ಚಾಂಪಿಯನ್ಸ್ ಟ್ರೋಫಿಯಲ್ಲಿ ಭಾರತದ ಸೋಲಿಗೆ ಗಾವಸ್ಕರ್, ಶಾಸ್ತ್ರಿ ಕಾರಣ?

ಹೊಸದಿಲ್ಲಿ: ಇಂಗ್ಲೆಂಡ್‌ನಲ್ಲಿ ಸಾಗಿದ ಚಾಂಪಿಯನ್ಸ್ ಟ್ರೋಫಿ ಫೈನಲ್ ಪಂದ್ಯದಲ್ಲಿ ಸಾಂಪ್ರದಾಯಿಕ ಬದ್ಧ ವೈರಿ ಪಾಕಿಸ್ತಾನ ವಿರುದ್ಧ ಸೋಲನ್ನಪ್ಪಿದ ಭಾರತೀಯ ಕ್ರಿಕೆಟ್ ತಂಡ ತೀವ್ರ ಮುಖಭಂಗಕ್ಕೊಳಗಾಗಿತ್ತು.

ಟೀಮ್ ಇಂಡಿಯಾದ ಸೋಲಿನ ಕಹಿ ನೆನಪು ಇಂದಿಗೂ ಮಾಸಿಲ್ಲ. ಅಭಿಮಾನಿಗಳಿಗಂತೂ ಇದನ್ನು ಅರಗಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಹಾಗಿರುವಾಗ ಚಾಂಪಿಯನ್ಸ್ ಟ್ರೋಫಿ ಫೈನಲ್ ಪಂದ್ಯದಲ್ಲಿ ಭಾರತದ ಸೋಲಿಗೆ ಸಂಬಂಧಿಸಿದಂತೆ ಮತ್ತಷ್ಟು ಆಘಾತಕಾರಿ ವರದಿಗಳು ಹೊರಬರುತ್ತಿದೆ.

ಚಾಂಪಿಯನ್ಸ್ ಟ್ರೋಫಿಯಲ್ಲಿ ಭಾರತದ ಸೋಲಿಗೆ ಮಾಜಿ ಆಟಗಾರರಾದ ಸುನಿಲ್ ಗಾವಸ್ಕರ್ ಮತ್ತು ರವಿಶಾಸ್ತ್ರಿ ಅವರಂತೆ. ಪಾಕಿಸ್ತಾನ ವಿರುದ್ಧ ಅವರು ನೀಡಿರುವ ಕೆಟ್ಟ ಹೇಳಿಕೆಯೇ ಎದುರಾಳಿ ತಂಡವನ್ನು ಹುರಿದುಂಬಿಸಿತ್ತು ಎಂದು ಪಾಕಿಸ್ತಾನ ಕ್ರಿಕೆಟ್ ತಂಡದ ವ್ಯವಸ್ಥಾಪಕ ತಲತ್ ಅಲಿ ಬಹಿರಂಗಪಡಿಸುತ್ತಾರೆ.

ಗಾವಸ್ಕರ್ ಮತ್ತು ರವಿಶಾಸ್ತ್ರಿ ವಿಶ್ಲೇಷಣೆಯನ್ನು ನಾನು ಕೇಳಿಸಿಕೊಂಡಿದ್ದೆ. ಫೈನಲ್ ಪಂದ್ಯದಲ್ಲಿ ನಾವು ಎದುರಾಳಿಯೇ ಅಲ್ಲ ಎಂಬ ರೀತಿಯಲ್ಲಿ ಬಿಂಬಿಸಲಾಗಿತ್ತು. ನಮ್ಮನ್ನು ಸಂಪೂರ್ಣವಾಗಿ ಅಲ್ಲಗಳೆದಿರುವುದು ಆಟಗಾರರಲ್ಲಿ ಕಿಡಿ ಹೊತ್ತಿಸಿತ್ತು. ಬಾಲ್ ಮತ್ತು ಬ್ಯಾಟ್ ಮಾತನಾಡಲಿದೆ ಎಂದು ನಾವು ಹಳಿಕೊಂಡಿದ್ದೆವು ಎಂದು ವಿವರಿಸಿದರು .

ಮೊದಲು ಬ್ಯಾಟಿಂಗ್ ನಡೆಸಿದ ಪಾಕಿಸ್ತಾನ ಫಖಾರ್ ಜಮಾನ್ ಅವರ ಅಮೋಘ ಶತಕ ಸಾಧನೆಯಿಂದ ನಾಲ್ಕು ವಿಕೆಟ್ ನಷ್ಟಕ್ಕೆ 338 ರನ್‌ಗಳ ಬೃಹತ್ ಮೊತ್ತ ಪೇರಿಸಿತ್ತು. ಇದಕ್ಕುತ್ತರವಾಗಿ ಭಾರತ 31ನೇ ಓವರ್‌ನಲ್ಲೇ 159 ರನ್‌ಗಳಿಗೆ ಸರ್ವಪತನವನ್ನು ಕಂಡಿತ್ತು. ಇದರೊಂದಿಗೆ ಐತಿಹಾಸಿಕ ಗೆಲುವು ದಾಖಲಿಸಿತ್ತು.

ಅದೃಷ್ಟವೂ ನಮ್ಮ ಜತೆಗಿತ್ತು. ಟಾಸ್ ಗೆದ್ದರೂ ಭಾರತ ಯಾಕೆ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿತ್ತು ಎಂಬುದು ಗೊತ್ತಿಲ್ಲ. ನಾವು ಪ್ರಬಲ ಬೌಲಿಂಗ್ ದಾಳಿಯನ್ನು ಹೊಂದಿದ್ದು, ಒಮ್ಮೆ ಸ್ಪರ್ಧಾತ್ಮಕ ಮೊತ್ತ ಪೇರಿಸಿದಗ ಭಾರತಕ್ಕೆ ಚೇಸಿಂಗ್ ಕಠಿಣವಾಗಿತ್ತು ಎಂದು ಸೇರಿಸಿದರು.