ಮಲಯಾಳ ಶ್ರೀಕೃಷ್ಣ ಭಕ್ತಿಗೀತೆ ಹಾಡಿದ ಧೋನಿ ಪುತ್ರಿ

ಹೊಸದಿಲ್ಲಿ: ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ದೋನಿ ಅವರ ಪುತ್ರಿ ಝಿವಾ ಮಗದೊಮ್ಮೆ ಸುದ್ದಿಯಲ್ಲಿದ್ದಾರೆ.

ಇತ್ತೀಚೆಗಷ್ಟೇ ಎರಡರ ಬಾಲೆ ಝಿವಾ ಹೆಸರಿನಲ್ಲಿ ಇನ್‌ಸ್ಟಾಗ್ರಾಂ ಖಾತೆಯೊಂದು ತೆರೆದುಕೊಂಡಿತ್ತು.

ಇದೀಗ ಮಲಯಾಳಂ ಜನಪ್ರಿಯ ಸಿನೆಮಾ ಹಾಡೊಂದನ್ನು ಹಾಡುವ ಮೂಲಕ ಝಿವಾ ಗಮನ ಸೆಳೆದಿದ್ದಾರೆ.

  @mahi7781 @sakshisingh_r ❤️❤️ A post shared by ZIVA SINGH DHONI (@zivasinghdhoni006) on Oct 24, 2017 at 5:26am PDT
ಶ್ರೀಕೃಷ್ಣ ಭಕ್ತಿ ಗೀತೆಯನ್ನು ಹಾಡನ್ನು ಝಿವಾ ಹಾಡಿದ್ದಾಳೆ. ಇದು ಇಂಟೆರ್‌ನೆಂಟ್‌ನಲ್ಲಿ ವೈರಲ್ ಆಗಿ ಹರಡುತ್ತಿದೆ.

1992ನೇ ಇಸವಿಯಲ್ಲಿ ಬಿಡುಗಡೆಗೊಂಡ ಮೋಹನ್ ಲಾಲ್ ಅಭಿನಯದ ಮಲಯಾಳ ಚಲನಚಿತ್ರ 'ಅದ್ವೈದಂ' ಚಿತ್ರದಲ್ಲಿ ಗಾಯಕರಾದ ಎಂ.ಜಿ ಶ್ರೀಕುಮರ್ ಮತ್ತು ಕೆ.ಎಸ್ ಚಿತ್ರ ಜನಪ್ರಿಯ 'ಅಂಬಲಪುಳ' ಹಾಡನ್ನು ಹಾಡಿದ್ದರು.

ಕೆಲವು ದಿನಗಳ ಹಿಂದೆಯಷ್ಟೇ ಸೆಲೆಬ್ರಿಟಿ ಫುಟ್ಬಾಲ್ ಪಂದ್ಯದ ಬಳಿಕ ಅಪ್ಪ ಧೋನಿಗೆ ಝಿವಾ ನೀರು ಕುಡಿಸುತ್ತಿರುವ ದೃಶ್ಯ ಹೆಚ್ಚು ಗಮನ ಸೆಳೆದಿತ್ತು.