆಚ್ಚು ಬಾರಿ ಫಾಲೋಆನ್ ಹೇರಿದ ಭಾರತೀಯ ನಾಯಕರು:
ವಿರಾಟ್ ಕೊಹ್ಲಿ: 8*
ಮೊಹಮ್ಮದ್ ಅಜರುದ್ದೀನ್: 7
ಮಹೇಂದ್ರ ಸಿಂಗ್ ಧೋನಿ: 5
ಸೌರವ್ ಗಂಗೂಲಿ: 4

ಅಷ್ಟೇ ಯಾಕೆ ಏಳು ಬಾರಿ ಫಾಲೋಆನ್ ಹೇರುವ ಅವಕಾಶವಿದ್ದರೂ ವಿರಾಟ್ ಕೊಹ್ಲಿ ಫಾಲೋಆನ್ ಹೇರದೆ ಎರಡನೇ ಇನ್ನಿಂಗ್ಸ್ ಬ್ಯಾಟಿಂಗ್ ಮುಂದುವರಿಸಿತ್ತು. ಅಂದ ಹಾಗೆ ಫಾಲೋಆನ್ ಹೇರಿದ ಏಳು ಪಂದ್ಯಗಳ ಪೈಕಿ ಐದರಲ್ಲಿ ಗೆಲುವು ಹಾಗೂ ಎರಡು ಡ್ರಾ ಫಲಿತಾಂಶವನ್ನು ದಾಖಲಿಸಿತ್ತು.

ಡಾನ್ ಬ್ರಾಡ್ಮನ್ 71 ವರ್ಷ ಹಳೆಯ ದಾಖಲೆ ಮುರಿದ ರೋಹಿತ್ ಶರ್ಮಾ

1993/94ರಲ್ಲಿ ಶ್ರೀಲಂಕಾ ವಿರುದ್ಧದ ತವರಿನ ಸರಣಿಯ ಬಳಿಕ ಭಾರತವು ಇದೇ ಮೊದಲ ಬಾರಿಗೆ ಎದುರಾಳಿಗಳ ಮೇಲೆ ಎರಡನೇ ಬಾರಿಗೆ ಫಾಲೋಆನ್ ಹೇರುತ್ತಿದೆ. ಪುಣೆ ಟೆಸ್ಟ್ ಪಂದ್ಯದಲ್ಲೂ ಭಾರತ ಹರಿಣಗಳ ಮೇಲೆ ಫಾಲೋಆನ್ ಹೇರಿತ್ತು. 1964/65ನೇ ಸಾಲಿನಲ್ಲಿ ದಕ್ಷಿಣ ಆಫ್ರಿಕಾ ಕೊನೆಯದಾಗಿ ಸರಣಿಯೊಂದರಲ್ಲಿ ಎರಡೆರಡು ಬಾರಿ ಫಾಲೋಆನ್‌ಗೆ ಗುರಿಯಾಗಿತ್ತು.