ಸಚಿನ್‌ ಬರ್ತ್‌ಡೇಗೆ ಶುಭಾಶಯಗಳ ಮಹಾಪೂರ

ಹೊಸದಿಲ್ಲಿ: ಇಂದು (ಎಪ್ರಿಲ್ 24, 2019) 46ನೇ ವರ್ಷಕ್ಕೆ ಕಾಲಿರಿಸಿರುವ ಕ್ರಿಕೆಟ್ ದೇವರು ಖ್ಯಾತಿಯ ಸಚಿನ್ ತೆಂಡೂಲ್ಕರ್ ಅವರಿಗೆ ಟ್ವಿಟರ್‌ನಲ್ಲಿ ಹುಟ್ಟುಹಬ್ಬದ ಶುಭಾಶಯಗಳ ಮಹಾಪೂರವೇ ಹರಿದು ಬಂದಿದೆ.

ಭಾರತ ಕ್ರಿಕೆಟ್‌ ರಂಗಕ್ಕೆ ಅವಿಸ್ಮರಣೀಯ ಕೊಡುಗೆಗಳನ್ನು ಸಲ್ಲಿಸಿರುವ ಸಚಿನ್ ತೆಂಡೂಲ್ಕರ್ 2013ರಲ್ಲಿ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದರು.

ದೇಶದ ಅತ್ಯುನ್ನತ್ತ 'ಭಾರತ ರತ್ನ' ಪ್ರಶಸ್ತಿ ಸ್ವೀಕರಿಸಿದ ಏಕೈಕ ಸಕ್ರಿಯ ಕ್ರೀಡಾಪಟು ಎಂಬ ಹಿರಿಮೆಗೂ ಸಚಿನ್ ಭಾಜವಾಗಿದ್ದರು.


ಟೆಸ್ಟ್ ಹಾಗೂ ಏಕದಿನ ಸೇರಿದಂತೆ ಒಟ್ಟು 100 ಅಂತಾರಾಷ್ಟ್ರೀಯ ದಾಖಲೆಯನ್ನು ಸಚಿನ್ ಬರೆದಿದ್ದಾರೆ. ಹಾಗೆಯೇ ಏಕದಿನದಲ್ಲಿ ದಾಖಲೆಯ 18,4276 ಹಾಗೂ ಟೆಸ್ಟ್‌ನಲ್ಲಿ 15,921 ರನ್ ಪೇರಿಸಿದ್ದಾರೆ.

1992ರಲ್ಲಿ ಮೊದಲ ಬಾರಿಗೆ ವಿಶ್ವಕಪ್ ತಂಡದಲ್ಲಿ ಕಾಣಿಸಿಕೊಂಡಿದ್ದ ಸಚಿನ್, 2011ರಲ್ಲಿ ತಮ್ಮ ಕೊನೆಯ ಹಾಗೂ ಆರನೇ ವಿಶ್ವಕಪ್‌ನಲ್ಲಿ ಟ್ರೋಫಿ ಗೆಲ್ಲುವ ಮೂಲಕ ಜೀವಮಾನದ ಕನಸು ನನಸಾಗಿಸಿದ್ದರು.