ಮಹಿಳಾ ಟಿ20 ಕ್ರಿಕೆಟ್‌: ವೆಸ್ಟ್‌ ಇಂಡೀಸ್‌ ವಿರುದ್ಧ ಭಾರತಕ್ಕೆ ಹ್ಯಾಟ್ರಿಕ್‌ ಗೆಲುವು

ಗಯಾನ ಪ್ರಾವಿಡೆನ್ಸ್‌: ಅಧಿಕಾರಯುತ ಪ್ರದರ್ಶನ ಮುಂದುವರಿಸಿರುವ ಪ್ರವಾಸಿ ಭಾರತ ಮಹಿಳಾ ಕ್ರಿಕೆಟ್‌ ತಂಡ, ಇಲ್ಲಿ ನಡೆದ 5 ಪಂದ್ಯಗಳ ಟಿ20 ಕ್ರಿಕೆಟ್‌ ಸರಣಿಯ 3ನೇ ಹಣಾಹಣಿಯಲ್ಲಿ ಆತಿಥೇಯ ವೆಸ್ಟ್‌ ಇಂಡೀಸ್‌ ತಂಡವನ್ನು 7 ವಿಕೆಟ್‌ಗಳಿಂದ ಮಣಿಸಿ, 3-0 ಅಂತರದಲ್ಲಿ ಸರಣಿ ವಶ ಪಡಿಸಿಕೊಂಡಿದೆ.

ಪಂದ್ಯದಲ್ಲಿ ಟಾಸ್‌ ಗೆದ್ದು ಮೊದಲು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡ ವೆಸ್ಟ್‌ ಇಂಡೀಸ್‌ ಮಹಿಳಾ ಪಡೆ, ತನ್ನ ಪಾಲಿನ 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ 59 ರನ್‌ಗಳ ಅತ್ಯಲ್ಪ ಮೊತ್ತವನ್ನಷ್ಟೇ ದಾಖಲಿಸಿತು.ಬಳಿಕ ಗುರಿ ಬೆನ್ನತ್ತಿ ವಿಮೆನ್‌ ಇಂಡಿಯಾ ಜೆಮಿಮಾ ರೋಡ್ರಿಗಸ್‌ ಅವರ ಅಜೇಯ 40 ರನ್‌ಗಳ ಬಲದೊಂದಿಗೆ 16.4 ಓವ್‌ಗಳಲ್ಲಿ ಗೆಲುವಿನ ಕೇಕೆ ಹಾಕಿತು. ಈ ಮೂಲಕ ಹ್ಯಾಟ್ರಿಕ್‌ ಜಯದ ಸಂಭ್ರಮ ಆಚರಿಸಿತು.

ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದಲ್ಲಿ ಕನ್ನಡಿಗರ ದರ್ಬಾರ್; ಮಗದೋರ್ವ ಸ್ಟಾರ್ ಆಲ್‌ರೌಂಡರ್ ಸೇರ್ಪಡೆ

ಇದಕ್ಕೂ ಮುನ್ನ 3 ಪಂದ್ಯಗಳ ಏಕದಿನ ಕ್ರಿಕೆಟ್‌ ಸರಣಿಯಲ್ಲಿ 2-1ರ ಅಂತರದಲ್ಲಿ ವೆಸ್ಟ್‌ ಇಂಡೀಸ್‌ ಎದುರು ಪ್ರಶಸ್ತಿ ಗೆದ್ದಿದ್ದ, ಭಾರತ ತಂಡ ಇದೀಗ ಟಿ20 ಕ್ರಿಕೆಟ್‌ ಸರಣಿಯನ್ನೂ ವಶ ಪಡಿಸಿಕೊಂಡಿದೆ.

ಪಂದ್ಯದಲ್ಲಿ ಭಾರತದ ಪರ ದೀಪ್ತಿ ಶರ್ಮಾ (12ಕ್ಕೆ 2) ಮತ್ತು ರಾಧಾ ಯಾದವ್‌ (6ಕ್ಕೆ 2) ತಲಾ ಎರಡು ವಿಕೆಟ್‌ ಪಡೆದರೆ, ಅನುಜಾ ಪಾಟಿಲ್‌, ಪೂಜಾ ವಸ್ತ್ರಕಾರ್‌, ಹರ್ಮನ್‌ಪ್ರೀತ್‌ ಕೌರ್‌ ಮತ್ತು ಪೂನಮ್‌ ಯಾದವ್‌ ತಲಾ ಒಂದು ವಿಕೆಟ್‌ ಪಡೆದಿದ್ದಾರೆ. ಚೆಡೀನ್‌ ನೇಷನ್‌ (11) ಮತ್ತು ಶಿನೆಲ್ಲಿ ಹೆನ್ರಿ (11) ಅವರನ್ನು ಹೊರತು ಪಡಿಸಿದರೆ ಬೇರಾವ ಬ್ಯಾಟರ್‌ಗಳು ಕೂಡ ಎರಡಂಕಿಯ ಮೊತ್ತ ಗಳಿಸಲಿಲ್ಲ.

ಪೃಥ್ವಿ ಶಾ ವರ್ಷನ್ 2.0; ಮುಂಬಯಿ ತಂಡಕ್ಕೆ ಕಮ್‌ಬ್ಯಾಕ್ ಮಾಡಿದ ಯುವ ಬ್ಯಾಟ್ಸ್‌ಮನ್

ಸರಣಿಯ ನಾಲ್ಕನೇ ಪಂದ್ಯ ನವೆಂಬರ್‌ 17ರಂದು ಇದೇ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಸರಣಿಯನ್ನು 5-0 ಅಂತರದಲ್ಲಿ ಕ್ಲೀನ್‌ ಸ್ವೀಪ್‌ ಮಾಡುವುದು ಭಾರತ ತಂಡದ ಮುಖ್ಯ ಗುರಿಯಾಗಿದೆ.

ಸಂಕ್ಷಿಪ್ತ ಸ್ಕೋರ್‌
ವೆಸ್ಟ್‌ ಇಂಡೀಸ್‌ ಮಹಿಳಾ ತಂಡ: 20 ಓವರ್‌ಗಳಲ್ಲಿ 9 ವಿಕೆಟ್‌ಗೆ 59 (ಚೆಡೀನ್‌ ನೇಷನ್‌ 11, ಶಿನೆಲ್ಲಿ ಹೆನ್ರಿ 11; ದೀಪ್ತಿ ಶರ್ಮಾ 12ಕ್ಕೆ 2, ರಾಧಾ ಯಾದವ್‌ 6ಕ್ಕೆ 2).
ಭಾರತ ಮಹಿಳಾ ಕ್ರಿಕೆಟ್‌ ತಂಡ: 16.4 ಓವರ್‌ಗಳಲ್ಲಿ 3 ವಿಕೆಟ್‌ಗೆ 60 (ಜೆಮಿಮಾ ರೋಡ್ರಿಗಸ್‌ ಅಜೇಯ 40; ಹೇಲೇ ಮ್ಯಾಥ್ಯೂಸ್‌ 7ಕ್ಕೆ 2).