ಏಕದಿನ ವಿಶ್ವಕಪ್‌ಗೆ ವಿಂಡೀಸ್ ತೇರ್ಗಡೆ

ಹರಾರೆ: ಒಂದು ಕಾಲದಲ್ಲಿ ಕ್ರಿಕೆಟ್ ಕಲಿಗಳು ಎಂದು ಗುರುತಿಸಿಕೊಂಡಿರುವ ಎರಡು ಬಾರಿಯ ವಿಶ್ವ ಚಾಂಪಿಯನ್ ವೆಸ್ಟ್‌ಇಂಡೀಸ್ 2019ನೇ ಏಕದಿನ ವಿಶ್ವಕಪ್‌ಗಾಗಿ ತೇರ್ಗಡೆಯನ್ನು ಹೊಂದಿದೆ.

ಸ್ಕಾಟ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಡಕ್ವರ್ತ್ ಲೂವಿಸ್ ನಿಯಮದಡಿಯಲ್ಲಿ ಐದು ರನ್‌ಗಳ ಅಂತರದ ರೋಚಕ ಗೆಲುವು ದಾಖಲಿಸಿರುವ ವೆಸ್ಟ್‌ಇಂಡೀಸ್ ಕೊನೆಗೂ ವಿಶ್ವಕಪ್‌ನಲ್ಲಿ ತನ್ನ ಜಾಗ ಕಾಯ್ದಿರಿಸಿದೆ.

ಮಳೆ ಬಾಧಿತ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ವಿಂಡೀಸ್ ಕೇವಲ 198 ರನ್‌ಗಳಿಗೆ ಆಲೌಟಾಗಿತ್ತು. ಬಳಿಕ ಉತ್ತರಿಸಿದ ಸ್ಕಾಟ್ಲೆಂಡ್ 14.4 ಓವರ್‌ಗಳಲ್ಲಿ ಐದು ವಿಕೆಟ್ ನಷ್ಟಕ್ಕೆ 125 ರನ್ ಗಳಿಸಿತ್ತು.

ಪಂದ್ಯ ಬಹುತೇಕ ಸಮತೋಲನದಲ್ಲಿದ್ದಾಗ ಸತತ ಮಳೆ ಸುರಿದಿದ್ದರಿಂದ ಪಂದ್ಯಕ್ಕೆ ಅಡಚಣೆಯುಂಟಾಗಿತ್ತು. ಇದರಿಂದಾಗಿ ಸ್ಕಾಟ್ಲೆಂಡ್‌ಗೆ ಗೆಲುವಿನ ಅವಕಾಶ ನಷ್ಟವಾಯಿತು.

ವಿವಾದತ್ಮಾಕ ತೀರ್ಪು ಸಹ ಸ್ಕಾಟ್ಲೆಂಡ್ ಪಾಲಿಗೆ ಮುಳುವಾಯಿತು. ಒಂದು ವೇಳೆ ನಾಲ್ಕು ವಿಕೆಟ್ ಕಳೆದುಕೊಂಡಲ್ಲಿ ಡಕ್ವರ್ತ್ ಲೂವಿಸ್ ನಿಯಮ ಪ್ರಕಾರ ತೇರ್ಗಡೆಯನ್ನು ಖಾತ್ರಿಪಡಿಸುತ್ತಿತ್ತು.

ಒಟ್ಟಿನಲ್ಲಿ ಸ್ಕಾಟ್ಲೆಂಡ್ ಪ್ರಯತ್ನಕ್ಕೆ ಕ್ರಿಕೆಟ್ ಜಗತ್ತಿನಿಂದ ವ್ಯಾಪಕ ಪ್ರಶಂಸೆಗಳು ಹರಿದು ಬಂದಿದೆ.