ಮಾಸ್ಕೊ: ಫುಟ್ಬಾಲ್ ಜಗತ್ತಿನ ಮೆಗಾ ಫೈನಲ್ ಕದನಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಫಿಫಾ ವಿಶ್ವಕಪ್ ಫೈನಲ್ ಹಣಾಹಣಿಯಲ್ಲಿ ಮಾಜಿ ಚಾಂಪಿಯನ್ ಫ್ರಾನ್ಸ್ ಮತ್ತು ಕ್ರೊಯೇಷ್ಯಾ ತಂಡಗಳು ಭಾನುವಾರ ಇಲ್ಲಿನ ಲುಜ್ನಿಕಿ ಕ್ರೀಡಾಂಗಣದಲ್ಲಿ ಮುಖಾಮುಖಿಯಾಗಲಿವೆ.
12 ವರ್ಷಗಳ ನಂತರ ಫೈನಲ್ ಅಖಾಡದಲ್ಲಿ ಕಾಣಿಸಿಕೊಂಡಿರುವ ಬಲಿಷ್ಠ ಫ್ರಾನ್ಸ್ ತಂಡ 20 ವರ್ಷಗಳ ಬಳಿಕ ಚಾಂಪಿಯನ್ ಪಟ್ಟಕ್ಕೇರುವ ಅತ್ಯುತ್ಸಾಹದಲ್ಲಿದೆ. ಆದರೆ ಫ್ರೆಂಚರ ರಣೋತ್ಸಾಹವನ್ನು ಮೆಟ್ಟಿ ನಿಲ್ಲುವ ಉಮೇದಿನಲ್ಲಿರುವ ಚೊಚ್ಚಲ ಫೈನಲಿಸ್ಟ್ ಕ್ರೊಯೇಷ್ಯಾ ಇತಿಹಾಸ ನಿರ್ಮಿಸುವ ತವಕದಲ್ಲಿದೆ.
ನಾಕ್ಔಟ್ ಹಂತದಲ್ಲಿ ಅರ್ಜೆಂಟೀನಾ, ಉರುಗ್ವೆ, ಬೆಲ್ಜಿಯಂನಂತಹ ಬಲಾಢ್ಯ ತಂಡಗಳನ್ನು ಬಗ್ಗು ಬಡಿದು ಫೈನಲ್ ತಲುಪಿರುವ ಫ್ರಾನ್ಸ್ ಮೇಲ್ನೋಟಕ್ಕೆ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡ. ಆದರೆ 3 ನಾಕ್ಔಟ್ ಕದನಗಳಲ್ಲೂ 120 ನಿಮಿಷಗಳ ಕೆಚ್ಚೆದೆಯ ಆಟವಾಡಿ ಪ್ರಶಸ್ತಿ ಸುತ್ತಿಗೆ ಕಾಲಿಟ್ಟಿರುವ ಕ್ರೊಯೇಷ್ಯಾ, ಅಪಾಯಕಾರಿ ತಂಡವೆಂಬುದರಲ್ಲಿ ಎರಡು ಮಾತಿಲ್ಲ. 5ನೇ ವಿಶ್ವಕಪ್ನಲ್ಲಿ ಆಡುತ್ತಿರುವ ಕ್ರೊಯೇಷ್ಯಾ ಒಂದು ವೇಳೆ ಫೈನಲ್ ಕದನದಲ್ಲಿ ಗೆದ್ದರೆ ಫುಟ್ಬಾಲ್ ಜಗತ್ತಿನಲ್ಲಿ ಹೊಸ ಅಧಿಪತಿಯ ಉದಯವಾಗಲಿದೆ. ತನ್ನ 15ನೇ ವಿಶ್ವಕಪ್ನಲ್ಲಿ ಆಡುತ್ತಿರುವ ಫ್ರಾನ್ಸ್ ಗೆದ್ದರೆ 2ನೇ ಬಾರಿ ವಿಶ್ವಕಪ್ ಕಿರೀಟ ಫ್ರೆಂಚರ ಮುಡಿಗೇರಲಿದೆ.
ಕ್ರೊಯೇಷ್ಯಾಗೆ ಇತಿಹಾಸ ನಿರ್ಮಿಸುವ ಅವಕಾಶ
ದಿ ಬ್ಲೇಜರ್ಸ್ ಖ್ಯಾತಿಯ ಕ್ರೊಯೇಷ್ಯಾ ತಂಡಕ್ಕಿದು ಸೇಡಿನ ಸಮರ. 1998ರ ವಿಶ್ವಕಪ್ನ ಸೆಮಿಫೈನಲ್ನಲ್ಲಿ ದಿ ಬ್ಲೂಸ್ ಖ್ಯಾತಿಯ ಫ್ರಾನ್ಸ್ ತಂಡ ಕ್ರೊಯೇಷ್ಯಾವನ್ನು 2-1 ಗೋಲುಗಳಿಂದ ಸೋಲಿಸಿ ಫೈನಲ್ ಪ್ರವೇಶಿಸಿತ್ತು. ಅಲ್ಲದೆ ಫೈನಲ್ನಲ್ಲಿ ಬಲಿಷ್ಠ ಬ್ರೆಜಿಲ್ಗೆ 3-0 ಅಂತರದಲ್ಲಿ ಸೋಲುಣಿಸಿ ಮೊದಲ ಬಾರಿ ಪ್ರಶಸ್ತಿ ಗೆದ್ದು ಬೀಗಿತ್ತು. 20 ವರ್ಷಗಳ ಹಿಂದೆ ಫ್ರಾನ್ಸ್ ವಿರುದ್ಧ ಅನುಭವಿಸಿದ್ದ ಸೋಲಿಗೆ ಸೇಡು ತೀರಿಸಿಕೊಂಡು ವಿಶ್ವಕಪ್ ಎತ್ತಿ ಹಿಡಿಯುವ ಅದ್ಭುತ ಅವಕಾಶ ಇದೀಗ ಕ್ರೊಯೇಷ್ಯಾ ಮುಂದಿದೆ.
ಸೆಂಟರ್ ಆಫ್ ಅಟ್ರಾಕ್ಷನ್
ಫ್ರಾನ್ಸ್: ಕೈಲಿಯಾನ್ ಎಂಬಾಪೆ
19 ವರ್ಷದ ಎಂಬಾಪೆ ಅವರದ್ದು ಮೈದಾನದಲ್ಲಿ ಚಿರತೆ ವೇಗ. ಅರ್ಜೆಂಟೀನಾ ವಿರುದ್ಧದ ಪ್ರಿ ಕ್ವಾರ್ಟರ್ ಫೈನಲ್ನಲ್ಲಿ ಅವಳಿ ಗೋಲುಗಳಿಂದ ಅಬ್ಬರಿಸಿ ಮೆಸ್ಸಿ ಬಳಗಕ್ಕೆ ಶಾಕ್ ನೀಡಿದ್ದ ಪ್ಯಾರಿಸ್ ಸೇಂಟ್-ಜರ್ಮನ್ ಕ್ಲಬ್ನ ಕೈಲಿಯಾನ್, ಫ್ರಾನ್ಸ್ ಬತ್ತಳಿಕೆಯ ಬ್ರಹ್ಮಾಸ್ತ್ರ. ಉಳಿದಂತೆ ಪಾಲ್ ಪೋಗ್ಬಾ, ಆ್ಯಂಟೋಯ್ನಿನ್ ಗ್ರೀಜ್ಮನ್ ತಂಡದ ಪ್ರಮುಖ ಆಟಗಾರರಾಗಿದ್ದಾರೆ.
ಕ್ರೊಯೇಷ್ಯಾ: ಲುಕಾ ಮೊಡ್ರಿಕ್
ನಾಯಕ ಲುಕಾ ಮೊಡ್ರಿಕ್ ಕ್ರೊಯೇಷ್ಯಾ ತಂಡದ ಮ್ಯಾಚ್ ವಿನ್ನರ್. ರಿಯಲ್ ಮ್ಯಾಡ್ರಿಡ್ ಪರ ಆಡುವ 32 ವರ್ಷದ ಲುಕಾ, ಟೂರ್ನಿಯಲ್ಲಿ ಇದುವರೆಗೆ 2 ಗೋಲು ಗಳಿಸಿದ್ದಾರೆ. ಗೋಲ್ ಸ್ಕೋರರ್ ಎಂಬುದಕ್ಕಿಂತಲೂ ಗೋಲುಗಳನ್ನು ಸೃಷ್ಟಿಸುವ ಆಟಗಾರ ಮೊಡ್ರಿಕ್. ಹೀಗಾಗಿ ತಂಡ ಇವರ ಮೇಲೆ ಹೆಚ್ಚು ಅವಲಂಬಿತವಾಗಿದೆ. ಸೆಮಿಫೈನಲ್ ಪಂದ್ಯದ ಹೀರೊಗಳಾದ ಮಾರಿಯೊ ಮಾಂಡ್ಜುಕಿಚ್ ಮತ್ತು ಇವಾನ್ ಪೆರಿಸಿಚ್ ಅವರ ಬಲ ಕ್ರೊಯೇಷ್ಯಾ ತಂಡಕ್ಕಿದೆ.
ಪಂದ್ಯ ಆರಂಭ: ರಾತ್ರಿ 8.30ಕ್ಕೆ
ಸ್ಥಳ: ಲುಜ್ನಿಕಿ ಕ್ರೀಡಾಂಗಣ, ಮಾಸ್ಕೊ
ನೇರ ಪ್ರಸಾರ: ಸೋನಿ ನೆಟ್ವರ್ಕ್
ಒಟ್ಟು ಮುಖಾಮುಖಿ: 05
ಫ್ರಾನ್ಸ್ ಗೆಲುವು: 03
ಕ್ರೊಯೇಷ್ಯಾ ಗೆಲುವು: 00
ಡ್ರಾ: 02
03
3ನೇ ವಿಶ್ವಕಪ್ ಫೈನಲ್ನಲ್ಲಿ ಆಡಲಿರುವ ಫ್ರಾನ್ಸ್ 1998ರಲ್ಲಿ ಪ್ರಶಸ್ತಿ ಗೆದ್ದರೆ, 2006ರಲ್ಲಿ ರನ್ನರ್ಸ್ ಅಪ್ ಸ್ಥಾನಕ್ಕೆ ತೃಪ್ತಿ ಪಟ್ಟಿತ್ತು.
01
ಕ್ರೊಯೇಷ್ಯಾ ತಂಡ ಇದೇ ಮೊದಲ ಬಾರಿ ಫಿಫಾ ವಿಶ್ವಕಪ್ ಫೈನಲ್ನಲ್ಲಿ ಆಡುತ್ತಿದೆ.
ಸ್ಟಾರ್ ಆಟಗಾರರು
ಫ್ರಾನ್ಸ್: ಹ್ಯುಗೊ ಲೊರಿಸ್(ನಾಯಕ), ಕೈಲಿಯಾನ್ ಎಂಬಾಪೆ, ಒಲಿವಿಯರ್ ಗಿರೌಡ್, ಪಾಲ್ ಪೋಗ್ಬಾ, ಆ್ಯಂಟೋಯ್ನಿನ್ ಗ್ರೀಜ್ಮನ್. ಕೋಚ್: ಡಿಡಿಯರ್ ಡೆಸ್ಚಾಂಫ್ಸ್.
ಕ್ರೊಯೇಷ್ಯಾ: ಲುಕಾ ಮೊಡ್ರಿಕ್(ನಾಯಕ), ಇವಾನ್ ರಕಿಟಿಚ್, ಮಾರಿಯೊ ಮಾಂಡ್ಜುಕಿಚ್, ಇವಾನ್ ಪೆರಿಸಿಚ್, ದೆಜಾನ್ ಲೊವ್ರೆನ್. ಕೋಚ್: ಜ್ಲಾಟ್ಕೊ ಡಾಲಿಚ್.
ಒಟ್ಟು ಬಹುಮಾನ ಮೊತ್ತ - 2,694.80 ಕೋಟಿ ರೂ.
ಚಾಂಪಿಯನ್ಸ್ - 255.98 ಕೋಟಿ
ರನ್ನರ್ಸ್ ಅಪ್ - 188.62 ಕೋಟಿ
ಫಿಫಾ ರ್ಯಾಂಕಿಂಗ್
ಫ್ರಾನ್ಸ್: 07
ಕ್ರೊಯೇಷ್ಯಾ: 20
ಫಿಫಾ ವಿಶ್ವಕಪ್ ಸಾಧನೆ
ತಂಡ ಪಂದ್ಯ ಗೆಲುವು ಸೋಲು ಡ್ರಾ
ಫ್ರಾನ್ಸ್ 64 32 19 13
ಕ್ರೊಯೇಷ್ಯಾ 22 11 07 04
ಹಿಂದಿನ ಚಾಂಪಿಯನ್ಸ್
1930: ಉರುಗ್ವೆ, 1934: ಇಟಲಿ, 1938: ಇಟಲಿ, 1950: ಉರುಗ್ವೆ, 1954: ಪಶ್ಚಿಮ ಜರ್ಮನಿ, 1958: ಬ್ರೆಜಿಲ್, 1962: ಬ್ರೆಜಿಲ್, 1966: ಇಂಗ್ಲೆಂಡ್, 1970: ಬ್ರೆಜಿಲ್, 1974: ಪಶ್ಚಿಮ ಜರ್ಮನಿ, 1978: ಅರ್ಜೆಂಟೀನಾ, 1982: ಇಟಲಿ, 1986: ಅರ್ಜೆಂಟೀನಾ, 1990: ಪಶ್ಚಿಮ ಜರ್ಮನಿ, 1994: ಬ್ರೆಜಿಲ್, 1998: ಫ್ರಾನ್ಸ್, 2002: ಬ್ರೆಜಿಲ್, 2006: ಇಟಲಿ, 2010: ಸ್ಪೇನ್, 2014: ಜರ್ಮನಿ.
ತಂಡಗಳ ಸ್ಟ್ರೆಂತ್-ವೀಕ್ನೆಸ್
ಫ್ರಾನ್ಸ್
ಸ್ಟ್ರೆಂತ್
* 2 ಫೈನಲ್ಗಳ ಅನುಭವ
* ರಕ್ಷಣೆ, ಮಿಡ್ಫೀಲ್ಡ್ನಲ್ಲಿ ಬಲಿಷ್ಠ
ವೀಕ್ನೆಸ್
* ಅತಿಯಾದ ನಿರೀಕ್ಷೆ ಮುಳುವಾಗುವ ಸಾಧ್ಯತೆ
ಕ್ರೊಯೇಷ್ಯಾ
ಸ್ಟ್ರೆಂತ್
* ಟೂರ್ನಿಯುದ್ದಕ್ಕೂ ಸಂಘಟಿತ ಆಟ
* ಆಟಗಾರರ ಒಗ್ಗಟ್ಟು
ವೀಕ್ನೆಸ್
* ಮೊದಲ ಫೈನಲ್ನ ಒತ್ತಡ
12 ವರ್ಷಗಳ ನಂತರ ಫೈನಲ್ ಅಖಾಡದಲ್ಲಿ ಕಾಣಿಸಿಕೊಂಡಿರುವ ಬಲಿಷ್ಠ ಫ್ರಾನ್ಸ್ ತಂಡ 20 ವರ್ಷಗಳ ಬಳಿಕ ಚಾಂಪಿಯನ್ ಪಟ್ಟಕ್ಕೇರುವ ಅತ್ಯುತ್ಸಾಹದಲ್ಲಿದೆ. ಆದರೆ ಫ್ರೆಂಚರ ರಣೋತ್ಸಾಹವನ್ನು ಮೆಟ್ಟಿ ನಿಲ್ಲುವ ಉಮೇದಿನಲ್ಲಿರುವ ಚೊಚ್ಚಲ ಫೈನಲಿಸ್ಟ್ ಕ್ರೊಯೇಷ್ಯಾ ಇತಿಹಾಸ ನಿರ್ಮಿಸುವ ತವಕದಲ್ಲಿದೆ.
ನಾಕ್ಔಟ್ ಹಂತದಲ್ಲಿ ಅರ್ಜೆಂಟೀನಾ, ಉರುಗ್ವೆ, ಬೆಲ್ಜಿಯಂನಂತಹ ಬಲಾಢ್ಯ ತಂಡಗಳನ್ನು ಬಗ್ಗು ಬಡಿದು ಫೈನಲ್ ತಲುಪಿರುವ ಫ್ರಾನ್ಸ್ ಮೇಲ್ನೋಟಕ್ಕೆ ಪ್ರಶಸ್ತಿ ಗೆಲ್ಲುವ ನೆಚ್ಚಿನ ತಂಡ. ಆದರೆ 3 ನಾಕ್ಔಟ್ ಕದನಗಳಲ್ಲೂ 120 ನಿಮಿಷಗಳ ಕೆಚ್ಚೆದೆಯ ಆಟವಾಡಿ ಪ್ರಶಸ್ತಿ ಸುತ್ತಿಗೆ ಕಾಲಿಟ್ಟಿರುವ ಕ್ರೊಯೇಷ್ಯಾ, ಅಪಾಯಕಾರಿ ತಂಡವೆಂಬುದರಲ್ಲಿ ಎರಡು ಮಾತಿಲ್ಲ. 5ನೇ ವಿಶ್ವಕಪ್ನಲ್ಲಿ ಆಡುತ್ತಿರುವ ಕ್ರೊಯೇಷ್ಯಾ ಒಂದು ವೇಳೆ ಫೈನಲ್ ಕದನದಲ್ಲಿ ಗೆದ್ದರೆ ಫುಟ್ಬಾಲ್ ಜಗತ್ತಿನಲ್ಲಿ ಹೊಸ ಅಧಿಪತಿಯ ಉದಯವಾಗಲಿದೆ. ತನ್ನ 15ನೇ ವಿಶ್ವಕಪ್ನಲ್ಲಿ ಆಡುತ್ತಿರುವ ಫ್ರಾನ್ಸ್ ಗೆದ್ದರೆ 2ನೇ ಬಾರಿ ವಿಶ್ವಕಪ್ ಕಿರೀಟ ಫ್ರೆಂಚರ ಮುಡಿಗೇರಲಿದೆ.
ಕ್ರೊಯೇಷ್ಯಾಗೆ ಇತಿಹಾಸ ನಿರ್ಮಿಸುವ ಅವಕಾಶ
ದಿ ಬ್ಲೇಜರ್ಸ್ ಖ್ಯಾತಿಯ ಕ್ರೊಯೇಷ್ಯಾ ತಂಡಕ್ಕಿದು ಸೇಡಿನ ಸಮರ. 1998ರ ವಿಶ್ವಕಪ್ನ ಸೆಮಿಫೈನಲ್ನಲ್ಲಿ ದಿ ಬ್ಲೂಸ್ ಖ್ಯಾತಿಯ ಫ್ರಾನ್ಸ್ ತಂಡ ಕ್ರೊಯೇಷ್ಯಾವನ್ನು 2-1 ಗೋಲುಗಳಿಂದ ಸೋಲಿಸಿ ಫೈನಲ್ ಪ್ರವೇಶಿಸಿತ್ತು. ಅಲ್ಲದೆ ಫೈನಲ್ನಲ್ಲಿ ಬಲಿಷ್ಠ ಬ್ರೆಜಿಲ್ಗೆ 3-0 ಅಂತರದಲ್ಲಿ ಸೋಲುಣಿಸಿ ಮೊದಲ ಬಾರಿ ಪ್ರಶಸ್ತಿ ಗೆದ್ದು ಬೀಗಿತ್ತು. 20 ವರ್ಷಗಳ ಹಿಂದೆ ಫ್ರಾನ್ಸ್ ವಿರುದ್ಧ ಅನುಭವಿಸಿದ್ದ ಸೋಲಿಗೆ ಸೇಡು ತೀರಿಸಿಕೊಂಡು ವಿಶ್ವಕಪ್ ಎತ್ತಿ ಹಿಡಿಯುವ ಅದ್ಭುತ ಅವಕಾಶ ಇದೀಗ ಕ್ರೊಯೇಷ್ಯಾ ಮುಂದಿದೆ.
ಸೆಂಟರ್ ಆಫ್ ಅಟ್ರಾಕ್ಷನ್
ಫ್ರಾನ್ಸ್: ಕೈಲಿಯಾನ್ ಎಂಬಾಪೆ
19 ವರ್ಷದ ಎಂಬಾಪೆ ಅವರದ್ದು ಮೈದಾನದಲ್ಲಿ ಚಿರತೆ ವೇಗ. ಅರ್ಜೆಂಟೀನಾ ವಿರುದ್ಧದ ಪ್ರಿ ಕ್ವಾರ್ಟರ್ ಫೈನಲ್ನಲ್ಲಿ ಅವಳಿ ಗೋಲುಗಳಿಂದ ಅಬ್ಬರಿಸಿ ಮೆಸ್ಸಿ ಬಳಗಕ್ಕೆ ಶಾಕ್ ನೀಡಿದ್ದ ಪ್ಯಾರಿಸ್ ಸೇಂಟ್-ಜರ್ಮನ್ ಕ್ಲಬ್ನ ಕೈಲಿಯಾನ್, ಫ್ರಾನ್ಸ್ ಬತ್ತಳಿಕೆಯ ಬ್ರಹ್ಮಾಸ್ತ್ರ. ಉಳಿದಂತೆ ಪಾಲ್ ಪೋಗ್ಬಾ, ಆ್ಯಂಟೋಯ್ನಿನ್ ಗ್ರೀಜ್ಮನ್ ತಂಡದ ಪ್ರಮುಖ ಆಟಗಾರರಾಗಿದ್ದಾರೆ.
ಕ್ರೊಯೇಷ್ಯಾ: ಲುಕಾ ಮೊಡ್ರಿಕ್
ನಾಯಕ ಲುಕಾ ಮೊಡ್ರಿಕ್ ಕ್ರೊಯೇಷ್ಯಾ ತಂಡದ ಮ್ಯಾಚ್ ವಿನ್ನರ್. ರಿಯಲ್ ಮ್ಯಾಡ್ರಿಡ್ ಪರ ಆಡುವ 32 ವರ್ಷದ ಲುಕಾ, ಟೂರ್ನಿಯಲ್ಲಿ ಇದುವರೆಗೆ 2 ಗೋಲು ಗಳಿಸಿದ್ದಾರೆ. ಗೋಲ್ ಸ್ಕೋರರ್ ಎಂಬುದಕ್ಕಿಂತಲೂ ಗೋಲುಗಳನ್ನು ಸೃಷ್ಟಿಸುವ ಆಟಗಾರ ಮೊಡ್ರಿಕ್. ಹೀಗಾಗಿ ತಂಡ ಇವರ ಮೇಲೆ ಹೆಚ್ಚು ಅವಲಂಬಿತವಾಗಿದೆ. ಸೆಮಿಫೈನಲ್ ಪಂದ್ಯದ ಹೀರೊಗಳಾದ ಮಾರಿಯೊ ಮಾಂಡ್ಜುಕಿಚ್ ಮತ್ತು ಇವಾನ್ ಪೆರಿಸಿಚ್ ಅವರ ಬಲ ಕ್ರೊಯೇಷ್ಯಾ ತಂಡಕ್ಕಿದೆ.
ಪಂದ್ಯ ಆರಂಭ: ರಾತ್ರಿ 8.30ಕ್ಕೆ
ಸ್ಥಳ: ಲುಜ್ನಿಕಿ ಕ್ರೀಡಾಂಗಣ, ಮಾಸ್ಕೊ
ನೇರ ಪ್ರಸಾರ: ಸೋನಿ ನೆಟ್ವರ್ಕ್
ಒಟ್ಟು ಮುಖಾಮುಖಿ: 05
ಫ್ರಾನ್ಸ್ ಗೆಲುವು: 03
ಕ್ರೊಯೇಷ್ಯಾ ಗೆಲುವು: 00
ಡ್ರಾ: 02
03
3ನೇ ವಿಶ್ವಕಪ್ ಫೈನಲ್ನಲ್ಲಿ ಆಡಲಿರುವ ಫ್ರಾನ್ಸ್ 1998ರಲ್ಲಿ ಪ್ರಶಸ್ತಿ ಗೆದ್ದರೆ, 2006ರಲ್ಲಿ ರನ್ನರ್ಸ್ ಅಪ್ ಸ್ಥಾನಕ್ಕೆ ತೃಪ್ತಿ ಪಟ್ಟಿತ್ತು.
01
ಕ್ರೊಯೇಷ್ಯಾ ತಂಡ ಇದೇ ಮೊದಲ ಬಾರಿ ಫಿಫಾ ವಿಶ್ವಕಪ್ ಫೈನಲ್ನಲ್ಲಿ ಆಡುತ್ತಿದೆ.
ಸ್ಟಾರ್ ಆಟಗಾರರು
ಫ್ರಾನ್ಸ್: ಹ್ಯುಗೊ ಲೊರಿಸ್(ನಾಯಕ), ಕೈಲಿಯಾನ್ ಎಂಬಾಪೆ, ಒಲಿವಿಯರ್ ಗಿರೌಡ್, ಪಾಲ್ ಪೋಗ್ಬಾ, ಆ್ಯಂಟೋಯ್ನಿನ್ ಗ್ರೀಜ್ಮನ್. ಕೋಚ್: ಡಿಡಿಯರ್ ಡೆಸ್ಚಾಂಫ್ಸ್.
ಕ್ರೊಯೇಷ್ಯಾ: ಲುಕಾ ಮೊಡ್ರಿಕ್(ನಾಯಕ), ಇವಾನ್ ರಕಿಟಿಚ್, ಮಾರಿಯೊ ಮಾಂಡ್ಜುಕಿಚ್, ಇವಾನ್ ಪೆರಿಸಿಚ್, ದೆಜಾನ್ ಲೊವ್ರೆನ್. ಕೋಚ್: ಜ್ಲಾಟ್ಕೊ ಡಾಲಿಚ್.
ಒಟ್ಟು ಬಹುಮಾನ ಮೊತ್ತ - 2,694.80 ಕೋಟಿ ರೂ.
ಚಾಂಪಿಯನ್ಸ್ - 255.98 ಕೋಟಿ
ರನ್ನರ್ಸ್ ಅಪ್ - 188.62 ಕೋಟಿ
ಫಿಫಾ ರ್ಯಾಂಕಿಂಗ್
ಫ್ರಾನ್ಸ್: 07
ಕ್ರೊಯೇಷ್ಯಾ: 20
ಫಿಫಾ ವಿಶ್ವಕಪ್ ಸಾಧನೆ
ತಂಡ ಪಂದ್ಯ ಗೆಲುವು ಸೋಲು ಡ್ರಾ
ಫ್ರಾನ್ಸ್ 64 32 19 13
ಕ್ರೊಯೇಷ್ಯಾ 22 11 07 04
ಹಿಂದಿನ ಚಾಂಪಿಯನ್ಸ್
1930: ಉರುಗ್ವೆ, 1934: ಇಟಲಿ, 1938: ಇಟಲಿ, 1950: ಉರುಗ್ವೆ, 1954: ಪಶ್ಚಿಮ ಜರ್ಮನಿ, 1958: ಬ್ರೆಜಿಲ್, 1962: ಬ್ರೆಜಿಲ್, 1966: ಇಂಗ್ಲೆಂಡ್, 1970: ಬ್ರೆಜಿಲ್, 1974: ಪಶ್ಚಿಮ ಜರ್ಮನಿ, 1978: ಅರ್ಜೆಂಟೀನಾ, 1982: ಇಟಲಿ, 1986: ಅರ್ಜೆಂಟೀನಾ, 1990: ಪಶ್ಚಿಮ ಜರ್ಮನಿ, 1994: ಬ್ರೆಜಿಲ್, 1998: ಫ್ರಾನ್ಸ್, 2002: ಬ್ರೆಜಿಲ್, 2006: ಇಟಲಿ, 2010: ಸ್ಪೇನ್, 2014: ಜರ್ಮನಿ.
ತಂಡಗಳ ಸ್ಟ್ರೆಂತ್-ವೀಕ್ನೆಸ್
ಫ್ರಾನ್ಸ್
ಸ್ಟ್ರೆಂತ್
* 2 ಫೈನಲ್ಗಳ ಅನುಭವ
* ರಕ್ಷಣೆ, ಮಿಡ್ಫೀಲ್ಡ್ನಲ್ಲಿ ಬಲಿಷ್ಠ
ವೀಕ್ನೆಸ್
* ಅತಿಯಾದ ನಿರೀಕ್ಷೆ ಮುಳುವಾಗುವ ಸಾಧ್ಯತೆ
ಕ್ರೊಯೇಷ್ಯಾ
ಸ್ಟ್ರೆಂತ್
* ಟೂರ್ನಿಯುದ್ದಕ್ಕೂ ಸಂಘಟಿತ ಆಟ
* ಆಟಗಾರರ ಒಗ್ಗಟ್ಟು
ವೀಕ್ನೆಸ್
* ಮೊದಲ ಫೈನಲ್ನ ಒತ್ತಡ