ಕಿವೀಸ್ ವಿರುದ್ದ ಮಹತ್ವದ ಕದನ; ನಿಷೇಧದ ಭೀತಿ ಎದುರಿಸುತ್ತಿದ್ದಾರೆಯೇ ಕೊಹ್ಲಿ?

ಹ್ಯಾಮಿಲ್ಟನ್: ಆತಿಥೇಯ ನ್ಯೂಜಿಲೆಂಡ್ ವಿರುದ್ಧ ನಡೆದ ಮೊದಲ ಏಕದಿನ ಪಂದ್ಯದಲ್ಲಿ ಭಾರತ ನಾಲ್ಕು ವಿಕೆಟ್ ಅಂತರದ ಸೋಲಿಗೆ ಶರಣಾಗಿದೆ. ಇದರೊಂದಿಗೆ ಸರಣಿ ವಶಪಡಿಸಿಕೊಳ್ಳಲು ಮುಂದಿನ ಎರಡು ಪಂದ್ಯಗಳಲ್ಲೇ ಗೆಲ್ಲಲೇಬೇಕಾದ ಒತ್ತಡಕ್ಕೆ ಸಿಲುಕಿದೆ.

ಈ ನಡುವೆ ಸ್ಲೋ ಓವರ್ ರೇಟ್ ಸಂಬಂಧಪಟ್ಟಂತೆ ಮಗದೊಮ್ಮೆ ದಂಡನೆಗೊಳಗಾಗಿರುವ ಟೀಮ್ ಇಂಡಿಯಾ ಹಿನ್ನೆಡೆಗೊಳಗಾಗಿದೆ. ಇದರಿಂದಾಗಿ ನಾಯಕ ವಿರಾಟ್ ಕೊಹ್ಲಿ ನಿಷೇಧ ಭೀತಿಯನ್ನು ಎದುರಿಸುತ್ತಿದ್ದಾರೆ ಎಂಬ ವದಂತಿಯು ಹರಡಿದೆ.

ನಿಯಮಗಳು ಏನನ್ನು ಸಾರುತ್ತಿದೆ?
ಹಳೆಯ ಐಸಿಸಿ ನಿಯಮಗಳ ಪ್ರಕಾರ, ಪ್ರವಾಸವೊಂದರಲ್ಲಿ ಮೂರು ಬಾರಿ ನಿಧಾನಗತಿಯ ಓವರ್‌ರೇಟ್‌ಗೆ ಸಂಬಂಧಪಟ್ಟಂತೆ ದಂಡನೆಗೊಳಗಾದರೆ ತಂಡದ ನಾಯಕ ನಿಷೇಧ ಶಿಕ್ಷೆಯನ್ನು ಎದುರಿಸಬೇಕಾಗುತ್ತದೆ. ಆದರೆ ಐಸಿಸಿ ತನ್ನ ನಿಮಯದಲ್ಲಿ ಗಮನಾರ್ಹ ಬದಲಾವಣೆಗಳನ್ನು ತಂದಿದೆ.

ಬಾಲಿವುಡ್ ಸ್ಟಾರ್‌ಗಳನ್ನೇ ಮೀರಿಸಿದ ವಿರಾಟ್ ಕೊಹ್ಲಿ ಬ್ರ್ಯಾಂಡ್ ನಂ.1

ವಿರಾಟ್ ಕೊಹ್ಲಿ ಬಚಾವ್
ಆರ್ಟಿಕಲ್ 2.22 ಐಸಿಸಿ ಹೊಸ ನಿಯಮದ ಪ್ರಕಾರ ನಿಗದಿತ ಸಮಯದೊಳಗೆ ಓವರ್ ಸಂಖ್ಯೆಯನ್ನು ಮುಗಿಸಲು ವಿಫಲವಾದರೆ ಆಟಗಾರರು ಹಾಗೂ ಸಹಾಯಕ ಸಿಬ್ಬಂದಿಗಳ ಮೇಲೆ ಪ್ರತಿ ಓವರ್‌ಗೂ ಶೇಕಡಾ 20ರಷ್ಟು ದಂಡ ವಿಧಿಸಲಾಗುತ್ತದೆ.

ಹಾಗೊಂದು ವೇಳೆ ಹಳೆಯ ನಿಯಮ ಚಾಲ್ತಿಯಲ್ಲಿದ್ದರೆ ಇಷ್ಟರ ವೇಳೆಗೆ ವಿರಾಟ್ ಕೊಹ್ಲಿ ದಂಡನೆಗೊಳಗಾಗುತ್ತಿದ್ದರು. ಯಾಕೆಂದರೆ ಕೊನೆಯ ಎರಡು ಟ್ವೆಂಟಿ-20ಗಳಲ್ಲೂ ಭಾರತ ಸ್ಲೋ ಓವರ್‌ರೇಟ್‌ಗಾಗಿ ದಂಡನೆಗೊಳಗಾಗಿತ್ತು. ನಾಲ್ಕು ಹಾಗೂ ಐದನೇ ಟಿ20ಗಳಲ್ಲಿ ಶೇಕಡಾ 20ರಷ್ಟು ದಂಡ ವಿಧಿಸಿತ್ತು.

ಪದೇ ಪದೇ ಅದೇ ತಪ್ಪೆಸಗಿ ಭಾರಿ ದಂಡ ತೆತ್ತ ಟೀಮ್‌ ಇಂಡಿಯಾ!

ಒಟ್ಟಾರೆಯಾಗಿ ಐಸಿಸಿ ಹೊಸ ನಿಯಮದನ್ವಯ ಟೀಮ್ ಇಂಡಿಯಾ ಸ್ವಲ್ಪ ನಿರಾಳವಾಗುವಂತಾಗಿದೆ. ಏನೇ ಆದರೂ ಸರಣಿ ಗೆಲ್ಲಲು ಮುಂದಿನ ಎರಡೂ ಪಂದ್ಯಗಳಲ್ಲಿ ಗೆಲ್ಲಲೇಬೇಕಿದೆ.