2ನೇ ಏಕದಿನ ಪಂದ್ಯದಲ್ಲಿ ಕಿವೀಸ್ಗೆ 116 ರನ್ಗಳ ಹೀನಾಯ ಸೋಲು
ಕ್ಯಾನ್ಬೆರಾ: ಏಕದಿನ ಕ್ರಿಕೆಟ್ನಲ್ಲಿ ಪ್ರಸಕ್ತ ಸಾಲಿನ 6ನೇ ಶತಕ ಸಿಡಿಸಿದ ಆಸ್ಪ್ರೇಲಿಯಾ ತಂಡದ ಆರಂಭಿಕ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್, ಪ್ರವಾಸಿ ನ್ಯೂಜಿಲೆಂಡ್ ವಿರುದ್ಧದ 116 ರನ್ಗಳ ಭರ್ಜರಿ ಗೆಲುವಿನ ರೂವಾರಿಯೆನಿಸಿದರು.
ಈ ಗೆಲುವಿನೊಂದಿಗೆ ಮೂರು ಪಂದ್ಯಗಳ ಚ್ಯಾಪಲ್-ಹ್ಯಾಡ್ಲಿ ಏಕದಿನ ಕ್ರಿಕೆಟ್ ಸರಣಿಯಲ್ಲಿ ಆಸ್ಪ್ರೇಲಿಯಾ ತಂಡ ಇನ್ನೊಂದು ಪಂದ್ಯ ಬಾಕಿ ಇರುವಂತೆಯೇ ಟ್ರೋಫಿ ತನ್ನದಾಗಿಸಿಕೊಂಡಿದೆ. ಸರಣಿಯ ಮೂರನೇ ಹಾಗೂ ಅಂತಿಮ ಪಂದ್ಯ ಡಿ.9 ರಂದು ಮೆಲ್ಬೋರ್ನ್ನಲ್ಲಿ ನಡೆಯಲಿದೆ.
ಇಲ್ಲಿನ ಮನುಕಾ ಓವಲ್ ಕ್ರೀಡಾಂಗಣದಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಆತಿಥೇಯ ಆಸ್ಪ್ರೇಲಿಯಾ ತಂಡ, ತನ್ನ ಪಾಲಿನ 50 ಓವರ್ಗಳಲ್ಲಿ 5 ವಿಕೆಟ್ ಕಳೆದುಕೊಂಡು 378 ರನ್ಗಳ ಬೃಹತ್ ಮೊತ್ತ ನಿರ್ಮಿಸಿತು.
ಅಬ್ಬರದ ಬ್ಯಾಟಿಂಗ್ ನಡೆಸಿದ ವಾರ್ನರ್ 115 ಎಸೆತಗಳಲ್ಲಿ 14 ಬೌಂಡರಿ ಹಾಗೂ 1 ಸಿಕ್ಸರ್ ನೆರವಿನೊಂದಿಗೆ 119 ರನ್ಗಳ ಅಮೋಘ ಶತಕ ದಾಖಲಿಸಿ ತಂಡದ ಬೃಹತ್ ಮೊತ್ತಕ್ಕೆ ಕಾರಣರಾದರು. ವಾರ್ನರ್ ಅವರ ಏಕದಿನ ಕ್ರಿಕೆಟ್ ವೃತ್ತಿ ಬದುಕಿನ 10ನೇ ಶತಕ ಇದಾಗಿದೆ. ಕೇವಲ ರಿಕಿ ಪಾಂಟಿಂಗ್ (30), ಮಾರ್ಕ್ ವಾ (18) ಹಾಗೂ ಆ್ಯಡಮ್ ಗಿಲ್ಕ್ರಿಸ್ಟ್ (16) ಏಕದಿನ ಕ್ರಿಕೆಟ್ ಶತಕ ಗಳಿಕೆಯಲ್ಲಿ ವಾರ್ನರ್ ಗಿಂತಲೂ ಮುಂದಿರುವ ಬ್ಯಾಟ್ಸ್ಮನ್ಗಳಾಗಿದ್ದಾರೆ. ಮೊದಲ ಪಂದ್ಯದ ಹೀರೊ ನಾಯಕ ಸ್ಟೀವನ್ ಸ್ಮಿತ್, 76 ಎಸೆತಗಳಲ್ಲಿ 72 ರನ್ಗಳನ್ನು ಗಳಿಸಿದರೆ, ಟ್ರಾವಿಸ್ ಹೆಡ್ (32 ಎಸೆತಗಳಲ್ಲಿ 52 ರನ್) ಮತ್ತು ಮಿಚೆಲ್ ಮಾರ್ಷ್ (40 ಎಸೆತಗಳಲ್ಲಿ 76)ತಲಾ ಅರ್ಧಶತಕದ ಕಾಣಿಕೆ ನೀಡಿದರು.
ಬಳಿಕ ಬೃಹತ್ ಮೊತ್ತವನ್ನು ಬೆನ್ನತ್ತಿದ ನ್ಯೂಜಿಲೆಂಡ್ ತಂಡ 47.2 ಓವರ್ಗಳಲ್ಲಿ ತನ್ನೆಲ್ಲಾ ವಿಕೆಟ್ಕಳೆದುಕೊಂಡು 262 ರನ್ಗಳನ್ನು ಮಾತ್ರವೇ ಗಳಿಸಲು ಶಕ್ತವಾಗಿ 116 ರನ್ಗಳ ಹೀನಾಯ ಸೋಲನುಭವಿಸಿತು. ನಾಯಕ ಕೇನ್ ವಿಲಿಯಮ್ಸನ್ (81) ಮತ್ತು ಆಲ್ರೌಂಡರ್ ಜಿಮ್ಮಿ ನೀಶಮ್ (74) ಅರ್ಧಶತಕ ದಾಖಲಿಸಿದರೂ ತಂಡವನ್ನು ಗೆಲುವಿನ ದಡ ಮುಟ್ಟಿಸಲಾಗಲಿಲ್ಲ.
ಸಂಕ್ಷಿಪ್ತ ಸ್ಕೋರ್
ಆಸ್ಪ್ರೇಲಿಯಾ: 50 ಓವರ್ಗಳಲ್ಲಿ 378/5 (ವಾರ್ನರ್ 119, ಸ್ಮಿತ್ 72, ಹೆಡ್ 52, ಮಾರ್ಷ್ 76; ಟಿಮ್ ಸೌಥಿ 63ಕ್ಕೆ 2).
ನ್ಯೂಜಿಲೆಂಡ್: 47.2 ಓವರ್ಗಳಲ್ಲಿ 262 (ಗಪ್ಟಿಲ್ 45, ವಿಲಿಯಮ್ಸನ್ 81, ನೀಶಮ್ 74; ಪ್ಯಾಟ್ ಕಮಿನ್ಸ್ 41ಕ್ಕೆ 4).