ಮತ್ತೆ ಬ್ಯಾಟ್ ಬೀಸಲಿದ್ದಾರೆ ಸಿಕ್ಸರ್ ಕಿಂಗ್ ಯುವರಾಜ್

ಹೊಸದಿಲ್ಲಿ: ಭಾರತದ ವಿಶ್ವಕಪ್ ವಿಜೇತ ಹೀರೊ ಯುವರಾಜ್ ಸಿಂಗ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಸಲ್ಲಿಸಿದ್ದಾರೆ. 2019 ಏಕದಿನ ವಿಶ್ವಕಪ್ ವೇಳೆಯಲ್ಲಿ ಟೀಮ್ ಇಂಡಿಯಾ ಆಯ್ಕೆಗಾಗಿ ಚಾಂಪಿಯನ್ ಆಟಗಾರನನ್ನು ಪರಿಗಣಿಸಿರಲಿಲ್ಲ. ಇದಾದ ಬೆನ್ನಲ್ಲೇ ಕ್ರಿಕೆಟ್ ಕೆರಿಯರ್‌ಗೆ ಗುಡ್ ಬೈ ಹಾಡಲು ನಿರ್ಧರಿಸಿದ್ದರು.

ಇದರಿಂದಾಗಿ ಸಿಕ್ಸರ್ ಕಿಂಗ್ ಖ್ಯಾತಿಯ ಯುವರಾಜ್ ಸಿಂಗ್ ಬ್ಯಾಟಿಂಗ್ ವೈಭವ ನೋಡುವ ಅವಕಾಶವನ್ನು ಅಭಿಮಾನಿಗಳು ಮಿಸ್ ಮಾಡಿದ್ದಾರೆ. ಈ ನಡುವೆ ಕೆನಡಾದಲ್ಲಿ ನಡೆದ ಟಿ20 ಲೀಗ್‌ನಲ್ಲಿ ಭಾಗವಹಿಸುವ ಮೂಲಕ ಯುವರಾಜ್ ಗಮನ ಸೆಳೆದಿದ್ದರು.

ವಿರಾಟ್ ಕೊಹ್ಲಿಗೆ ಅಡಿಪಾಯ ಹಾಕಿ ಕೊಟ್ಟವರು ಧೋನಿ: ಬ್ರ್ಯಾನ್ ಲಾರಾ

ಇದೀಗ ಎಲ್ಲವೂ ಅಂದುಕೊಂಡಂತೆ ನಡೆದ್ದಲ್ಲಿ ಯುಎಇನಲ್ಲಿ ನಡೆಲಿರುವ ಟಿ10 ಲೀಗ್‌ನಲ್ಲೂ ಯುವರಾಜ್ ಪ್ರಮುಖ ಹೈಲೈಟ್ ಆಗಲಿದ್ದಾರೆ.

ಮಾಜಿ ಸೇರಿದಂತೆ ಸಮಕಾಲೀನ ಕ್ರಿಕೆಟಿಗರು ಭಾಗವಹಿಸುತ್ತಿರುವ ಟಿ10 ಲೀಗ್ ಕಳೆದೆರಡು ವರ್ಷಗಳಲ್ಲಿ ದುಬೈನಲ್ಲಿ ಹೆಚ್ಚಿನ ಆಕರ್ಷಣೆ ಸೆಳೆದಿದೆ. ಅಷ್ಟಕ್ಕೂ ಯುವರಾಜ್ ಭಾಗವಹಿಸುವರೇ ಎಂಬುದು ಇನ್ನಷ್ಟೇ ನಿರ್ಧಾರವಾಗಬೇಕಿದೆ.

ಈ ಬಗ್ಗೆ ಹೇಳಿಕೆ ನೀಡಿರುವ ಟಿ10 ಲೀಗ್ ಮುಖ್ಯಸ್ಥ ಶಾಜಿ ಉಲ್ ಮುಲ್ಕ್, ಯುವರಾಜ್ ಭಾಗವಹಿಸುವ ಸಾಧ್ಯತೆ ಹೆಚ್ಚಿದೆ. ಈ ಬಗ್ಗೆ ಶೀಘ್ರದಲ್ಲೇ ಘೋಷಣೆ ಮಾಡಲಿದ್ದೇವೆ ಎಂದಿದ್ದಾರೆ.

ಮೊದಲು ತಂಡ ಕಟ್ಟಿ, ಟ್ರೋಫಿ ಗೆಲ್ಲಿ; ಆರ್‌ಸಿಬಿ ಮಸಾಜ್ ಥೆರಪಿಸ್ಟ್ ನೇಮಕಕ್ಕೆ ಬುದ್ಧಿವಾದ ಹೇಳಿದ ಫ್ಯಾನ್ಸ್!

ಭಾರತದಿಂದ ನಿವೃತ್ತಿ ಹೊಂದಿದ ಆಟಗಾರರಿಗೆ ಮಾತ್ರ ಭಾಗವಹಿಸಲು ಬಿಸಿಸಿಐ ಅನುಮತಿಯನ್ನು ನೀಡಿದೆ. ಹಾಗಾಗಿ ಯುವರಾಜ್ ಆಡಲು ಮುಕ್ತವಾಗಿದ್ದಾರೆ.

ಕರ್ನಾಟಕ ಟಸ್ಕರ್ಸ್ ಸೇರಿದಂತೆ ಮೂರು ಹೊಸ ಫ್ರಾಂಚೈಸಿಗಳು ಟೂರ್ನಿಯಲ್ಲಿ ಭಾಗವಹಿಸುತ್ತಿದೆ. ಹೆಸರಾಂತ ಆಟಗಾರರಾದ ಇಯಾನ್ ಮಾರ್ಗನ್, ಆದಿಲ್ ರಶೀದ್, ಕೀರಾನ್ ಪೊಲಾರ್ಡ್, ಮಾರ್ಲನ್ ಸ್ಯಾಮುವೆಲ್ಸ್, ಎವಿನ್ ಲೆವೆಸ್, ಹಾಶೀಮ್ ಆಮ್ಲಾ, ಮೊಹಮ್ಮದ್ ಆಮೀರ್, ಸಂದೀಪ್ ಲಚಿಮನೆ, ಇಮಾದ್ ವಾಸೀಂ, ಲಸಿತ್ ಮಾಲಿಂಗ, ತಿಸಾರಾ ಪರೇರಾ, ಮೊಹಮ್ಮದ್ ನಬಿ, ಮೊಯಿನ್ ಅಲಿ, ಡ್ಯಾರೆನ್ ಸಮ್ಮಿ, ಮೊಹಮ್ಮದ್ ಹಫೀಜ್, ಶಾಹೀದ್ ಆಫ್ರಿದಿ, ಶೇನ್ ವಾಟ್ಸನ್ ಪ್ರಮುಖ ಆಕರ್ಷಣೆಯಾಗಲಿದ್ದಾರೆ.

ವಿರಾಟ್ ಕೊಹ್ಲಿ ಶ್ರೇಯಸ್ಸಿಗಾಗಿ ಪತ್ನಿ ಅನುಷ್ಕಾ ಶರ್ಮಾ 'ಕರ್ವಾ ಚೌತ್' ವ್ರತಾಚರಣೆ

ಮೂರನೇ ಆವೃತ್ತಿಯ ಟಿ10 ಕ್ರಿಕೆಟ್ ಲೀಗ್ ನವೆಂಬರ್ 14ರಿಂದ 24ರ ವರೆಗೆ ಅಬುದಾಬಿಯ ಜಯೇದ್ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯಲಿದೆ. ಬಾಂಗ್ಲಾ ಟೈಗರ್ಸ್, ಮರಾಠಾ ಅರಬಿಯನ್ಸ್, ಡೆಕ್ಕಾನ್ ಗ್ಲಾಡಿಯೇಟರ್ಸ್, ಖಲಂದರ್ಸ್, ಡೆಲ್ಲಿ ಬುಲ್ಸ್, ನಾಥರ್ನ್ ವಾರಿಯರ್ಸ್, ಕರ್ನಾಟಕ ಟಸ್ಕರ್ಸ್ ಹಾಗೂ ಟೀಮ್ ಅಬುದಾಬಿ ತಂಡಗಳು ಟ್ರೋಫಿಗಾಗಿ ಸೆಣಸಲಿದೆ.