ಬಿಯರ್‌ ಕುಡಿದ ಅಮಲಿನಲ್ಲಿ ಮೋಸದಾಟದ ಗುಟ್ಟನ್ನು ಬಾಯ್ಬಿಟ್ಟಿದ್ದ ಡೇವಿಡ್‌ ವಾರ್ನರ್‌!

ಲಂಡನ್‌, ಸೆಪ್ಟೆಂಬರ್‌ 10: ಆಸ್ಟ್ರೇಲಿಯಾ ತಂಡದ ಆರಂಭಿಕ ಬ್ಯಾಟ್ಸ್‌ಮ,ನ್‌ ಡೇವಿಡ್‌ ವಾರ್ನರ್‌ ಬಾಲ್‌ ಟ್ಯಾಂಪರಿಂಗ್‌ (ಚೆಂಡನ್ನು ವಿರೂಪಗೊಳಿಸುವುದು) ಮಾಡುವುದರಲ್ಲಿ ಎಷ್ಟು ನಿಸ್ಸೀಮರು ಎಂಬುದು ಇದೀಗ ಇಡೀ ಕ್ರಿಕೆಟ್‌ ಜಗತ್ತಿಗೇ ತಿಳಿದೆ.

ಕಳೆದ ವರ್ಷ ದಕ್ಷಿಣ ಆಫ್ರಿಕಾ ಪ್ರವಾಸದ ವೇಳೆ ಬಾಲ್‌ ಟ್ಯಾಂಪರಿಂಗ್‌ ನಡೆಸುತ್ತಿರುವುದು ಕ್ಯಾಮೆರಾ ಕಣ್ಣಲ್ಲಿ ಸೆರೆಯಾದ ಬಳಿಕ ಅಂದಿನ ಆಸೀಸ್‌ ನಾಯಕ ಸ್ಟೀವ್‌ ಸ್ಮಿತ್‌, ಉಪನಾಯಕ ವಾರ್ನರ್‌ ಮತ್ತು ಬ್ಯಾಟ್ಸ್‌ಮನ್‌ ಕ್ಯಾಮರೂನ್‌ ಬ್ಯಾಂಕ್ರಾಫ್ಟ್‌ ಬರೋಬ್ಬರಿ ಒಂದು ವರ್ಷ ನಿಷೇಧ ಶಿಕ್ಷೆಗೆ ಗುರಿಯಾಗಿದ್ದರು.

ಪ್ರಥಮ ಅನಧಿಕೃತ ಟೆಸ್ಟ್‌: ಇಂಡಿಯಾ 'ಎ' ಮುಷ್ಠಿಯಲ್ಲಿ ಪ್ರವಾಸಿ ದಕ್ಷಿಣ ಆಫ್ರಿಕಾ 'ಎ' ತಂಡ

ಅಂದಹಾಗೆ ಡೇವಿಡ್‌ ವಾರ್ನರ್‌ ಕೇವಲ ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ ಮಾತ್ರವಲ್ಲ. ಪ್ರಥಮದರ್ಜೆ ಕ್ರಿಕೆಟ್‌ ಪಂದ್ಯಗಳಲ್ಲೂ ಕೂಡ ಚೆಂಡನ್ನು ವಿರೂಪಗೊಳಿಸುವಮೋಸದಾಟವಾಡುತ್ತಿದ್ದರು ಎಂಬ ಸಂಗತಿಯನ್ನು ಇಂಗ್ಲೆಂಡ್‌ ತಂಡದ ಮಾಜಿ ನಾಯಕ ಅಲಸ್ಟೈರ್‌ ಕುಕ್‌ ಬಹಿರಂಗ ಪಡಿಸಿದ್ದಾರೆ.

ಪತ್ನಿಗೆ ಕಿರುಕುಳ ಪ್ರಕರಣದಲ್ಲಿ ಟೀಮ್‌ ಇಂಡಿಯಾದ ವೇಗಿ ಮೊಹಮ್ಮದ್‌ ಶಮಿ ಶರಣಾಗತಿಗೆ ತಡೆಯಾಜ್ಞೆ

ಆಸ್ಟ್ರೇಲಿಯಾದಲ್ಲಿ ಪ್ರಥಮ ದರ್ಜೆ ಪಂದ್ಯಗಳಲ್ಲಿಯೂ ಕೂಡ ಡೇವಿಡ್‌ ವಾರ್ನರ್‌ ಚೆಂಡನ್ನು ತಿರುಚಿ ಮೋಸದಾಟವಾಡುತ್ತಿದ್ದರಂತೆ. ವಾರ್ನರ್‌, ಫೀಲ್ಡಿಂಗ್‌ ವೇಳೆ ಕೈಬೆರಳುಗಳ ರಕ್ಷಣೆ ಸಲುವಾಗಿ ಬಳಕೆ ಮಾಡಲಾಗುವ ಪಟ್ಟಿಗಳಲ್ಲಿ ಚೆಂಡನ್ನು ತಿರುಚಲು ಬೇಕಾದ ವಸ್ತು ಇರಿಸಿಕೊಳ್ಳುತ್ತಿದ್ದರು ಎಂಬ ಸಂಗತಿಯನ್ನು ಅಲಸ್ಟೈರ್‌ ಕುಕ್‌ ಬಾಯ್ಮಬಿಟ್ಟಿದ್ದಾರೆ. ಇದನ್ನು ಖುದ್ದಾಗಿ ಡೇವಿಡ್‌ ವಾರ್ನರ್‌ ಕುಡಿದ ಮತ್ತಿನಲ್ಲಿ ತಮ್ಮ ಬಳಿ ಹೇಳಿಕೊಂಡಿದ್ದರು ಎಂದು ಅಲಿಸ್ಟೈರ್‌ ಕುಕ್‌ ಹೇಳಿದ್ದಾರೆ.

ಆಲ್ ಇಂಡಿಯಾ ರೇಡಿಯೊ (ಏರ್‌) ಮೂಲಕ ಕ್ರಿಕೆಟ್‌ ಲೈವ್‌ ಕಾಮೆಂಟರಿಗೆ ಮುಂದಾದ ಬಿಸಿಸಿಐ

"ಎರಡು ಬಾಟಲ್‌ ಬಿಯರ್‌ ಒಳಹೊಕ್ಕಮೇಲೆ ಮಾತಿಗಿಳಿದ ಡೇವಿಡ್‌ ವಾರ್ನರ್‌, ಪ್ರಥಮ ದರ್ಜೆ ಪಂದ್ಯವೊಂದರಲ್ಲಿ ತನ್ನ ಕೈಬೆರಳಿಗೆ ಕಟ್ಟಿಕೊಂಡ ಪಟ್ಟಿಯಲ್ಲಿ ಚೆಂಡನ್ನು ವಿರೂಪಗೊಳಿಸಲು ಬೇಕಾದ ವಸ್ತುವನ್ನು ಕೊಂಡೊಯ್ಯುತ್ತಿದ್ದುದ್ದಾಗಿ ಹೇಳಿದರು. ಇದಕ್ಕೆ ಕೂಡಲೇ ಎಚ್ಚೆತ್ತುಕೊಂಡ ಸ್ಟೀವ್‌ ಸ್ಮಿತ್‌ 'ಓಹ್‌.. ಇದನ್ನು ನೀನು ಹೇಳಬಾರದಿತ್ತು' ಎಂದು ವಾರ್ನರ್‌ಗೆ ಎಚ್ಚರಿಸಿದರು," ಎಂದು ಕುಕ್‌ ತಮ್ಮ ನೆನೆಪಿನಾಳವನ್ನು ಕೆದಕಿದ್ದಾರೆ. 2017ರ ಆ್ಯಷಸ್‌ ಟೆಸ್ಟ್‌ ಸರಣಿ ಬಳಿಕ ಸಂಭ್ರಮಾಚರಣೆಯಲ್ಲಿ ತೊಡಗಿದ್ದ ವೇಳೆ ಈ ಘಟನೆ ನಡೆಯಿತೆಂದು ಕುಕ್‌ ವಿವರಿಸಿದ್ದಾರೆ.

ಅಫಘಾನಿಸ್ತಾನ ವಿರುದ್ಧದ ಟೆಸ್ಟ್‌ ಸೋಲಿನ ಬಳಿಕ ಅಚ್ಚರಿಯ ಹೇಳಿಕೆ ನೀಡಿದ ಶಕಿಬ್‌ ಅಲ್‌ ಹಸನ್‌

ಇಂಗ್ಲೆಂಡ್‌ ಪರ ಅತಿ ಹೆಚ್ಚು ಟೆಸ್ಟ್‌ ರನ್‌ ಗಳನ್ನು ದಾಖಲಿಸಿದ ಬ್ಯಾಟ್ಸ್‌ಮನ್‌ ಆಗಿರುವ ಅಲಸ್ಟೈರ್‌ ಕುಕ್‌, 2018ರಲ್ಲಿ ಭಾರತ ತಂಡದ ಇಂಗ್ಲೆಂಡ್‌ ಪ್ರವಾಸದ ಬಳಿಕ ತಮ್ಮ ಕ್ರಿಕೆಟ್‌ ವೃತ್ತಿ ಬದುಕಿಗೆ ನಿವೃತ್ತಿ ಘೋಷಿಸಿದ್ದರು.