Virat Kohli Surpasses Ex Captain Mohammad Azharuddin After Enforcing Follow On Against South Africa
ಮಾಜಿ ನಾಯಕ ಅಜರುದ್ದೀನ್ ದಾಖಲೆ ಮುರಿದ ಕಿಂಗ್ ಕೊಹ್ಲಿ
ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ, ಟೆಸ್ಟ್ ಕ್ರಿಕೆಟ್ನಲ್ಲಿ ಮಗದೊಂದು ಸ್ಮರಣೀಯ ದಾಖಲೆ ಬರೆದಿದ್ದಾರೆ. ಎದುರಾಳಿ ತಂಡದ ಮೇಲೆ ಎಂಟನೇ ಬಾರಿಗೆ ಫಾಲೋಆನ್ ಹೇರಿದ ಹಿರಿಮೆಗೆ ವಿರಾಟ್ ಕೊಹ್ಲಿ ಭಾಜನವಾಗಿದ್ದಾರೆ.
Vijaya Karnataka Web21 Oct 2019, 4:21 pm
ರಾಂಚಿ: ಇಲ್ಲಿನ ಜೆಎಸ್ಸಿಎ ಅಂತಾರಾಷ್ಟ್ರೀಯ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಮೂರನೇ ಹಾಗೂ ಅಂತಿಮ ಟೆಸ್ಟ್ ಪಂದ್ಯದಲ್ಲಿ ಎದುರಾಳಿ ದಕ್ಷಿಣ ಆಫ್ರಿಕಾ ತಂಡವನ್ನು ಫಾಲೋಆನ್ಗೆ ಗುರಿಯಾಗಿಸುವ ಮೂಲಕ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ವಿನೂತನ ದಾಖಲೆ ಬರೆದಿದ್ದಾರೆ.
Vijaya Karnataka Web
ಭಾರತೀಯ ಟೆಸ್ಟ್ ನಾಯಕರುಗಳ ಪೈಕಿ ಎದುರಾಳಿಗಳನ್ನು ಅತಿ ಹೆಚ್ಚು ಬಾರಿ ಫಾಲೋಆನ್ಗೆ ಗುರಿಯಾಗಿರಿಸಿದ ದಾಖಲೆಗೆ ವಿರಾಟ್ ಕೊಹ್ಲಿ ಭಾಜನವಾಗಿದ್ದಾರೆ. ಈ ಮೂಲಕ ಮಾಜಿ ನಾಯಕ ಮೊಹಮ್ಮದ್ ಅಜರುದ್ದೀನ್ ದಾಖಲೆಯನ್ನು ಮುರಿದಿದ್ದಾರೆ.
ರಾಂಚಿಯಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ರೋಹಿತ್ ಶರ್ಮಾ ಚೊಚ್ಚಲ ದ್ವಿಶತಕದ ನೆರವಿನಿಂದ ಟೀಮ್ ಇಂಡಿಯಾ ಒಂಬತ್ತು ವಿಕೆಟ್ ನಷ್ಟಕ್ಕೆ 497 ರನ್ಗಳ ಬೃಹತ್ ಮೊತ್ತ ಪೇರಿಸಿ ಡಿಕ್ಲೇರ್ ಘೋಷಿಸಿತ್ತು. ಬಳಿಕ ಭಾರತೀಯ ಸಾಂಘಿಕ ಬೌಲಿಂಗ್ ದಾಳಿಗೆ ಕುಸಿತ ಕಂಡ ದಕ್ಷಿಣ ಆಫ್ರಿಕಾ ಮೂರನೇ ದಿನದಾಟದಲ್ಲಿ ಕೇವಲ 162 ರನ್ಗಳಿಗೆ ಆಲೌಟ್ ಆಗಿತ್ತು. ಈ ಮೂಲಕ ವಿರಾಟ್ ಕೊಹ್ಲಿ ಫಾಲೋಆನ್ ಹೇರಿದ್ದರು. ವಿರಾಟ್ ಕೊಹ್ಲಿ ಎಂಟನೇ ಬಾರಿಗೆ ಎದುರಾಳಿಗಳ ಮೇಲೆ ಫಾಲೋಆನ್ ಹೇರಿದ್ದಾರೆ. ಈ ಮೂಲಕ ಮಾಜಿ ನಾಯಕ ಅಜರುದ್ದೀನ್ ದಾಖಲೆಯನ್ನು ಮುರಿದಿದ್ದಾರೆ.
ಮಗದೊಂದು ವಿಶಿಷ್ಟ ದಾಖಲೆ ಬರೆದ ಉಮೇಶ್ ಯಾದವ್ ಅತಿ ಹೆಚ್ಚು ಬಾರಿ ಫಾಲೋಆನ್ ಹೇರಿದ ಭಾರತೀಯ ನಾಯಕರು: ವಿರಾಟ್ ಕೊಹ್ಲಿ: 8* ಮೊಹಮ್ಮದ್ ಅಜರುದ್ದೀನ್: 7 ಮಹೇಂದ್ರ ಸಿಂಗ್ ಧೋನಿ: 5 ಸೌರವ್ ಗಂಗೂಲಿ: 4
ಅಷ್ಟೇ ಯಾಕೆ ಏಳು ಬಾರಿ ಫಾಲೋಆನ್ ಹೇರುವ ಅವಕಾಶವಿದ್ದರೂ ವಿರಾಟ್ ಕೊಹ್ಲಿ ಫಾಲೋಆನ್ ಹೇರದೆ ಎರಡನೇ ಇನ್ನಿಂಗ್ಸ್ ಬ್ಯಾಟಿಂಗ್ ಮುಂದುವರಿಸಿತ್ತು. ಅಂದ ಹಾಗೆ ಫಾಲೋಆನ್ ಹೇರಿದ ಏಳು ಪಂದ್ಯಗಳ ಪೈಕಿ ಐದರಲ್ಲಿ ಗೆಲುವು ಹಾಗೂ ಎರಡು ಡ್ರಾ ಫಲಿತಾಂಶವನ್ನು ದಾಖಲಿಸಿತ್ತು.
1993/94ರಲ್ಲಿ ಶ್ರೀಲಂಕಾ ವಿರುದ್ಧದ ತವರಿನ ಸರಣಿಯ ಬಳಿಕ ಭಾರತವು ಇದೇ ಮೊದಲ ಬಾರಿಗೆ ಎದುರಾಳಿಗಳ ಮೇಲೆ ಎರಡನೇ ಬಾರಿಗೆ ಫಾಲೋಆನ್ ಹೇರುತ್ತಿದೆ. ಪುಣೆ ಟೆಸ್ಟ್ ಪಂದ್ಯದಲ್ಲೂ ಭಾರತ ಹರಿಣಗಳ ಮೇಲೆ ಫಾಲೋಆನ್ ಹೇರಿತ್ತು. 1964/65ನೇ ಸಾಲಿನಲ್ಲಿ ದಕ್ಷಿಣ ಆಫ್ರಿಕಾ ಕೊನೆಯದಾಗಿ ಸರಣಿಯೊಂದರಲ್ಲಿ ಎರಡೆರಡು ಬಾರಿ ಫಾಲೋಆನ್ಗೆ ಗುರಿಯಾಗಿತ್ತು.
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್ಡೌನ್ಲೋಡ್ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್ ಕಳಿಸಿ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.