ಹೊಸದಿಲ್ಲಿ: ಕತಾರ್‌ನಲ್ಲಿ ನಡೆಯುತ್ತಿರುವ 2022ರ ಸಾಲಿನ ಫಿಫಾ ವಿಶ್ವಕಪ್ ಮೊದಲ ಪಂದ್ಯದಲ್ಲಿ, ಆತಿಥೇಯ ಕತಾರ್ ತಂಡವನ್ನು ಈಕ್ವೆಡಾರ್ ತಂಡ 2-0 ಅಂತರದ ಗೋಲ್‌ಗಳಿಂದ ಮಣಿಸಿದೆ. ಕತಾರ್ ಆತಿಥೇಯ ತಂಡವಾಗಿ ಫಿಫಾ ವಿಶ್ವಕಪ್ ಟೂರ್ನಿಯ ಇತಿಹಾಸದಲ್ಲಿ ಆಡಿದ ಮೊದಲ ಪಂದ್ಯದಲ್ಲೇ ಮುಗ್ಗರಿಸಿದ ತಂಡ ಎನಿಸಿಕೊಂಡಿದೆ. ದೋಹಾದ ಅಲ್ ಬೇಟ್ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ದಾಖಲಾದ ಎರಡೂ ಗೋಲ್‌ಗಳನ್ನು ಈಕ್ವೆಡಾರ್ ತಂಡದ ಸ್ಟಾರ್‌ ಫಾರ್ವರ್ಡ್ ಆಟಗಾರ ಎನರ್ ವೆಲೆನ್ಸಿಯಾ ಗಳಿಸಿದರು. ಅಂದಹಾಗೆ ಇತ್ತಂಡಗಳ ನಡುವಣ ಈ ಹಿಂದಿನ ಪಂದ್ಯದಲ್ಲಿ ಕತಾರ್ ತಂಡ ಈಕ್ವೆಡಾರ್ ಎದುರು ಜಯ ದಾಖಲಿಸಿತ್ತು. ಆದರೆ, ತಾಯ್ನಾಡಿನಲ್ಲಿ ಅಂಥದ್ದೇ ಪ್ರದರ್ಶನ ಹೊರತಂದು ವಿಶ್ವಕಪ್‌ನಲ್ಲಿ ಶುಭಾರಂಭ ಮಾಡಲು ಕತಾರ್ ವಿಫಲವಾಯಿತು.
ಎನರ್ ವೆಲೆನ್ಸಿಯಾ ತಂಡಕ್ಕಾಗಿ ಸತತ 5 ಗೋಲುಗಳನ್ನು ಬಾರಿಸಿದ್ದಾರೆ. ಅವರು ದಕ್ಷಿಣ ಅಮೆರಿಕಾದ ಈಕ್ವೆಡಾರ್ ದೇಶಕ್ಕಾಗಿ ಈ ಸಾಧನೆ ಮೆರೆದ ಮೊದಲ ಆಟಗಾರರಾಗಿದ್ದಾರೆ. ಇದಲ್ಲದೇ ಕತಾರ್ ತಂಡವನ್ನು ಸೋಲಿಸುವ ಮೂಲಕ ಈಕ್ವೆಡಾರ್ ವಿಶ್ವ ದಾಖಲೆ ನಿರ್ಮಿಸಿದೆ. ಈಕ್ವೆಡಾರ್ ಆರಂಭಿಕ ಪಂದ್ಯದಲ್ಲಿ ಆತಿಥೇಯರನ್ನು ಸೋಲಿಸಿದ ವಿಶ್ವದ ಮೊದಲ ತಂಡವಾಗಿದೆ. ಎನರ್ ವೆಲೆನ್ಸಿಯಾ ಈಕ್ವೆಡಾರ್ ತಂಡಕ್ಕೆ ಈ ಐತಿಹಾಸಿಕ ಜಯ ತಂದುಕೊಡುವ ಮೂಲಕ ಇತಿಹಾಸದ ಪು ಸೇರಿದ್ದಾರೆ. ಫುಟ್ಬಾಲ್ ಜಗತ್ತಿನ ಸೂಪರ್‌ ಸ್ಟಾರ್‌ ಆಟಗಾರರಾದ ಲಿಯೋನೆಲ್ ಮೆಸ್ಸಿ (ಅರ್ಜೆಂಟೀನಾ) ಮತ್ತು ಕ್ರಿಸ್ಟಿಯಾನೊ ರೊನಾಲ್ಡೊ (ಪೋರ್ಚುಗಲ್‌) ಅವರಿಂದಲೂ ತಮ್ಮ ರಾಷ್ಟ್ರಗಳಿಗೆ ಇಂಥದ್ದೊಂದು ಐತಿಹಾಸಿಕ ಜಯ ತಂದುಕೊಡಲು ಈವರೆಗೆ ಸಾಧ್ಯವಾಗಿಲ್ಲ.
ಜಿದ್ದಾಜಿದ್ದಿನ ಪೈಪೋಟಿ
ಕತಾರ್ ತಂಡ ಮನೆಯಂಗಣದ ಪ್ರೇಕ್ಷಕರ ಎದುರು ಶ್ರೇಷ್ಠ ಪ್ರದರ್ಶನ ನೀಡುವ ನಿರೀಕ್ಷೆಯಲ್ಲಿತ್ತು. ಆದರೆ ಆಟದ 16ನೇ ನಿಮಿಷದಲ್ಲಿ ಎದುರಾಳಿ ಈಕ್ವೆಡಾರ್‌ಗೆ ಪೆನಾಲ್ಟಿ ಅವಕಾಶ ಕೊಟ್ಟು ಮೊದಲ ಹೊಡೆತವನ್ನು ಅನುಭವಿಸಿತು. ನಿರೀಕ್ಷೆಯಂತೆ ಮಿಂಚಿನ ಆಟವಾಡಿದ ಸ್ಟಾರ್‌ ಆಟಗಾರ ಎನರ್ ವೆಲೆನ್ಸಿಯಾ ತಂಡ ಈ ಪಂದ್ಯದಲ್ಲಿ ಸಿಕ್ಕ ಎಲ್ಲ ಗೋಲ್ ಸ್ಕೋರಿಂಗ್‌ ಅವಕಾಶಗಳನ್ನು ಸದ್ಬಳಕೆ ಮಾಡಿ ಈಕ್ವೆಡಾರ್ ತಂಡಕ್ಕೆ ಜಯದ ಮಾಲೆ ತೊಡಿಸಿದರು. ಪಂದ್ಯದಲ್ಲಿ ಎರಡು ಗೋಲ್ ಬಾರಿಸುವ ಮೂಲಕ ವೆಲೆನ್ಸಿಯಾ, ಈಕ್ವೆಡಾರ್ ಪರ ಅತಿ ಹೆಚ್ಚು ಗೋಲು ಗಳಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ.
ಜಿದ್ದಾಜಿದ್ದಿನ ಪೈಪೋಟಿಯಿಂದ ಕೂಡಿದ್ದ ಪಂದ್ಯದಲ್ಲಿ ಎರಡೂ ಕಡೆಯವರಿಗೆ ಗೋಲ್ ಗಳಿಸುವ ಕೆಲವು ಅವಕಾಶಗಳು ಸೃಷ್ಟಿಯಾಗಿತ್ತು. ಆದರೆ ಆಟದ ಎರಡನೇ ಗೋಲ್ ಕೂಡ ವೆಲೆನ್ಸಿಯಾ ಅವರ ಬೂಟ್‌ನಿಂದಲೇ ಬಂದಿತು. ಮೊದಲಾರ್ಧದ 31ನೇ ನಿಮಿಷದಲ್ಲಿ ಈಕ್ವೆಡಾರ್ ಪರ ವೆಲೆನ್ಸಿಯಾ ಎರಡನೇ ಗೋಲ್ ಬಾರಿಸಿ ಕತಾರ್ ಮೇಲೆ ಒತ್ತಡ ಹೇರಿದರು.
ಚಾಣಾಕ್ಷ ತರಬೇತುದಾರ ಫೆಲಿಕ್ಸ್ ಸ್ಯಾಂಚೆಸ್ ಟಚ್‌ಲೈನ್‌ನ ಬಳಿಯಿಂದ ಸೂಚನೆಗಳನ್ನು ನೀಡುತ್ತಲೇ ಇದ್ದರು, ಆದರೆ ಆತಿಥೇಯ ಕತಾರ್ ತಂಡದ ಯಾವುದೇ ಪ್ರಯತ್ನಗಳು ಫಲ ನೀಡಲಿಲ್ಲ. ಆತಿಥೇಯರು ಈ ಪಂದ್ಯವನ್ನು ಗೆಲ್ಲುವ ಉತ್ತಮ ಅವಕಾಶವನ್ನು ಹೊಂದಿದ್ದರು ಏಕೆಂದರೆ ಅವರು ಮುಂದೆ ನೆದರ್ಲೆಂಡ್ಸ್‌ ಮತ್ತು ಸೆನೆಗಲ್ ತಂಡಗಳ ಸವಾಲು ಎದುರಿಸಬೇಕಿದೆ. ಈ ಬಲಿಷ್ಠ ತಂಡಗಳ ವಿರುದ್ಧ ಕತಾರ್ ತನ್ನ ಖಾತೆಯನ್ನು ತೆರೆಯುವುದು ಬಹಳಾ ಕಷ್ಟ. ಹೀಗಾಗಿ ಈಕ್ವೆಡಾರ್ ಎದುರು ಗೆಲ್ಲುವ ಉತ್ತಮ ಅವಕಾಶವನ್ನು ಕತಾರ್ ಕಳೆದುಕೊಂಡಿತು.
ಎನರ್ ವೆಲೆನ್ಸಿಯಾ ತಂಡಕ್ಕಾಗಿ ಸತತ 5 ಗೋಲುಗಳನ್ನು ಬಾರಿಸಿದ್ದಾರೆ. ಅವರು ದಕ್ಷಿಣ ಅಮೆರಿಕಾದ ಈಕ್ವೆಡಾರ್ ದೇಶಕ್ಕಾಗಿ ಈ ಸಾಧನೆ ಮೆರೆದ ಮೊದಲ ಆಟಗಾರರಾಗಿದ್ದಾರೆ. ಇದಲ್ಲದೇ ಕತಾರ್ ತಂಡವನ್ನು ಸೋಲಿಸುವ ಮೂಲಕ ಈಕ್ವೆಡಾರ್ ವಿಶ್ವ ದಾಖಲೆ ನಿರ್ಮಿಸಿದೆ. ಈಕ್ವೆಡಾರ್ ಆರಂಭಿಕ ಪಂದ್ಯದಲ್ಲಿ ಆತಿಥೇಯರನ್ನು ಸೋಲಿಸಿದ ವಿಶ್ವದ ಮೊದಲ ತಂಡವಾಗಿದೆ. ಎನರ್ ವೆಲೆನ್ಸಿಯಾ ಈಕ್ವೆಡಾರ್ ತಂಡಕ್ಕೆ ಈ ಐತಿಹಾಸಿಕ ಜಯ ತಂದುಕೊಡುವ ಮೂಲಕ ಇತಿಹಾಸದ ಪು ಸೇರಿದ್ದಾರೆ. ಫುಟ್ಬಾಲ್ ಜಗತ್ತಿನ ಸೂಪರ್‌ ಸ್ಟಾರ್‌ ಆಟಗಾರರಾದ ಲಿಯೋನೆಲ್ ಮೆಸ್ಸಿ (ಅರ್ಜೆಂಟೀನಾ) ಮತ್ತು ಕ್ರಿಸ್ಟಿಯಾನೊ ರೊನಾಲ್ಡೊ (ಪೋರ್ಚುಗಲ್‌) ಅವರಿಂದಲೂ ತಮ್ಮ ರಾಷ್ಟ್ರಗಳಿಗೆ ಇಂಥದ್ದೊಂದು ಐತಿಹಾಸಿಕ ಜಯ ತಂದುಕೊಡಲು ಈವರೆಗೆ ಸಾಧ್ಯವಾಗಿಲ್ಲ.
ಜಿದ್ದಾಜಿದ್ದಿನ ಪೈಪೋಟಿ
ಕತಾರ್ ತಂಡ ಮನೆಯಂಗಣದ ಪ್ರೇಕ್ಷಕರ ಎದುರು ಶ್ರೇಷ್ಠ ಪ್ರದರ್ಶನ ನೀಡುವ ನಿರೀಕ್ಷೆಯಲ್ಲಿತ್ತು. ಆದರೆ ಆಟದ 16ನೇ ನಿಮಿಷದಲ್ಲಿ ಎದುರಾಳಿ ಈಕ್ವೆಡಾರ್‌ಗೆ ಪೆನಾಲ್ಟಿ ಅವಕಾಶ ಕೊಟ್ಟು ಮೊದಲ ಹೊಡೆತವನ್ನು ಅನುಭವಿಸಿತು. ನಿರೀಕ್ಷೆಯಂತೆ ಮಿಂಚಿನ ಆಟವಾಡಿದ ಸ್ಟಾರ್‌ ಆಟಗಾರ ಎನರ್ ವೆಲೆನ್ಸಿಯಾ ತಂಡ ಈ ಪಂದ್ಯದಲ್ಲಿ ಸಿಕ್ಕ ಎಲ್ಲ ಗೋಲ್ ಸ್ಕೋರಿಂಗ್‌ ಅವಕಾಶಗಳನ್ನು ಸದ್ಬಳಕೆ ಮಾಡಿ ಈಕ್ವೆಡಾರ್ ತಂಡಕ್ಕೆ ಜಯದ ಮಾಲೆ ತೊಡಿಸಿದರು. ಪಂದ್ಯದಲ್ಲಿ ಎರಡು ಗೋಲ್ ಬಾರಿಸುವ ಮೂಲಕ ವೆಲೆನ್ಸಿಯಾ, ಈಕ್ವೆಡಾರ್ ಪರ ಅತಿ ಹೆಚ್ಚು ಗೋಲು ಗಳಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ.
ಜಿದ್ದಾಜಿದ್ದಿನ ಪೈಪೋಟಿಯಿಂದ ಕೂಡಿದ್ದ ಪಂದ್ಯದಲ್ಲಿ ಎರಡೂ ಕಡೆಯವರಿಗೆ ಗೋಲ್ ಗಳಿಸುವ ಕೆಲವು ಅವಕಾಶಗಳು ಸೃಷ್ಟಿಯಾಗಿತ್ತು. ಆದರೆ ಆಟದ ಎರಡನೇ ಗೋಲ್ ಕೂಡ ವೆಲೆನ್ಸಿಯಾ ಅವರ ಬೂಟ್‌ನಿಂದಲೇ ಬಂದಿತು. ಮೊದಲಾರ್ಧದ 31ನೇ ನಿಮಿಷದಲ್ಲಿ ಈಕ್ವೆಡಾರ್ ಪರ ವೆಲೆನ್ಸಿಯಾ ಎರಡನೇ ಗೋಲ್ ಬಾರಿಸಿ ಕತಾರ್ ಮೇಲೆ ಒತ್ತಡ ಹೇರಿದರು.
ಚಾಣಾಕ್ಷ ತರಬೇತುದಾರ ಫೆಲಿಕ್ಸ್ ಸ್ಯಾಂಚೆಸ್ ಟಚ್‌ಲೈನ್‌ನ ಬಳಿಯಿಂದ ಸೂಚನೆಗಳನ್ನು ನೀಡುತ್ತಲೇ ಇದ್ದರು, ಆದರೆ ಆತಿಥೇಯ ಕತಾರ್ ತಂಡದ ಯಾವುದೇ ಪ್ರಯತ್ನಗಳು ಫಲ ನೀಡಲಿಲ್ಲ. ಆತಿಥೇಯರು ಈ ಪಂದ್ಯವನ್ನು ಗೆಲ್ಲುವ ಉತ್ತಮ ಅವಕಾಶವನ್ನು ಹೊಂದಿದ್ದರು ಏಕೆಂದರೆ ಅವರು ಮುಂದೆ ನೆದರ್ಲೆಂಡ್ಸ್‌ ಮತ್ತು ಸೆನೆಗಲ್ ತಂಡಗಳ ಸವಾಲು ಎದುರಿಸಬೇಕಿದೆ. ಈ ಬಲಿಷ್ಠ ತಂಡಗಳ ವಿರುದ್ಧ ಕತಾರ್ ತನ್ನ ಖಾತೆಯನ್ನು ತೆರೆಯುವುದು ಬಹಳಾ ಕಷ್ಟ. ಹೀಗಾಗಿ ಈಕ್ವೆಡಾರ್ ಎದುರು ಗೆಲ್ಲುವ ಉತ್ತಮ ಅವಕಾಶವನ್ನು ಕತಾರ್ ಕಳೆದುಕೊಂಡಿತು.