ದಾಂಪತ್ಯ ಜೀವನಕ್ಕೆ ಕಾಲಿಟ್ಟ ವಿರಾಟ್‌ ಕೋಹ್ಲಿ-ಅನುಷ್ಕಾ ಜೋಡಿ

ಹೊಸದಿಲ್ಲಿ: ಇದು ಅಧಿಕೃತ! ಹಲವಾರು ವರ್ಷಗಳಿಂದಲೂ ಜೋಡಿ ಹಕ್ಕಿಗಳಾಗಿ ಪ್ರೇಮಲೋಕದಲ್ಲಿ ವಿಹರಿಸುತ್ತಿದ್ದ ಕ್ರಿಕೆಟಿಗ ವಿರಾಟ್‌ ಕೋಹ್ಲಿ ಮತ್ತು ಬಾಲಿವುಡ್‌ ನಟಿ ಅನುಷ್ಕಾ ಶರ್ಮಾ ಜೀವನದ ಹೊಸ ಇನಿಂಗ್ಸ್‌ ಆರಂಭಿಸಿದ್ದಾರೆ.

ಕೋಹ್ಲಿ ಮತ್ತು ಅನುಷ್ಕಾ ಇಟಲಿಯ ಮಿಲಾನ್‌ ನಗರದಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಇದರೊಂದಿಗೆ ಹಲವಾರು ದಿನಗಳೊಂದಿಗೆ ಇದ್ದ ಊಹಾಪೋಹಗಳಿಗೆ ಈ ವಿವಾಹ ಸುದ್ದಿ ತೆರೆ ಎಳೆದಿದೆ. ಉಭಯ ಕುಟುಂಬಗಳ ಕೆಲವೇ ಕೆಲವು ಸದಸ್ಯರು, ಬಾಲಿವುಡ್‌ ಹಾಗೂ ಕೆಲವೇ ಕೆಲವು ಆಪ್ತ ಕ್ರಿಕೆಟಿಗರು ಮಾತ್ರ ಭಾಗವಹಿಸಿದ್ದರು ಎನ್ನಲಾಗಿದೆ. ಇಟಲಿಯ ಮಿಲಾನ್‌ನಲ್ಲಿರುವ ರೆಸಾರ್ಟ್‌ವೊಂದರಲ್ಲಿ ಈ ಜೋಡಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದೆ.



ವಿರುಷ್ಕಾ ಎಂದೇ ಖ್ಯಾತವಾಗಿರುವ ಈ ಜೋಡಿ ಈಗ ಅಧಿಕೃತವಾಗಿ ಹೊಸ ಇನಿಂಗ್ಸ್‌ ಆರಂಭಿಸಿದೆ.

ಅತಿ ಶೀಘ್ರದಲ್ಲಿಯೇ ಇಬ್ಬರೂ ಅಧಿಕೃತವಾಗಿ ಇದನ್ನು ಪ್ರಕಟಿಸುವ ನಿರೀಕ್ಷೆ ಇದೆ.




It's official: Virat Kohli and Anushka Sharma married pic.twitter.com/5WV8PEukLm — TIMES NOW (@TimesNow) December 11, 2017