ಶ್ರಿಲಂಕಾ ವಿರುದ್ಧದ ಟಿ20 ಸರಣಿಗೆ 14 ಸದಸ್ಯರ ವಿಂಡೀಸ್ ತಂಡ ಪ್ರಕಟ, ಗೇಲ್ ಕಮ್ಬ್ಯಾಕ್!
ಶ್ರೀಲಂಕಾ ತಂಡ ದ್ವಿಪಕ್ಷೀಯ ಸರಣಿ ಸಲುವಾಗಿ ವೆಸ್ಟ್ ಇಂಡೀಸ್ ಪ್ರವಾಸ ಕೈಗೊಳ್ಳಲಿದ್ದು, ಟೆಸ್ಟ್ ಮತ್ತು ಟಿ20 ಮಾದರಿಗಳಲ್ಲಿ ಪೈಪೋಟಿ ನಡೆಸಲಿದೆ. ಈ ಹಿನ್ನೆಲೆಯಲ್ಲಿ ಆತಿಥೇಯ ವೆಸ್ಟ್ ಇಂಡೀಸ್ ಶುಕ್ರವಾರ ತನ್ನ 14 ಸದಸ್ಯರ ಬಲಿಷ್ಠ ತಂಡವನ್ನು ಪ್ರಕಟ ಮಾಡಿದೆ.
Vijaya Karnataka Web 27 Feb 2021, 7:55 pm
ಹೈಲೈಟ್ಸ್:
- 2 ವರ್ಷಗಳ ಸುದೀರ್ಘಾವಧಿಯ ನಂತರ ವೆಸ್ಟ್ ಇಂಡೀಸ್ ತಂಡಕ್ಕೆ ಕಮ್ಬ್ಯಾಕ್ ಮಾಡಿದ ಕ್ರಿಸ್ ಗೇಲ್.
- ಅನುಭವಿ ವೇಗಿ ಫೀಡೆಲ್ ಎಡ್ವರ್ಡ್ಸ್ಗೂ ಮಣೆ ಹಾಕಿದ ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿ.
- ಪ್ರವಾಸಿ ಶ್ರೀಲಂಕಾ ವಿರುದ್ಧ ನಡೆಯಲಿರುವ ಮೂರು ಪಂದ್ಯಗಳ ಟಿ20 ಸರಣಿ.
ಹೊಸದಿಲ್ಲಿ: ಟಿ20 ಕ್ರಿಕೆಟ್ನ ದಿಗ್ಗಜ ಆಟಗಾರ ಕ್ರಿಸ್ ಗೇಲ್ ವೆಸ್ಟ್ ಇಂಡೀಸ್ ತಂಡಕ್ಕೆ ಕಮ್ಬ್ಯಾಕ್ ಮಾಡಿದ್ದಾರೆ. ಪ್ರವಾಸಿ ಶ್ರೀಲಂಕಾ ವಿರುದ್ಧ ನಡೆಯಲಿರುವ ಮೂರು ಪಂದ್ಯಗಳ ಟಿ20 ಕ್ರಿಕೆಟ್ ಸರಣಿ ಸಲುವಾಗಿ ವಿಂಡೀಸ್ ಕ್ರಿಕೆಟ್ ಮಂಡಳಿ ಶನಿವಾರ ತನ್ನ 14 ಸದಸ್ಯರ ಬಲಿಷ್ಠ ತಂಡವನ್ನು ಪ್ರಕಟ ಮಾಡಿದೆ. ಬರೋಬ್ಬರಿ ಎರಡು ವರ್ಷಗಳ ಕಾಲ ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ದೂರ ಉಳಿದಿದ್ದ 41 ವರ್ಷದ ಎಡಗೈ ಬ್ಯಾಟ್ಸ್ಮನ್ ಇದೀಗ ವಿಂಡೀಸ್ ತಂಡಕ್ಕೆ ಹಿಂತಿರುಗಿದ್ದಾರೆ. ಜೊತೆಗೆ ಅನುಭವಿ ಬಲಗೈ ವೇಗದ ಬೌಲರ್ ಫೀಡೆಲ್ ಎಡ್ವರ್ಡ್ಸ್ ಕೂಡ ತಂಡಕ್ಕೆ ಮರಳಿದ್ದಾರೆ. ಶ್ರೀಲಂಕಾ ವಿರುದ್ಧದ 3 ಪಂದ್ಯಗಳ ಟಿ20 ಸರಣಿ ಮುಂದಿನ ವಾರ ಆರಂಭವಾಗಲಿದೆ.
2019ರಲ್ಲಿ ಭಾರತ ವಿರುದ್ಧದ ಸರಣಿಯಲ್ಲಿ ಗೇಲ್ ಕೊನೆಯ ಬಾರಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಿದ್ದರು. ಬಳಿಕ ವಿಶ್ವದ ವಿವಿಧ ಭಾಗಗಳಲ್ಲಿನ ಟಿ20 ಲೀಗ್ ಆಡುವುದರಲ್ಲಿ ಗೇಲ್ ತೊಡಗಿಸಿಕೊಂಡಿದ್ದರು. ಸದ್ಯ ಪಾಕಿಸ್ತಾನ್ ಸೂಪರ್ ಲೀಗ್ ಟೂರ್ನಿಯಲ್ಲಿ ಕ್ವೆಟಾ ಗ್ಲಾಡಿಯೇಟರ್ಸ್ ತಂಡದ ಪರ ಆಡುತ್ತಿದ್ದಾರೆ.
ಇಂಗ್ಲೆಂಡ್ ವಿರುದ್ಧ ನಾಲ್ಕನೇ ಟೆಸ್ಟ್ ಪಂದ್ಯದಿಂದ ಜಸ್ಪ್ರಿತ್ ಬುಮ್ರಾ ಔಟ್!
"ಕ್ರಿಸ್ ಗೇಲ್ ಇತ್ತೀಚಿನ ಟೂರ್ನಿಗಳಲ್ಲಿ ಅತ್ಯುತ್ತಮವಾಗಿ ಆಡಿದ್ದಾರೆ. ಹೀಗಾಗಿ ತಂಡಕ್ಕೆ ಅವರು ಈಗಲೂ ಅದ್ಭುತ ಕೊಡುಗೆ ಸಲ್ಲಿಸಬಲ್ಲರು ಎಂದು ತಂಡದ ಆಯ್ಕೆ ಸಮಿತಿ ನಿರ್ಧರಿಸಿದೆ," ಎಂದು ವಿಂಡೀಸ್ ಕ್ರಿಕೆಟ್ ಮಂಡಳಿಯ ಚೀಫ್ ಸೆಲೆಕ್ಟರ್ ರೋಜರ್ ಹಾಪರ್ ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಈ ನಡುವೆ 39 ವರ್ಷದ ಅನುಭವಿ ಬಲಗೈ ವೇಗದ ಬೌಲರ್ ಫೀಡೆಲ್ ಎಡ್ವರ್ಡ್ಸ್ ಬರೋಬ್ಬರಿ 8 ವರ್ಷಗಳ ಬಳಿಕ ತಂಡಕ್ಕೆ ಮರಳಿದ್ದಾರೆ. 2015ರಲ್ಲಿ ಹ್ಯಾಂಪ್ಶೈರ್ ತಂಡಕ್ಕೆ ಸೇರಿದ್ದ ಕಾರಣ ಎಡ್ವರ್ಡ್ಸ್ ರಾಷ್ಟ್ರೀಯ ತಂಡದ ಪರ ಆಡುವ ಅರ್ಹತೆ ಕಳೆದುಕೊಂಡಿದ್ದರು. ಈಗ ಕೌಂಟಿ ಕ್ರಿಕೆಟ್ ಜೊತೆಗಿನ ಒಪ್ಪಂದವನ್ನು ಎಡ್ವರ್ಡ್ಸ್ ಅಂತ್ಯಗೊಳಿಸಿದ್ದಾರೆ. ಹೀಗಾಗಿ ರಾಷ್ಟ್ರೀಯ ತಂಡದ ಆಯ್ಕೆಗೆ ಲಭ್ಯವಾಗಿದ್ದಾರೆ.
'ಟೀಮ್ ಇಂಡಿಯಾ ಜೆರ್ಸಿ ಧರಿಸುತ್ತೇನೆಂದು ಎಂದೂ ಭಾವಿಸಿರಲಿಲ್ಲ' : ಆರ್ ಅಶ್ವಿನ್
ಇನ್ನು ಹೊಸ ಮುಖ ಎನಿಸಿಕೊಂಡಿರುವ ಎಡಗೈ ಸ್ಪಿನ್ನರ್ ಅಕೀಲ್ ಹುಸೇನ್ ವಿಂಡೀಸ್ ಟಿ20 ತಂಡದಲ್ಲಿ ಮೊದಲ ಬಾರಿ ಸ್ಥಾನ ಪಡೆದಿದ್ದಾರೆ. ಇದಕ್ಕೂ ಮುನ್ನ ಬಾಂಗ್ಲಾದೇಶ ವಿರುದ್ಧದ ಏಕದಿನ ಸರಣಿಯಲ್ಲಿ ಆಡಿದ ಅನುಭವ ಹೊಂದಿದ್ದಾರೆ. ಈ ನಡುವೆ ಕೋವಿಡ್-19 ಸೋಂಕಿನಿಂದ ಚೇತರಿಸುತ್ತಿರುವ ದೈತ್ಯ ಆಲ್ರೌಂಡರ್ ಆಂಡ್ರೆ ರಸೆಲ್ ಅವರಿಗೆ ವಿಶ್ರಾಂತಿ ನೀಡಲಾಗಿದೆ.
ನೋ..ನೋ.. ವಿರಾಟ್ ಕೊಹ್ಲಿ ಮಾತು ನಾನು ಒಪ್ಪಲ್ಲ ಎಂದ ಕುಕ್!
ಶ್ರೀಲಂಕಾ ವಿರುದ್ಧದ ಸರಣಿಗೆ ವೆಸ್ಟ್ ಇಂಡೀಸ್ ತಂಡ ಹೀಗಿದೆ
1. ಕೈರೊನ್ ಪೊಲಾರ್ಡ್ (ನಾಯಕ/ಆಲ್ರೌಂಡರ್)
2. ಕ್ರಿಸ್ ಗೇಲ್ (ಎಡಗೈ ಆರಂಭಿಕ ಬ್ಯಾಟ್ಸ್ಮನ್)
3. ಲೆಂಡ್ಲ್ ಸಿಮನ್ಸ್ (ಬಲಗೈ ಆರಂಭಿಕ ಬ್ಯಾಟ್ಸ್ಮನ್)
4. ನಿಕೊಲಸ್ ಪೂರನ್ (ವಿಕೆಟ್ಕೀಪರ್/ಎಡಗೈ ಬ್ಯಾಟ್ಸ್ಮನ್)
5. ಫೇಬಿಯೆನ್ ಆಲೆನ್ (ಆಲ್ರೌಂಡರ್)
6. ಡ್ವೇನ್ ಬ್ರಾವೋ (ಆಲ್ರೌಂಡರ್)
7. ಆಂಡ್ರೆ ಫ್ಲೆಚೆರ್ (ಆಲ್ರೌಂಡರ್)
8. ಜೇಸನ್ ಹೋಲ್ಡರ್ (ಆಲ್ರೌಂಡರ್)
9. ಅಕೀಲ್ ಹುಸೇನ್ (ಎಡಗೈ ಸ್ಪಿನ್ನರ್)
10. ಎವಿನ್ ಲೂಯಿಸ್ (ಎಡಗೈ ಬ್ಯಾಟ್ಸ್ಮನ್)
11. ಒಬೆಡ್ ಮೆಕಾಯ್ (ಎಡಗೈ ವೇಗದ ಬೌಲರ್)
12. ರೋವ್ಮನ್ ಪೊವೆಲ್ (ಬಲಗೈ ಬ್ಯಾಟ್ಸ್ಮನ್/ಸಾಂದರ್ಭಿಕ ಬಲಗೈ ವೇಗಿ)
13. ಫೀಡೆಲ್ ಎಡ್ವರ್ಡ್ಸ್ (ಬಲಗೈ ವೇಗದ ಬೌಲರ್)
14. ಕೆವಿನ್ ಸಿಂಕ್ಲೇರ್ (ಆಫ್ ಸ್ಪಿನ್ನರ್)
2019ರಲ್ಲಿ ಭಾರತ ವಿರುದ್ಧದ ಸರಣಿಯಲ್ಲಿ ಗೇಲ್ ಕೊನೆಯ ಬಾರಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಡಿದ್ದರು. ಬಳಿಕ ವಿಶ್ವದ ವಿವಿಧ ಭಾಗಗಳಲ್ಲಿನ ಟಿ20 ಲೀಗ್ ಆಡುವುದರಲ್ಲಿ ಗೇಲ್ ತೊಡಗಿಸಿಕೊಂಡಿದ್ದರು. ಸದ್ಯ ಪಾಕಿಸ್ತಾನ್ ಸೂಪರ್ ಲೀಗ್ ಟೂರ್ನಿಯಲ್ಲಿ ಕ್ವೆಟಾ ಗ್ಲಾಡಿಯೇಟರ್ಸ್ ತಂಡದ ಪರ ಆಡುತ್ತಿದ್ದಾರೆ.
ಇಂಗ್ಲೆಂಡ್ ವಿರುದ್ಧ ನಾಲ್ಕನೇ ಟೆಸ್ಟ್ ಪಂದ್ಯದಿಂದ ಜಸ್ಪ್ರಿತ್ ಬುಮ್ರಾ ಔಟ್!
"ಕ್ರಿಸ್ ಗೇಲ್ ಇತ್ತೀಚಿನ ಟೂರ್ನಿಗಳಲ್ಲಿ ಅತ್ಯುತ್ತಮವಾಗಿ ಆಡಿದ್ದಾರೆ. ಹೀಗಾಗಿ ತಂಡಕ್ಕೆ ಅವರು ಈಗಲೂ ಅದ್ಭುತ ಕೊಡುಗೆ ಸಲ್ಲಿಸಬಲ್ಲರು ಎಂದು ತಂಡದ ಆಯ್ಕೆ ಸಮಿತಿ ನಿರ್ಧರಿಸಿದೆ," ಎಂದು ವಿಂಡೀಸ್ ಕ್ರಿಕೆಟ್ ಮಂಡಳಿಯ ಚೀಫ್ ಸೆಲೆಕ್ಟರ್ ರೋಜರ್ ಹಾಪರ್ ತಮ್ಮ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಈ ನಡುವೆ 39 ವರ್ಷದ ಅನುಭವಿ ಬಲಗೈ ವೇಗದ ಬೌಲರ್ ಫೀಡೆಲ್ ಎಡ್ವರ್ಡ್ಸ್ ಬರೋಬ್ಬರಿ 8 ವರ್ಷಗಳ ಬಳಿಕ ತಂಡಕ್ಕೆ ಮರಳಿದ್ದಾರೆ. 2015ರಲ್ಲಿ ಹ್ಯಾಂಪ್ಶೈರ್ ತಂಡಕ್ಕೆ ಸೇರಿದ್ದ ಕಾರಣ ಎಡ್ವರ್ಡ್ಸ್ ರಾಷ್ಟ್ರೀಯ ತಂಡದ ಪರ ಆಡುವ ಅರ್ಹತೆ ಕಳೆದುಕೊಂಡಿದ್ದರು. ಈಗ ಕೌಂಟಿ ಕ್ರಿಕೆಟ್ ಜೊತೆಗಿನ ಒಪ್ಪಂದವನ್ನು ಎಡ್ವರ್ಡ್ಸ್ ಅಂತ್ಯಗೊಳಿಸಿದ್ದಾರೆ. ಹೀಗಾಗಿ ರಾಷ್ಟ್ರೀಯ ತಂಡದ ಆಯ್ಕೆಗೆ ಲಭ್ಯವಾಗಿದ್ದಾರೆ.
'ಟೀಮ್ ಇಂಡಿಯಾ ಜೆರ್ಸಿ ಧರಿಸುತ್ತೇನೆಂದು ಎಂದೂ ಭಾವಿಸಿರಲಿಲ್ಲ' : ಆರ್ ಅಶ್ವಿನ್
ಇನ್ನು ಹೊಸ ಮುಖ ಎನಿಸಿಕೊಂಡಿರುವ ಎಡಗೈ ಸ್ಪಿನ್ನರ್ ಅಕೀಲ್ ಹುಸೇನ್ ವಿಂಡೀಸ್ ಟಿ20 ತಂಡದಲ್ಲಿ ಮೊದಲ ಬಾರಿ ಸ್ಥಾನ ಪಡೆದಿದ್ದಾರೆ. ಇದಕ್ಕೂ ಮುನ್ನ ಬಾಂಗ್ಲಾದೇಶ ವಿರುದ್ಧದ ಏಕದಿನ ಸರಣಿಯಲ್ಲಿ ಆಡಿದ ಅನುಭವ ಹೊಂದಿದ್ದಾರೆ. ಈ ನಡುವೆ ಕೋವಿಡ್-19 ಸೋಂಕಿನಿಂದ ಚೇತರಿಸುತ್ತಿರುವ ದೈತ್ಯ ಆಲ್ರೌಂಡರ್ ಆಂಡ್ರೆ ರಸೆಲ್ ಅವರಿಗೆ ವಿಶ್ರಾಂತಿ ನೀಡಲಾಗಿದೆ.
ನೋ..ನೋ.. ವಿರಾಟ್ ಕೊಹ್ಲಿ ಮಾತು ನಾನು ಒಪ್ಪಲ್ಲ ಎಂದ ಕುಕ್!
ಶ್ರೀಲಂಕಾ ವಿರುದ್ಧದ ಸರಣಿಗೆ ವೆಸ್ಟ್ ಇಂಡೀಸ್ ತಂಡ ಹೀಗಿದೆ
1. ಕೈರೊನ್ ಪೊಲಾರ್ಡ್ (ನಾಯಕ/ಆಲ್ರೌಂಡರ್)
2. ಕ್ರಿಸ್ ಗೇಲ್ (ಎಡಗೈ ಆರಂಭಿಕ ಬ್ಯಾಟ್ಸ್ಮನ್)
3. ಲೆಂಡ್ಲ್ ಸಿಮನ್ಸ್ (ಬಲಗೈ ಆರಂಭಿಕ ಬ್ಯಾಟ್ಸ್ಮನ್)
4. ನಿಕೊಲಸ್ ಪೂರನ್ (ವಿಕೆಟ್ಕೀಪರ್/ಎಡಗೈ ಬ್ಯಾಟ್ಸ್ಮನ್)
5. ಫೇಬಿಯೆನ್ ಆಲೆನ್ (ಆಲ್ರೌಂಡರ್)
6. ಡ್ವೇನ್ ಬ್ರಾವೋ (ಆಲ್ರೌಂಡರ್)
7. ಆಂಡ್ರೆ ಫ್ಲೆಚೆರ್ (ಆಲ್ರೌಂಡರ್)
8. ಜೇಸನ್ ಹೋಲ್ಡರ್ (ಆಲ್ರೌಂಡರ್)
9. ಅಕೀಲ್ ಹುಸೇನ್ (ಎಡಗೈ ಸ್ಪಿನ್ನರ್)
10. ಎವಿನ್ ಲೂಯಿಸ್ (ಎಡಗೈ ಬ್ಯಾಟ್ಸ್ಮನ್)
11. ಒಬೆಡ್ ಮೆಕಾಯ್ (ಎಡಗೈ ವೇಗದ ಬೌಲರ್)
12. ರೋವ್ಮನ್ ಪೊವೆಲ್ (ಬಲಗೈ ಬ್ಯಾಟ್ಸ್ಮನ್/ಸಾಂದರ್ಭಿಕ ಬಲಗೈ ವೇಗಿ)
13. ಫೀಡೆಲ್ ಎಡ್ವರ್ಡ್ಸ್ (ಬಲಗೈ ವೇಗದ ಬೌಲರ್)
14. ಕೆವಿನ್ ಸಿಂಕ್ಲೇರ್ (ಆಫ್ ಸ್ಪಿನ್ನರ್)